မာကု 12:12 - ဓမ္မသစ်ကျမ်း ဓနုဘာသာစကား

¹² ယဇ်ပုရောဟိတ်ကြီးများ၊ ကျမ်းတတ်ဆရာများနဲ့ လူကြီးများဟ ယေရှုဟို ဖမ်းဆီးရန် ကြိုးစားခဲ့အယ်၊ ပစာကို့ ကိုယ်တော်ဟ သူလို့ဟို ရည်ညွှန်းယွေ့ ဟေပုံဥပမာဟို ပြောကျောန်းဟို သိကြအယ်။ အဲလိုလဲ သူလို့ဟ လူအုပ်ကြီးဟို ကြောက်သောကျောန့် ကိုယ်တော်ဟို ထားခဲ့ပင်း ထွက်သွားကြအယ်။

မာကု 12:12 Iomraidhean Croise

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 21:26

အဲလိုလဲ ‘လူလို့ဆေမှ ဖြစ်အယ်’ ဟု ငါလို့ပြောရင် လူလို့ဟို ငါလို့ ကြောက်ရအယ်။ အကျောန်းမှာ သူလို့အားလုံးဟ ယောဟန်ဟို ပရောဖက်တပါးအဖြစ် မှတ်ယူကြအယ်” ဟု ပြောဆိုကြအယ်။

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 22:22

အေးသူလို့ဟ အေးစကားဟို ကြားသောအခါ အံ့ဩကြယွေ့ ကိုယ်တော်ဆေမှ ထွက်ခွာသွားကြအယ်။

မာကု 11:18

ယဇ်ပုရောဟိတ်ကြီးများနဲ့ ကျမ်းတတ်ဆရာများဟ ကြားယွေ့ ဟေသတင်းဟို ကြားသောအခါ သူလို့ဟ ယေရှုဟို သတ်ရန် နည်းလမ်းအချို့ဟို ဆာခဲ့ကြအယ်။ လူအုပ်အပေါင်းလို့ဟ ကိုယ်တော် သွန်သင်တာဟို ရမ်းဆာ့ အံ့ဩသောကျောန့်၊ သူလို့ဟ ကိုယ်တော်ဟို ကြောက်ရွံ့ကြအယ်။

မာကု 11:32

အဲလိုလဲ လူလို့ရဲ့ အခွင့်အာဏာအရဟု ငါလို့ဆိုမလော” ဟု အချင်းချင်း ဆွေးနွေးကြအယ်။ လူအပေါင်းလို့ဟ ယောဟန်ဟို ပရောဖက်ဖြစ်အယ်ဟု အမန်မှတ်ယူသောကျောန့်၊ သူလို့ဟ လူများဟို ကြောက်ရွံ့ခဲ့ကြအယ်။

လုကာ 20:19

ကျမ်းတတ်ဆရာနဲ့ ယဇ်ပုရောဟိတ်ကြီးများဟ မိမိလို့ဟို ရည်စူးယွေ့ အေးပုံဥပမာဟို ပြောကျောန်းဟိုသိသဖြင့် ခုတုံးပင် ကိုယ်တော်ဟို ဖမ်းဆီးရန် ကြံစည်ကြအယ်။ အားပင်မဲ့ လူလို့ဟို ကြောက်ကြအယ်။

လုကာ 20:6

အားပင်မဲ့ လူလို့အခွင့်အာဏာဟု နင်လို့ပြောရင် လူအပေါင်းလို့ဟ ယောဟန်ဟို ပရောဖက်တပါးဟု အမန်ပင် ယုံကြည်ကြသဖြင့် ငါလို့အား ခဲနဲ့ပေါက်ကြလိမ့်မယ်” ဟု အချင်းချင်း ဆွေးနွေးကြအယ်။

ယောဟန် 7:25

ယေရုရှလင်မြို့သား အချို့လို့ဟ “ဟေသူဟို အာဏာပိုင်လို့ သတ်ရန် ကြိုးစားနေကြတာ မဟုတ်လော။

ယောဟန် 7:30

အဲပင်းရင် လူလို့ဟ ကိုယ်တော်အား ဖမ်းဆီးရန် အခွင့်ဟို ဆှာကြသော်လည်း သူ့အချိန်မကျသေးသောကျောန့် ကိုယ်တော်အား စသူမျှ မဖမ်းဆီးကြ။

ယောဟန် 7:44

လူအချို့လို့ဟ ကိုယ်တော်ဟို ဖမ်းဆီးလိုကြအယ်၊ အဲလိုလဲ စသူမျှ မဖမ်းဆီးကြ။