ဗျာဒိတ် 12:5 - ဓမ္မသစ်ကျမ်း ဓနုဘာသာစကား

⁵ အဲမိန်းမဟ လူမျိုးအပေါင်းလို့ဟို သံလှံတံဖြင့် အုပ်စိုးမဲ့ သားယောက်ျားဟို ဖွားမျော်အယ်။ အဲသားဟ ဘုရားသခင်ဆေဟို လည်းကောင်း၊ ပလ္လင်တော်ဟို လည်းကောင်း၊ ချီဆောင်ခြင်းဟို ခံရအယ်။

ဗျာဒိတ် 12:5 Iomraidhean Croise

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 1:25

အဲလိုလဲ သူဟ အောင်နီငယ်ဟို မမွေးသေးခင်အထိ မာရိနဲ့ ပေါင်းသင်းနေထိန်မှုဟို မလုပ်ဘဲ နေအယ်။ သူဟ အဲအောင်နီငယ်ဟိုလည်း ယေရှု ဟူသော နာမယ်ပေး လေအယ်။

မာကု 16:19

သခင် ယေရှုဟ သူလို့နဲ့ စကားပြောပင်းနောက်၊ ခေါန်းခင်ဘုံသို့ ဆောင်ယူခြင်းဟို ခံပင်း ဘုရားသခင်ရဲ့ လက်ယာတော်ဖက်တွင် ထိန်နေအယ်။

၂ ကောရိန္သု 12:2

လွန်ခဲ့သော တဆယ့်လေးနှစ်ဟ အမြင့်ဆုံးသော ခေါန်းခင်တိုင်အောန် ချီဆောင်ခြင်း ခံရလဲ့ ခရစ်တော်နှိုက် တည်သောလူတဦးဟို ငါသိအယ်။ သူဟ ကိုယ်ခန္ဓာပါလျက် ချီဆောင်ခြင်း ခံရသလော အဲဟာမဟုတ်ရင် ကိုယ်ခန္ဓာမပါလျက် ချီဆောင်ခြင်း ခံရသလော ငါမသိ၊ ဘုရားသခင် သိအယ်။

ဗျာဒိတ် 11:12

အဲအခါ ခေါန်းခင်မှ အသံကျယ်ရီးဖြင့် “ဟေအရပ်ဟို တက်ကြလော့” ဟု အဲသူနေဦးလို့အား ဆိုတာဟို ကြားရင် သူလို့ဟ မိုးချေးသားဖြင့် ခေါန်းခင်ဘုံဟို တက်သွားကြအယ်။ သူလို့ရဲ့ ရန်သူများဟလည်း ကျေ့နေကြအယ်။

ဗျာဒိတ် 12:13

နဂါးဟ မြေကြီးပေါ်ဟို လောချခြင်း ခံရတာဟို သိသောအခါ သားယောက်ျားဟို ဖွားမျော်သော မိန်းမအား လိုက်ယွေ့ ညှဉ်းဆဲလေအယ်။

ဗျာဒိတ် 12:2

အဲမိန်းမဟ ဖိုက်ကြီးယွေ့ လူပဲ့မွေးခြင်း ဝေဒနာကျောန့် အော်ဟစ်လျက် လူပဲ့မွေးရန် ဝေဒနာပြင်းစွာ ခံစားနေအယ်။

ဗျာဒိတ် 19:15

လူမျိုးတကာလို့ဟို နှိမ်နှင်းရန် ထက်သော သန်လျက်ဟ သူရဲ့ စလောင်တွင်းမှ ထွက်နေအယ်။ သူဟ သူလို့ဟို သံလှံတံဖြင့် အုပ်စိုးလိမ့်မယ်။ သူဟ အနန္တတန်ခိုးနဲ့ ပြေ့စုံသော ဘုရားသခင်ရဲ့ အမျက်တော်ဆိုင်ရာ ပြင်းစွာသော ဒေါသစပျစ်ယေရဲ့ စပျစ်သီးနယ်ရာကျင်းဟို နင်းနယ်လိမ့်မယ်။