တမန်တော် 9:2 - ဓမ္မသစ်ကျမ်း ဓနုဘာသာစကား

² ဘုရားသခင်ရဲ့ လမ်းစဉ်ဟို လိုက်ဆှောက်သောသူ ယောက်ျား မိန်းမလို့ဟို တွေ့ဆိပါက အဲသူလို့ဟို ဖမ်းဆီးယွေ့ ယေရုရှလင်မြို့သို့ ခေါ်ဆောင်လာနိန်ရန် ဒမာသက်မြို့ဆိ တရားဇရပ်များဆေဟို အမိန့်စာများရေးပေးရန် သူ့ဆေမှ တောင်းလေအယ်။

တမန်တော် 9:2 Iomraidhean Croise

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 10:17

သတိထားကြလော့၊ သူလို့ဟ နင်လို့အား ဖမ်းဆီးယွေ့ တရားရုံးဟို ပို့ဆောင်ကြပင်း သူလို့ဟ နင်လို့ဟို တရားဇရပ်များတွင် ဖိုင်ကြလိမ့်မယ်။

ယောဟန် 14:6

ယေရှုဟ “ငါဟ လမ်းခရီး၊ သမ္မာတရားနဲ့ အသက် ဖြစ်အယ်။ ငါ့ဟို အမှီမပြုရင် စသူမှ ခမည်းတော်ဆေဟို မရောက်နိန်။

တမန်တော် 18:25

သူဟ ဘုရားသခင်ရဲ့ လမ်းစဉ်အတိုင်း သွန်သင်ခြင်း ခံရခဲ့ပင်း စိတ်အားထက်သန်စွာဖြင့် ယေရှုနဲ့ ပတ်သက်လဲ့ အချက်အလက်များဟို မန်ကန်စွာ ဟောကြားခဲ့အယ်။ စလိုပဲဖြစ်ဖြစ် သူဟ ယောဟန်ရဲ့ နှစ်ခြင်းဟိုသာ သိအယ်။

တမန်တော် 19:23

အေးအချိန်နှိုက် ဘုရားသခင်ရဲ့ လမ်းစဉ်အတွက်ကျောန့် ဧဖက်မြို့တွင် ဆူပူလှုပ်ဆှားမှုကြီး ဖြစ်ပေါ်လာအယ်။

တမန်တော် 19:9

အဲလိုလဲ အချို့လို့ဟ ခိုင်မာသော သဘောဆိယွေ့ မယုံဘဲ နေသဖြင့်၊ လူအပေါင်းလို့ဆေ့တွင် ဘုရားသခင်ရဲ့ လမ်းစဉ်အကျောန်း မကောင်းသော စကားဟို ပြောကြအယ်။ အေးကျောန့် ပေါလုဟ တဘဲ့တော်လို့ဟို ခေါ်ယွေ့ သူလို့ဆေမှ ထွက်သွားပင်း တုရန္နုရဲ့ စာသင်ခန်းမဆောင်တွင် နေ့တိုင်း ဆွေးနွေး ပြောဆိုလေအယ်။

တမန်တော် 24:14

အေးသူလို့ဟ လွဲမားတာဟု ယူဆလဲ့လမ်းစဉ်အရ ငါဟ ဖိုးဖေးများရဲ့ ဘုရားသခင်ဟို ကိုးကွယ်ကျောန်းဟို နင့်အား ငါ ဝန်ခံပါအယ်။ အဲလိုလဲ ငါဟ မောရှေရဲ့ ပညတ်ကျမ်းနဲ့ ပရောဖက်ကျမ်းများတွင် ရေးသားထားသမျှသော အရာလို့ဟို ယုံကြည်ပါအယ်။

တမန်တော် 24:22

ဖေလဇ်မင်းဟလည်း လမ်းစဉ်အကျောန်းဟို ကောင်းစွာ သိထားသူဖြစ်သဖြင့် အမှုကြားနာခြင်းဟို ရပ်နားလိုက်အယ်။ သူဟ “တပ်မှူးကြီး လုသိ ရောက်ဆိလာသောအခါမှ နင်လို့အမှုဟို ငါ စီရင်ချက်ချမယ်” ဟု ဆိုအယ်။

