တမန်တော် 12:4 - ဓမ္မသစ်ကျမ်း ဓနုဘာသာစကား

⁴ ဟေရုဒ်ဟ ပေတရုဟို ဖမ်းဆီးယွေ့ ထောင်ထဲ ထည့်ထားပင်းနောက်၊ အဲမှာ သူ့ဟို စောင့်ကျေ့ရန် အစောင့်တပ်သား လေးယောက်စီပါသော တပ်စုငယ် လေးစုလက်သို့ အပ်ထားအယ်။ ဟေရုဒ်ဟ ပသခါပွဲ လွန်သောအခါ သူ့ဟို လူထုဆေ့တွင် ထုတ်ရန် အကြံဆိအယ်။

တမန်တော် 12:4 Iomraidhean Croise

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 24:9

“အေးနောက် လူတို့ဟ နင်လို့ဟို နှိပ်စက်ရန် အပ်နှံယွေ့ သတ်ဖြတ်ကြပင်း နင်လို့ဟ ငါရဲ့နာမကျောန့် လူမျိုးအပေါင်းလို့ဟ နင်လို့ဟို မုန်းကြလိမ့်မယ်။

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 26:5

အဲလိုလဲ သူလို့ဟ “လူလို့ ရုန်းရင်းဆန်ခတ်ဖြစ်မယ်ဟို စိုးရိမ်စရာဆိသဖြင့် ပွဲတော်ရက်အတွင်းနှိုက် မဖမ်းဆီးကြနဲ့” ဟု ဆိုကြအယ်။

မာကု 14:1

ပသခါပွဲနဲ့ တဆေးမဲ့မုန့်ပွဲတော် ကျရောက်ရန် နေရက်လောက် လိုတော့အယ်။ ယဇ်ပုရောဟိတ်မင်းများနဲ့ ကျမ်းတတ်ဆရာများဟ ယေရှုဟို တိတ်တဆိတ် ဖမ်းဆီးယွေ့ သတ်ရန် နည်းလမ်းများဟို ဆှာဖွေလျက်နေကြအယ်။

လုကာ 21:12

အဲလိုလဲ ဟေအမှုအရာများ မဖြစ်ပျက်ခင် လူလို့ဟ နင်လို့အား ဖမ်းဆီးညှဉ်းဆဲကြလိမ့်မယ်၊ နင်လို့အား တရားဇရပ်များတွင် တရားစီရင်ရန် အပ်နှံယွေ့ ထောင်များတွင် အကျဉ်းချ ထားကြလိမ့်မယ်၊ နင်လို့ဟ ငါရဲ့နာမကျောန့် ဘုရင်များနဲ့ အာဏာပိုင်များရဲ့ ဆေ့မှောက်သို့ ရောက်ရကြလိမ့်မယ်။

လုကာ 22:33

ပေတရုဟ “သခင်၊ ငါဟ ကိုယ်တော်နဲ့အတူ ထောင်ထဲဟို သွားရန်နဲ့ ကိုယ်တော်နဲ့အတူ သေဖို့ အသင့်ဆိပါအယ်” ဟု ပြန်ဖြေအယ်။

ယောဟန် 19:23

စစ်သားလို့ဟ ယေရှုဟို လက်ဝါးကပ်တိုင်တွင် တင်ယွေ့သတ်ကြပင်းသောအခါ ကိုယ်တော်ရဲ့ အဝတ်တော်ဟို လေးပိုင်းပိုင်းယွေ့ တယောက်တပိုင်းစီ ယူကြအယ်။ သူလို့ဟ အထဲခံ အင်္ကျီဟိုလည်း ယူကြအယ်၊ အေးအင်္ကျီဟ ချုပ်ရိုးမဆိဘဲ အပေါ်မှ အောက်ခြေအထိ တထည်လုံးဟို တဆက်တည်း ရက်ထားလဲ့ အဝတ် ဖြစ်အယ်။

ယောဟန် 21:18

နင်လို့အား ငါ အမန်ဆိုအယ်၊ နင်ဟ ငယ်ခါဟ ဝတ်ချင်ရာဝတ်ပင်း သွားချင်ရာသို့ သွားတတ်အယ်၊ အဲလိုလဲ နင်ဟ အိုလာသောအခါ နင်ရဲ့လက်နေဖက်ဟို ဆန့်လျက် သူတပါးဟ နင့်ဟို တုတ်ချေပင်း နင်မသွားလိုလဲ့အရပ်ဟို ဆောင်သွားလိမ့်မယ်” ဟု မိန့်လေအယ်။

တမန်တော် 12:3

အဲအမှုဟို ယုဒအမျိုးသားလို့ နှစ်သက်ကြကျောန်း မျော်သောအခါ၊ သူဟ ထပ်ယွေ့ ပေတရုဟိုလည်း ဖမ်းဆီးရန် စီစဉ်ကြအယ်။ အဲအချိန်ဟ တဆေးမဲ့မုန့် ပွဲတော်အခါ ဖြစ်အယ်။

တမန်တော် 12:5

အေးလိုမို့ ပေတရုဟ ထောင်ထဲမှာ ထိန်းသိမ်းထားခြင်း ခံရအယ်၊ အဲလိုလဲ အသင်းတော်ဝင် အပေါင်းလို့ဟ ပေတရုအတွက် စိတ်အားထက်သန်စွာ ဘုရားသခင်ဆေ ဆုတောင်းလျက် နေကြအယ်။

တမန်တော် 4:28

ကိုယ်တော်ရဲ့ တန်ခိုးတော်နဲ့ အလိုတော်လို့အားဖြင့် ဖြစ်ပျက်လာရန် ကြိုတင် သတ်မှတ် ထားသမျှသောအရာလို့ဟို ပြုခဲ့ကြပီ။

တမန်တော် 4:3

အေးလိုမို့ သူလို့ဟ တမန်တော်လို့ဟို ဖမ်းဆီးပင်း မိုးချုပ်ပီ ဖြစ်သောကျောန့် နောက်တနေ့တိုင်အောန် ထောင်ထဲမှာ ထည့်ထားကြအယ်။

တမန်တော် 5:18

သူလို့ဟ တမန်တော်လို့ဟို ဖမ်းဆီးပင်း ပြေသူ့ အကျဉ်းထောင်ထဲတွင် ထည့်ထားကြအယ်။

တမန်တော် 8:3

အဲလိုလဲ ရှောလုဟ အသင်းတော်ဟို ဖျက်ဆီးရန် ကြိုးစားလျက် နေပင်း၊ သူဟ နေအိုင်တအိုင်ပင်း တအိုင်ဝင်ယွေ့ ယုံကြည်သူ ယောက်ျား မိန်းမလို့ဟို ဆွဲထုတ်ကာ အကျဉ်းထောင်တွင် ထည့်ထားလေအယ်။