လုကာ 9:8 - ဓမ္မသစ်ကျမ်း ဓနုဘာသာစကား

⁸ တချို့လို့ဟ ဧလိယ ပေါ်လာပီလို့ ပြောဆိုကြအယ်၊ တချို့လို့ဟလည်း ရှေးအခါဟ ပရောဖက်တပါးပါး အသက်ပြန်ဆှင်လာအယ်ဟု ဆိုကြအယ်။

လုကာ 9:8 Iomraidhean Croise

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 16:14

“အချို့ဟ နှစ်ခြင်းဆရာယောဟန် ဟု ပြောယွေ့ အချို့ဟ ဧလိယ ဟု ပြောအယ်။ အချို့ဟ ယေရမိ အဲဟာမဟုတ်ရင် အခြား ပရောဖက်တပါးပါး ဟု ပြောဆိုကြအယ်” ဟု ဆှောက်ကြအယ်။

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 17:10

အဲပင်းရင် တဘဲ့တော်လို့ဟ “ဧလိယသည် အရင် လာရမယ်ဟု ကျမ်းပြုဆရာလို့ဟ မစာကျောန့် ဆိုလုန်း” ဟု ယေရှုအား မေးဆှောက်ကြအယ်။

မာကု 6:15

အခြားသူများဟ “သူဟ ဧလိယဖြစ်အယ်” ဟု ဆိုကြအယ်။ အခြားသောသူများဟလည်း၊ “သူဟ ဟိုးမခင်အခါဟ ပရောဖက် တယောက်ယောက်လိုမျိုး ပရောဖက်တယောက်ဖြစ်အယ်” ဟု ပြောဆိုကြအယ်။

မာကု 8:28

သူလို့ဟ “အချို့ဟ နှစ်ခြင်းယောဟန်ဟု ပြောအယ်၊ အချို့ဟ ဧလိယဟု ပြောပင်း၊ အချို့ဟ ပရောဖက်တပါးပါး ဖြစ်အယ်ဟု ပြောကြအယ်” ဟု ပြန်ပြောကြအယ်။

လုကာ 9:19

“တချို့ပြောကြတာဟ နင်သည် နှစ်ခြင်း ယောဟန် ဖြစ်အယ်၊ တချို့ပြောကြတာဟ နင်သည် ဧလိယ ဖြစ်အယ်၊ တချို့ပြောကြတာက ဟိုအရင်ခါဟ ပရောဖက်တပါးပါး အသက်ပြန်ဆှင်လာအယ်” လို့ ပြန်ပြောကြအယ်။

ယောဟန် 1:21

သူလို့ဟ “အဲကျောန့် နင်ဟ စသူတုန်း၊ ဧလိယ ဖြစ်သလော” လို့ မေးကြအယ်။ ယောဟန်ဟ “ငါဟ ဧလိယ မဟုတ်” ဟု ဆိုအယ်။ သူလို့ဟလည်း “နင်ဟ ပရောဖက်လော” လို့ မေးကြအယ်။ သူဟ “မဟုတ်ဝူး” ဟု ပြန်ပြောအယ်။