၁ ကောရိန္သု 5:9 - ဓမ္မသစ်ကျမ်း ဓနုဘာသာစကား

⁹ မခင်ဟ နင်လို့ဆေသို့ ရေးလိုက်သော စာတွင် ကာမဂုဏ်လိုက်စားသူလို့နဲ့ မပေါင်းဖော်ရန် ငါပြောကြားခဲ့အယ်။

၁ ကောရိန္သု 5:9 Iomraidhean Croise

၁ ကောရိန္သု 5:10

အဲသို့ ရေးထားသော်လည်း မတရားသောမေထုန်နှိုက် မှီဝဲခြင်း၊ လောဘလွန်ကျူးခြင်း၊ အနိန်အထက် လုယူခြင်း၊ ရုပ်တုကိုးကွယ်ခြင်း အမှုဟို ပြုသော လောကီသားလို့နဲ့ အလျှင်းမပေါင်းဖော်ရဟု မဆိုလို။ အဲသို့ဆိုလျှင် နင်လို့ဟ လောကမှ ထွက်သွားရကြလိမ့်မယ်။

၁ ကောရိန္သု 5:2

အဲသို့ပြုသောသူဟို နင်လို့အထဲမှ နှင်ထုတ်မဲ့အကျောန်း စိတ်မသာ ညည်းတွားခြင်းဟို မပြု၊ မာနထောင်လွှားလျက် နေကြအယ်။

၁ ကောရိန္သု 5:7

တဆေးဟောင်း တည်းဟူသော အပစ်ဒုစရိုက်ဟို ပယ်ဆှားကြလော့။ အဲမှသာ နင်လို့ဟ လုံးဝသန့်စင် လာကြလိမ့်မယ်။ အဲအခါ နင်လို့ဟ တဆေးမပါသော မုန့်ညက်သစ်လို ဖြစ်လိမ့်မယ်။ ဟေသို့ နင်လို့ တကယ်ပင် ဖြစ်ကျောန်းဟို ဧကန်အမန် ငါ သိအယ်။ ငါလို့ရဲ့ ပသခါ သိုးသငယ် တည်းဟူသော ခရစ်တော်အား ယဇ်ပူဇော်ပီးပီ ဖြစ်သဖြင့် ငါလို့ရဲ့ ပသခါပွဲ ကျင်းပရန် အသင့်ဆိပီ။

၂ ကောရိန္သု 6:14

မယုံကြည်သောသူလို့နဲ့ မညီသောထမ်းပိုးဟို မထမ်းကြနဲ့။ အကျောန်းမှာ ဖြောင့်မတ်ခြင်းနဲ့ မတရားအမှုလို့ အကြားနှိုက် စလို ပတ်သက်မှုဆိတုန်း။ အဲဟာမဟုတ်ရင် အလင်းနဲ့ မိုက်လို့ အကြားနှိုက် စလို မိတ်သဟာယ ဖွဲ့ခြင်း ဆိတုန်း။

၂ ကောရိန္သု 6:17

အဲကျောန့် ထာဝရဘုရားဟ “အဲသူလို့ဆေမှ ထွက်ယွေ့ သီးခြားနေကြလော့။ မသန့်ဆှင်းသောအရာလို့ဟို မတို့မထိနဲ့၊ အဲသို့ပြုရင် ငါဟ နင်လို့ဟို လက်ခံမယ်။

ဧဖက် 5:11

အကျိုးမဲ့သော မိုက်ခြင်းရဲ့ အမှုလို့နှိုက် မပါဝင်ကြတာမက အေးအမှုလို့ရဲ့ အပစ်ဟို ဖော်ပြကြလော့။

၂ သက်သာလောနိတ် 3:14

တစုံတယောက်ဟ ဟေစာအားဖြင့် ငါလို့မှာကြားသောစကားဟို နားမထောင်ရင် အေးသူအား အဆှက်ရစေရန် သူ့ဟို မှတ်ထားလျက် သူနဲ့ မပေါင်းဖော်ကြနဲ့။

၂ သက်သာလောနိတ် 3:6

ငါ့ညီအကိုလို့၊ ငါလို့ဆေမှ ခံယူရဆိလဲ့ သွန်သင်ချက်များဟို မလိုက်ဆှောက်ဘဲ စည်းကမ်းမဲ့ အသက်ဆှင် ဆှောက်လှမ်းနေကြသော သူအားလုံးဟို ဆှောင်ကြဉ်ကြရန် ငါလို့ သခင် ယေရှု ခရစ်တော်ရဲ့ နာမတော်အားဖြင့် နင်လို့ဟို ငါလို့ မိန့်မှာကြအယ်။