တမန်တော် 19:25 - ဓမ္မသစ်ကျမ်း ဓနုဘာသာစကား

²⁵ အေးသူဟ ပန်းထိန်သမားများနဲ့ တခြားလုပ်ငန်းဆိုင်ရာ အလုပ်သမားများဟို စည်းရုံးစေပင်း “ငါ့ မိတ်ဆွေလို့၊ ဟေလုပ်ငန်းဖြင့် ငါလို့ အကျိုးစီးပွားဖြစ်တာဟို နင်လို့ သိကြအယ်။

တမန်တော် 19:25 Iomraidhean Croise

တမန်တော် 16:19

သူမရဲ့ သခင်ဖြစ်သူလို့ဟ မိမိလို့ ပိတ်ဆန် ဝင်ပေါက် ပိတ်သွားပင်း မျော်လင့်စရာ မဆိကျောန်း သိကြသောအခါ၊ ပေါလုနဲ့ သိလလို့ဟို ဖမ်းဆီးယွေ့ အာဏာပိုင်များဆိရာ အများနဲ့ဆိုင်သော နေရာဟို ဆွဲခေါ်သွားကြအယ်။

တမန်တော် 19:24

ဒေမေတရိ နာမယ်ဆိသော ငွေပန်းထိမ်ဆရာဟ အာတေမိနတ်သမီးရဲ့ ငွေဗိမာန်ငယ်လို့ဟို လုပ်ခြင်းအားဖြင့် လက်မှုပညာသည်များစွာ ငွေဝင်လမ်း ဖြောင့်စေခဲ့အယ်။

တမန်တော် 19:26

အခုတွင် ပေါလုဆိုသူဟ ဧဖက်မြို့တွင် သာမက အာရှပြေတခုလုံးလိုလိုနှိုက်ပင် လူ့လက်ဖြင့် ပြုလုပ်လဲ့ ဘုရားများဟ ဘုရားလုံးဝ မဟုတ်ဟု ဆိုယွေ့ လူအပေါင်းလို့ဟို ဖြားယောင်းသွေးဆောင်တာဟို နင်လို့ မျော်လျက် ကြားလျက် ဆိကြအယ်။

၂ ပေတရု 2:3

သူလို့ဟ လောဘစိတ်ဖြင့် လုပ်ကြံဖန်တီးသော စကားများဟို ပြောဆိုလျက် နင်လို့အပေါ် အမြတ်ထုတ်ကြလိမ့်မယ်။ သူလို့ ခံရမဲ့ ပစ်ဒဏ်စီရင်ခြင်းဟ ဆေ့မခင်ကပင် ဖင့်နှေးခြင်း မဆိ။ သူလို့ရဲ့ ပျက်စီးခြင်းဟလည်း အိပ်ယွေ့ မမွေ။

ဗျာဒိတ် 18:3

အကျောန်းမှာ လူမျိုးအပေါင်းလို့ဟ သူရဲ့ မတရားသောမေထုန်ပြုခြင်းနဲ့ဆိုင်လဲ့ ပြင်းစွာသော ဒေါသစပျစ်ယေဟို သောက်ကြယွေ့ မြေကြီးရဲ့ ဘုရင်လို့ဟ သူနဲ့အတူ မတရားသောမေထုန် ပြုကြကာ မြေကြီးရဲ့ ကုန်သည်လို့ဟလည်း အဲမြို့ရဲ့ တရားလွန် ကာမဂုဏ်စည်းစိမ် ခံစားမှုဟို အကျောန်းပြုယွေ့ ချမ်းသာကြွယ်ဝကြလေပီ” ဟု ဆိုအယ်။