၂ ပေတရု 2:19 - ဓမ္မသစ်ကျမ်း ဓနုဘာသာစကား

¹⁹ သူလို့ဟ အေးသူလို့အား လွတ်လပ်မှုဟို ပေးမယ်လို့ ကတိပေးလျက်နဲ့ သူလို့တတ်တိုင်းဟ ပျက်စီးခြင်းရဲ့ ကျေးကျွန်များ ဖြစ်ကြအယ်။ အကျောန်းမှာ လူဟ တစုံတခုရဲ့ အနိန်ယူ စိုးမိုးခြင်းဟို ခံရရင် အေးအရာရဲ့ ကျေးကျွန် ဖြစ်အယ်။

၂ ပေတရု 2:19 Iomraidhean Croise

ယောဟန် 8:34

ယေရှုဟ “နင်လို့အားငါ အမန်ပြောတာဟ၊ အပစ်ဆိသူတိုင်းဟ အပစ်ရဲ့ကျွန် ဖြစ်အယ်။

တမန်တော် 19:16

အေးနောက် နတ်ဆိုးဝင်ပူးနေသူဟ သူလို့အပေါ်ဟို ခုန်တက်ကာ သူလို့အားလုံးဟို နှိမ်နှင်းယွေ့ အနိန်ယူသောကျောန့် သူလို့ဟ အေးနေအိုင်မှ အဝတ်မပါဘဲ ဒဏ်ရာများနဲ့ ထွက်ပြေးရကြအယ်။

ဂလာတိ 5:1

လွတ်လပ်မှု ရဆိစေရန် ခရစ်တော်ဟ ငါလို့ဟို လွတ်မြောက်စေအယ်။ အေးနောက် လွတ်လပ်သော သူလို့လိုမျိုး ရပ်တည်ပင်း နင်တတ်တိုင်း နောက်တခါ ကျွန်ခံရာ ထမ်းပိုးဟို ထမ်းယွေ့ တုတ်ချေခြင်းဟို မခံကြနဲ့။

ဂလာတိ 5:13

ငါ့မိတ်ဆွေလို့၊ နင်လို့အတွက်ဟတော့ လွတ်လပ်မှုအတွက် ခေါ်ခြင်းခံရကြအယ်။ အဲလိုလဲ အေးလွတ်လပ်မှုဟာ နင့်ရဲ့ ရုပ်ပိုင်းဆိုင်ရာ ဆန္ဒတွေကို ချုပ်ကိုင်ထားဖို့ အကျောန်းပြချက်တခု ဖြစ်လာအောန် မလုပ်ပါနဲ့။ အေးအစား ချစ်ခြင်းမေတ္တာအားဖြင့် အချင်းချင်း အစေခံစေ။

၂ တိမောသေ 2:26

အဲအခါ သူလို့ဟ အမြင်မန်ရဆိလာပင်း မာရ်နတ်ရဲ့ ကျော့ကွင်းမှ လွတ်မြောက်ကြလိမ့်မယ်၊ မာရ်နတ်ဟ မိမိအလိုအတိုင်း လိုက်နာစေရန် သူလို့အား ဖမ်းဆီးထားခဲ့အယ်။

တိတု 3:3

အကျောန်းမှာ မခင်ဟ ငါလို့ဟလည်း မိုက်မဲသောသူ၊ မနာခံသောသူ၊ မားယွင်းသောသူများဖြစ်ကြပင်း အမျိုးမျိုးသော တပ်မက်ခြင်းနဲ့ ကာမဂုဏ်ခံစားခြင်းလို့နှိုက် ကျွန်ခံယွေ့ မကောင်းမှုနဲ့ မုန်းခြင်းလို့နှိုက် ကျင်လည်ကြကာ မုန်းခြင်းခံရလျက် အချင်းချင်းဟိုလည်း မုန်းလျက်နေကြအယ်။

၁ ပေတရု 2:16

လွတ်လပ်သောသူများအဖြစ် အသက်ဆှင်ကြလော့။ အဲလိုလဲ အေးလွတ်လပ်ခြင်းဟို မကောင်းမှုလုပ်ရန် ဆင်ခြေဆင်လက်အဖြစ် အသုံးမပြုဘဲ ဘုရားသခင်ရဲ့ အစေအပါးအဖြစ် အသုံးပြုကြလော့။

၂ ပေတရု 1:4

အေးနည်းအားဖြင့် ကတိထားသော ရမ်းဆာ့ကြီးယွေ့ အဖိုးထိုက်လဲ့ ဆုကျေးဇူးများဟို ကိုယ်တော်ဟ ငါလို့အား ပေးအယ်။ အေးလို့ ဆုကျေးဇူးအားဖြင့် ဟေလောကတွင် ဖောက်ပြန်ပျက်စီးတတ်သော လောကီတပ်မက်ခြင်း အညစ်အကြေးမှ လွတ်မြောက်နိန်ကြလျက် ဘုရားဇာတိတွင် ပါဝင်စေရန် ဖြစ်အယ်။

၂ ပေတရု 2:20

ငါလို့ သခင်နဲ့ ကယ်တင်ဆှင်ဖြစ်သော ယေရှု ခရစ်တော်ဟို သိခြင်းအားဖြင့် လောကီညစ်ညူးခြင်းမှ လွတ်မြောက်ကြပင်းနောက် အေးအရာများနဲ့ တခါ ပတ်သက်ငြိတွယ်လျက် အနိန်ယူ စိုးမိုးခြင်းဟို ခံရရင် သူလို့ရဲ့ နောက်ဖြစ်အင်ဟ ဆေ့ဖြစ်အင်ထက် ပိုဆိုးအယ်။