တမန်တော် 26:10

ယေရုရှလင်မြို့မှာ အေးလို့ လုပ်ခဲ့ပါအယ်။ ယဇ်ပုရောဟိတ်ကြီးများဆေမှ အခွင့်အာဏာရဆိဖြင့် ဘုရားသခင်ရဲ့ လူများဟို ထောင်ထဲမှာ အကျဉ်းချထားလျက် သူလို့အား သေဒဏ်စီရင်ချိန်နှိုက်လည်း ငါသဘောတူ ထောက်ခံခဲ့ပါအယ်။

တမန်တော် 26:12

“အေးရည်ရွယ်ချက်ဖြင့် ငါဟ ယဇ်ပုရောဟိတ်ကြီးများဆေမှ အခွင့်အာဏာ ရယူယွေ့ ဒမာသက်မြို့ဟို သွားနေစဉ်၊

တမန်တော် 6:9

အဲပင်းရင် လွတ်လပ်သောသူများ လို့ခေါ်လဲ့ တရားဇရပ်မှ လူအချို့လို့ဖြစ်ကြသော ကုရေနေမြို့သားနဲ့ အာလေဇန္ဒြူယမြို့သားမှ စယွေ့ ကိလိကိပြေနဲ့ အာရှပြေမှ လာသောသူလို့ဟ ထယွေ့ သတေဖန်နဲ့ စတင် ငြင်းကြအယ်။

တမန်တော် 7:19

အဲဘုရင်ဟ ငါလို့ ဖိုးဖေးလို့ဟို လိမ်စားယွေ့ သူလို့အား နှိပ်စက်ညှဉ်းဆဲကာ၊ သူလို့ရဲ့ အောင်ငဲငယ်များအား သေစေရန် နေအိုင်ပြင်တွင် လောထားစေအယ်။

တမန်တော် 9:14

အဲအပြင် ကိုယ်တော်ရဲ့ နာမယ်ဟို ခေါ်သောသူ မန်သမျှဟိုလည်း ဖမ်းဆီးရန် ယဇ်ပုရောဟိတ်ကြီးလို့ဆေမှ အခွင့်အာဏာ ရဆိထားသူ ဖြစ်ပါအယ်” ဟု ဆှောက်အယ်။

တမန်တော် 9:21

သူ့ရဲ့ စကားဟို ကြားသောသူအပေါင်းလို့ဟ အံ့ဩကြလျက် “ဟေလူဟ ယေရှုဟို ကိုးကွယ်သောသူတိုင်း ယေရုရှလင်မြို့တွင် သတ်ဖြတ်ခဲ့သူ မဟုတ်ဝူးလော။ အေးသူလို့ဟို ဖမ်းဆီးယွေ့ ယဇ်ပုရောဟိတ်ကြီးများဆေ ခေါ်ဆောင်သွားရန်ဟူသော ရည်ရွယ်ချက်နဲ့ ဟေနေရာဟို လာရောက်တာ မဟုတ်လော” ဟု ဆိုကြအယ်။

၂ ကောရိန္သု 11:32

ငါဟ ဒမာသက်မြို့နှိုက် ဆိစဉ် အရေတဘုရင်ရဲ့ လက်အောက်ခံ မြို့ဝန်ဟ ငါ့အား ဖမ်းဆီးရန် မြို့ထင်ခါးများတွင် တပ်သားများဟို အစောင့်ချထားအယ်။

ဂလာတိ 1:17

ငါ့ဆေ့မှာ တမန်တော်ဖြစ်တဲ့ သူတွေဟို တွေ့ဖို့ ယေရုရှလင်မြို့ဟို ငါသွားမဲ့အစား ငါ အာရေဗျပြေဟို ခုတင်ချင်း သွားခဲ့အယ်။ အဲပင်းရင် ငါဟ ဒမာသက်မြို့ဟို ပြန်လာခဲ့အယ်။