၂ ကောရိန္သု 2:13 - ဓမ္မသစ်ကျမ်း ဓနုဘာသာစကား

¹³ အားပေမဲ့ ငါလို့ရဲ့ ညီအကို တိတုအား မတွေ့ရသောကျောန့် ငါဟ စိတ်မသက်သာ ဖြစ်အယ်။ အဲလိုမို့ အဲမြို့ဆိ လူလို့ဟ နှုတ်ဆက်ပင်း မာကေဒေါနိပြေဟို ငါသွားခဲ့အယ်။

၂ ကောရိန္သု 2:13 Iomraidhean Croise

မာကု 6:46

လူအပေါင်းလို့ဟို နှုတ်ဆက်ပင်းနောက်၊ ကိုယ်တော်ဟ ဆုတောင်းရန် တောင်ပေါ်ဟို တက်လေအယ်။

တမန်တော် 21:6

အေးနောက် တယောက်နဲ့တယောက် နှုတ်ဆက်ပင်း၊ ငါလို့ဟ သင်္ဘောပေါ်ဟို တက်ယွေ့ သူလို့ဟ မိမိလို့နေအိုင်ဟို ပြန်ကြအယ်။

ရောမ 15:26

အကျောန်းမှာ မာကေဒေါနိပြေနဲ့ အခါယပြေဆိ အသင်းတော်လို့ဟ ယေရုရှလင်မြို့ဆိ သန့်ဆှင်းသူများထဲမှ ဆင်းရဲသောသူလို့ဟို ပေးလှူထောက်ပံ့ရန် ဆုံးဖြတ်ကြအယ်။

၂ ကောရိန္သု 12:18

ငါဟ တိတုဟို နင်လို့ဆေသို့ လာရန် တိုက်တွန်းယွေ့ သူနဲ့အတူ ယုံကြည်သူတဦးဟို စေလွှတ်ခဲ့အယ်။ တိတုဟ နင်လို့ဟို အမြတ်ထုတ်ခဲ့သလော။ ငါလို့ဟ တူညီသော စိတ်သဘောဖြင့် ခြေရာတထပ်တည်း ဆှောက်လှမ်းခဲ့တာ မဟုတ်လော။

၂ ကောရိန္သု 7:13

အဲကျောန့် ငါလို့ဟ နှစ်သိမ့်မှုဟို ခံစားရအယ်။ ငါလို့ ခံစားရသော နှစ်သိမ့်မှု သာမက၊ တိတုရဲ့ စိတ်နေလုံးဟ နင်လို့အားလုံးကျောန့် ပျော်ရွှင်မှုဟို ခံစားရတာ ဖြစ်ယွေ့ သူ့ရဲ့ ဝမ်းမြောက်ခြင်းကျောန့် ငါလို့ဟ ပိုယွေ့ ဝမ်းမြောက်ကြအယ်။

၂ ကောရိန္သု 7:14

ငါဟ နင်လို့အကျောန်းဟို သူ့အား ဝါကြွားခဲ့သော်လည်း နင်လို့ဟ ငါ့ဟို စိတ်ပျက်စေခြင်း မဆိခဲ့။ ငါလို့ဟ နင်လို့အား မန်ကန်သောအရာဟို အစဉ်အမြဲ ပြောခဲ့လဲ့နည်းတူ တိတုဟို ငါလို့ ဝါကြွားသောအရာဟလည်း ဟုတ်မန်ကျောန်း ထင်ဆှားခဲ့ပီ။

၂ ကောရိန္သု 8:16

နင်လို့အပေါ် ငါထားဆိသော စိတ်အားထက်သန်မှုမျိုးဟို တိတုရဲ့ စိတ်နေလုံးထဲနှိုက် ထည့်သွင်းပေးသော ဘုရားသခင်ရဲ့ ကျေးဇူးတော်ဟို ငါ ချီးမွန်းအယ်။

၂ ကောရိန္သု 8:23

တိတုနဲ့ ပတ်သက်ယွေ့ ပြောရရင် သူဟ ငါရဲ့ လုပ်ဖော်ကိုင်ဖက်ဖြစ်ပင်း နင်လို့အတွက် ငါနဲ့အတူ လုပ်ဆောင်သောသူ ဖြစ်အယ်၊ ငါလို့ရဲ့ အခြားညီအကိုလို့နဲ့ ပတ်သက်ယွေ့ ပြောရရင် သူလို့ဟ ခရစ်တော်ရဲ့ ဘုန်းအသရေဟူသော အသင်းတော်များရဲ့ ကိုယ်စားပြုများ ဖြစ်ကြအယ်။

၂ ကောရိန္သု 8:6

အဲကျောန့် တိတုဟ အဲကျေးဇူးပြုခြင်းအမှုဟို နင်လို့တွင် အစပြုသလို ပီးပြေ့စုံလဲ့တိုင်အောန် ပြုမဲ့အကျောန်း သူ့ဟို ငါလို့ တိုက်တွန်းကြအယ်။

ဂလာတိ 2:1

ဆယ့်လေးနှစ်ကြာပင်းနောက် ငါဟ တိတုဟို ခေါ်ယွေ့ ဗာနဗနဲ့အတူ ယေရုရှလင်မြို့ဟို ပြန်တက်သွားလေအယ်။

ဂလာတိ 2:3

ငါ့ရဲ့အဖော် တိတုဟ ဟေလသလူမျိုး ဖြစ်သော်လည်း အရေဖျားလှီးခြင်းခံရန် အတင်းအကျပ်စေခိုင်းခြင်းဟို မခံရပေ။

၂ တိမောသေ 4:10

ဒေမဟ ဟေလောကဟို စွဲလမ်းသဖြင့် ငါ့ဟို စွန့်ခွာယွေ့ သက်သာလောနိတ်မြို့ဟို ထွက်ခွာသွားလေပီ။ ကရက္ကေဟ ဂလာတိပြေ လည်းကောင်း၊ တိတုဟ ဒါလမာတိပြေဟို လည်းကောင်း သွားကြပီ။

တိတု 1:4

ငါဟ တူညီသော ယုံကြည်ခြင်းအားဖြင့် စစ်မန်လဲ့ ငါ့အောင်နီငယ်ဖြစ်လဲ့ တိတုဆေဟို ဟေစာရေးလိုက်အယ်။ အဖဘုရားသခင်နဲ့ ငါလို့ရဲ့ ကယ်တင်ဆှင် ခရစ်တော် ယေရှုဆေမှ ကျေးဇူးတော်နဲ့ ငြိမ်သက်ခြင်းဟ နင်လို့နှိုက် ဆိပါစေသော။