၁ ကောရိန္သု 11:16 - ဓမ္မသစ်ကျမ်း ဓနုဘာသာစကား

¹⁶ အားပေမဲ့ တစုံတယောက်သောသူဟ ဒီကိစ္စဟို ငြင်းခုံချင်ရင်တော့ ငါလို့နဲ့ ဘုရားသခင်ရဲ့ အသင်းတော်တွေမှာ ကိုးကွယ်သော အလေ့အထ မဆိဝူးလို့ ဆိုလေအယ်။

၁ ကောရိန္သု 11:16 Iomraidhean Croise

တမန်တော် 21:21

နင်ဟ လူမျိုးခြားလို့ထဲတွင် နေထိန်ကြသော ယုဒအမျိုးသားလို့အား နင်လို့ရဲ့ လူပဲ့သငယ်များဟို အရေဖျားလှီးခြင်း မပေးကြနဲ့ အဲဟာမဟုတ်ရင် ယုဒ စလေ့အတိုင်းဟို မလိုက်နာကြရန် ပြောလျက် မောရှေရဲ့ ပညတ်တရားဟို စွန့်စေရန် သင်ကြားလျက် ဆိကျောန်းဟို သူလို့ ကြားသိကြအယ်။

တမန်တော် 21:24

အေးသူလို့ဟို ခေါ်သွားပင်း သူလို့နဲ့အတူ သန့်ဆှင်းခြင်းဟို ခံယူလျက် သူလို့ခေါင်းဟို ကတုံးရိတ်ရန် သူလို့အတွက် စရိတ်ခံပေးပါလော့။ အေးလို့ပြုရင် နင်လို့နဲ့ ပတ်သက်ယွေ့ သူလို့ ကြားသိထားသော သတင်းဟ ကစတ်ကလတ်ဘဲ နင်လို့တတ်တိုင်း ပညတ်တရားဟို စောင့်ထိန်းလျက် လိုက်ဆှောက်ကျောန်း သူလို့အားလုံး သိကြလိမ့်မယ်။

၁ ကောရိန္သု 11:15

မိန်းမဟတော့ ဆှည်သော ဆံပင် ဆိရင်၊ သူမရဲ့ ဘုန်းအသရေ ဖြစ်အယ်။ အကျောန်းမှာ ဆှည်သောဆံပင်ဟို ခြုံထည်အဖြစ် သူမဟို ပေးထားခြင်း ဖြစ်အယ်။

၁ ကောရိန္သု 16:1

ယုဒပြေဆိ ဘုရားသခင်ရဲ့ လူလို့အား ထောက်ပံ့ရန်အတွက် အလှူငွေများနဲ့ ပတ်သက်ယွေ့ ဂလာတိပြေဆိ အသင်းတော်များသို့ ငါမှာထားလဲ့အတိုင်း နင်လို့ ပြုကြလော့။

၁ ကောရိန္သု 4:5

အဲလိုမို့ သခင်ဘုရား ကြွလာမမူမီ စလိုအရာဟိုမျှ အချိန်မတန်ဘဲ မစီရင်ကြနဲ့။ အဲသခင်ဟ မိုက်ထဲနှိုက် အောန်းထားသောအရာလို့ဟို အလင်းဟို ယူဆောင်လာပင်း စိတ်နေလုံး အကြံစည်လို့ဟို ထင်ဆှားစေလိမ့်မယ်။ အဲအခါ လူအသီးသီးလို့ဟ ဘုရားသခင်ဆေမှ ချီးမွန်းခြင်းဟို ခံရကြလိမ့်မယ်။

၁ ကောရိန္သု 7:17

လူအသီးသီးလို့ဟ သခင်ဘုရား ပေးတော်မူလဲ့ ဆုကျေးဇူးများနဲ့အညီ ဘုရားသခင် ခေါ်စဉ် ဆိခဲ့လဲ့ အခြေနေအတိုင်း ဆက်လက်ယွေ့ အသက်ဆှင်ရာ ဖြစ်အယ်။ ဟေနည်းအတိုင်း အသင်းတော်တိုင်းဟို ငါသွန်သင်အယ်။

၁ ကောရိန္သု 9:1

ငါဟ လွတ်လပ်သောသူ မဟုတ်သလော။ တမန်တော်တပါး မဟုတ်သလော။ ငါလို့သခင် ယေရှုဟို မျော်ခဲ့ရသူ မဟုတ်သလော။ နင်လို့ဟ သခင်ဘုရားရဲ့ အမှုတော်ဟို ငါထမ်းဆောင်ခြင်းမှ ထွက်ပေါ်လာသော အကျိုးရလဒ်များ မဟုတ်သလော။

၁ ကောရိန္သု 9:6

ငါနဲ့ ဗာနဗလို့သာလျှင် မိမိလို့ စားသောက်ရေးအတွက် အလုပ် လုပ်ရမယ်လော။

၁ သက်သာလောနိတ် 2:14

ငါ့ညီအကို မောင်နှမလို့၊ နင်လို့နှိုက် ဖြစ်ပျက်လဲ့အရာနည်းတူ ခရစ်တော် ယေရှုနဲ့ စပ်ဆိုင်တဲ့ လူများဖြစ်သော ယုဒပြေဆိ ဘုရားသခင်ရဲ့ အသင်းတော်နှိုက်လည်း ဖြစ်ပျက်အယ်။ သူလို့ဟ ယုဒလူမျိုးလို့ လက်တွင် ဒုက္ခဆင်းရဲခံရသလိုမျိုး နင်လို့ဟလည်း မိမိလို့ရဲ့ အမျိုးသားချင်းများ လက်တွင် အဲတိုင်းတိုင်း ခံစားကြရအယ်၊