ဂလာတိ 3:21 - ဓမ္မသစ်ကျမ်း ဓနုဘာသာစကား

²¹ ပညတ်တရားဟ ဘုရားသခင်ရဲ့ ကတိတော်များနဲ့ ဆန့်ကျင်တာဟို ဆိုလိုသလော။ စလိုမှ ဟုတ်ဝူး။ အကျောန်းမှာ လူသားလို့ဟ အသက်ဟို ဆောင်ကြဉ်းနိန်သော ပညတ်တရားဟို ခံယူကြရင်၊ အေးနောက် လူတိုင်းဟ ဘုရားသခင်ဟို နာခံခြင်းဖြင့် မန်ကန်စွာ ရပ်တည်နိန်မယ် ဖြစ်အယ်။

ဂလာတိ 3:21 Iomraidhean Croise

လုကာ 20:16

“သူဟ လာယွေ့ အေးလူလို့ဟို သတ်ပင်းရင် စပျစ်ဥယျာဉ်ဟို အခြားသူများသို့ ပေးအပ်လိမ့်မယ်။” အေးစကားဟို ကြားသောအခါ လူလို့ဟ “အေးလို့ရီး မဖြစ်ပါစေနဲ့” ဟု သူလို့အား ပြောလေအယ်။

ရောမ 3:31

အဲယုံကြည်ခြင်းအားဖြင့် ငါလို့ဟ ပညတ်တရားဟို ပယ်ဖျက်တာဟို ဆိုလိုသလော။ လုံးလုံး ဟုတ်ဝူး။ ပညတ်တရားဟို အတည်ပြုခြင်းသာ ဖြစ်အယ်။

ရောမ 3:4

လုံးဝ မဟုတ်ပါ၊ လူသားအားလုံးဟ ဝါသောသူများ ဖြစ်ကြသော်လည်း ဘုရားသခင်ဟ မန်ကန်ရမယ်။ ကျမ်းစာပြောတာဟ၊ “နင်ပြောလဲ့စကား မန်တယ်ဆိုတာဟို နင့်ဟို ပြရမယ်၊ နင် တရားစီရင်ရသော အချိန်တွင် နင့်အမှုဟို အနိန်ရဆိရမယ်” လို့ မိန့်အယ်။

ရောမ 3:6

လုံးလုံး ဟုတ်ဝူး။ ဘုရားသခင်ဟ တရားမျှတမှု မဆိရင် လောကဟို စလို တရားစီရင်မလုန်း။

ရောမ 9:31

ဖြောင့်မတ်ခြင်း တရားလမ်းဟို လိုက်သော ဣသရေလလူမျိုးဟ ပညတ်တရားနောက်ဟို လိုက်သော်လည်း သူလို့ရဲ့ ရည်မှန်းချက် မအောန်မြင်ကြ။

၂ ကောရိန္သု 3:7

ပညတ်တော်ဟို ကျောက်ပြားများပေါ်တွင် စာလုံးများဖြင့် ထွင်းထုထားပင်း ပေးအပ်စဉ်တွင် ဘုရားသခင်ရဲ့ ဘုန်းတော် ထင်ဆှားအယ်။ မောရှေရဲ့ မျက်နှာပေါ်ဆိ တောက်ပမှု ပြန်ဖျော့သွားသော်လည်း ဣသရေလအမျိုးသားလို့ဟ သူ့အား စိုက်ကျေ့မနေနိန်လောက်အောန် ပြင်းထန်လှအယ်။ ပညတ်တရားဟ အသက်ဝင်သောအခါနှိုက် သေခြင်းသို့ ရောက်စေသောတရားဟ ဟေမျှသော ဘုန်းအသရေနဲ့ ပြေ့စုံရင်၊

ဂလာတိ 2:17

အေးလို့ဆိုရင် ငါလို့ဟ ခရစ်တော်အားဖြင့် ဖြောင့်မတ်တာဟု အသိအမှတ်ပြုခြင်း ခံရရန် ဆှာကြံနေကြစဉ် ငါလို့တတ်တိုင်း အပစ်သားများဖြစ်ကျောန်း တွေ့ဆိရတာဆိုရင် ခရစ်တော်ဟ အပစ်တရားရဲ့ အမှုဟို ဆောင်ရွက်နေသူ ဟု ဆိုလိုသလော။ လုံးဝ မဟုတ်ပေ။

ဂလာတိ 2:19

အေးလိုမို့ ငါဟ ဘုရားသခင်နှိုက် အသက်ဆှင်ရန် အလို့ငှာ ပညတ်တရားအားဖြင့် အသေသတ်ခြင်းဟို ခံရပါအယ်။ ငါဟ ခရစ်တော်နဲ့အတူ လက်ဝါးကပ်တိုင်မှာ အသေသတ်ခြင်းဟို ခံရပီ။

ဂလာတိ 2:21

ငါဟ ဘုရားသခင်ရဲ့ ကျေးဇူးတော်ဟို မငြင်းပေမဲ့ လူတဦးဟ ပညတ်တရားအားဖြင့် ဘုရားသခင်နဲ့ မန်ကန်နေရင် ခရစ်တော်ဟ အလကားကား အသေခံခြင်း ဖြစ်အယ်။

ဂလာတိ 6:14

ငါအတွက်ကတော့ စလိုဖြစ်ဖြစ်၊ ငါလို့ သခင် ယေရှုခရစ်ရဲ့ လက်ဝါးကပ်တိုင်နှိုက်သာ ငါ ဝါကြွားမယ်။ လက်ဝါးကပ်တိုင်တော်အားဖြင့် ဟေလောကဟ ငါ့အတွက် အသေ ဖြစ်အယ်၊ အားပင်း ငါဟ လောကကြီးအတွက် သေပီ။

ဟေဗြဲ 11:7

နောဧဟ မမျော်ရသေးသောအရာများနဲ့ ပတ်သက်ယွေ့ ဗျာဒိတ်တော်ရသောခါ ကြောက်ရွံ့ရိုသေသောစိတ် ဆိယွေ့ မိမိအိုင်သူအိုင်သားလို့ ကယ်တင်ခြင်း ခံရရန်အတွက် ယုံကြည်ခြင်းအားဖြင့် သင်္ဘောဟို တည်ဆောက်အယ်။ အေးယုံကြည်ခြင်းအားဖြင့် သူဟ လောကရဲ့ အပစ်ဟို ထင်ဆှားစေယွေ့ ယုံကြည်ခြင်းအားဖြင့် ရဆိသော ဖြောင့်မတ်ခြင်းဟို အမွေဆက်ခံသူ ဖြစ်လာအယ်။

ဟေဗြဲ 7:18

ပညတ်ဟောင်းဟ အားနည်းယွေ့ အကျိုးဟို မပေးနိန်သောကျောန့် ပယ်ဆှားခြင်းဟို ခံရအယ်။

ဟေဗြဲ 7:19

မောရှေရဲ့ ပညတ်တရားဟ ပစာအရာဟိုမျှ ပြေ့စုံအောန် မပြုနိန်။ အခုအခါနှိုက် ငါလို့ဟ အဲပညတ်တရားထက် ပိုမိုကောင်းမြတ်လဲ့ မျော်လင့်ချက်ဟို ရဆိကြပီဖြစ်ရာ အဲမျော်လင့်ချက်အားဖြင့် ဘုရားသခင်ဆေဟို ချဉ်းကပ်ကြအယ်။