Tito 1:4 - Jiñi Tsiji' bʌ Wen T'añ cha'añ Estudio

⁴ Mic ts'ijbubeñet ili juñ Tito, mero calobilet ti jiñi wen t'añ mu' bʌ laj comol ñop: Ch'ʌmʌ i yutslel yic'ot i ñʌch'tʌlel a pusic'al yic'ot a p'untʌntel ti Dios lac Tat, yic'ot ti lac Yum Jesucristo jiñi xColtaya lac cha'añ.

Chol de Tumbalá Bible

⁴ Mic ts'ijbubeñet ili jun Tito, mero calobilet ti jini t'an mu' bʌ laj comol ñop. Ch'ʌmʌ i yutslel yic'ot i ñʌch'tʌlel a pusic'al yic'ot a p'untʌntel ti Dios lac Tat, yic'ot ti lac Yum Jesucristo Xcoltaya lac cha'an.

Jiñi Tsiji' bʌ Wen T'añ cha'añ Estudio

⁴ Mic ts'ijbubeñet ili juñ Tito, mero calobilet ti jiñi wen t'añ mu' bʌ laj comol ñop: Ch'ʌmʌ i yutslel yic'ot i ñʌch'tʌlel a pusic'al yic'ot a p'untʌntel ti Dios lac Tat, yic'ot ti lac Yum Jesucristo jiñi Xcoltaya lac cha'añ.

Chol Tila

⁴ Mic ts'ijbubeñet ili jun, Tito, che' bajche' yoque calobilet yubil ti jini mu' bʌ lac motin ch'ujbin. La' ajniquet ti yutslel i pusic'al Dios, ti' p'untyaya yic'ot ti' ñʌch'tyʌlel tyʌlem bʌ ti Dios lac Tyat yic'ot ti lac Yum Jesucristo Ajcotyaya lac cha'an.

Chol: I T’an Dios

⁴ Mic ts'ijbubeñet ili jun Tito, mero calobilet ti jini t'an mu' bʌ laj comol ñop. Ch'ʌmʌ i yutslel yic'ot i ñʌch'tʌlel a pusic'al yic'ot a p'untʌntel ti Dios lac Tat, yic'ot ti lac Yum Jesucristo Xcoltaya lac cha'an.

Tito 1:4 Iomraidhean Croise

Lucas 2:11

Come sajmʌl ti' tejclum David tsi' yila pañimil la' waj Coltaya, jiñʌch Cristo lac Yum.

Juan 4:42

Tsi' su'beyob jiñi x'ixic: Wʌle mic ñop lojon, mach cha'añic jach tsa' su'beyon lojon, pero cha'añ tsa' cu'bi lojon i t'añ ja'el. Cujil lojon ti isujm jiñʌch jiñi Cristo, jiñi Yajcʌbil bʌ, i yaj Coltaya wiñicob x'ixicob año' bʌ ti pañimil.

Romanos 1:12

com j q'ueletla cha'añ mi lac tem ñuq'uesʌben lac bʌ lac pusic'al, come ti jump'ejl lac pusic'al woli lac ñop.

Romanos 1:7

Ti la' pejtelel añet bʌ la ti Roma, c'uxbibiletla i cha'añ Dios tsa' bʌ i pʌyʌyetla cha'añ mi la' wochel ti ch'ujul: La' i yʌq'ueñetla Dios lac Tat yic'ot lac Yum Jesucristo i yutslel yic'ot i ñʌch'tʌlel la' pusic'al.

2 Corintios 12:18

Ti wocol t'añ tsa' c su'be majlel Tito. Tsa' c choco majlel juntiquil la quermañu yic'ot. ¿Tsa' ba i chilbeyetla la' chu'bʌañ Tito? Wen la' wujil jump'ejl lojon c pusic'al yic'ot jiñi Espíritu. Junlajal bajche' mic mel lojon que'tel.

2 Corintios 2:13

Pero ma'añic tsa' ñʌjch'i c pusic'al, come ma'añic tsa' c taja quermañu Tito, jiñi cha'añ tsa' loq'uiyon, tsa' majliyon ti Macedonia.

2 Corintios 4:13

Lajal mic ñop lojon tic pusic'al bajche' jiñi tsa' bʌ i ts'ijbu jiñi t'añ: “Tsa' c ñopo. Jiñi cha'añ tsa' c cha'le t'añ”. Joñon lojon ja'el mic ñop lojon. Jiñi cha'añ mic cha'len lojon t'añ.

2 Corintios 7:6

Pero Dios mu' bʌ i ñuq'uesʌbeñob i pusic'al jiñi ch'ijiyemo' bʌ tsi' ñuq'uesʌbeyon lojon c pusic'al Tito che' bʌ tsa' tili ja'el.

2 Corintios 8:16

Wocolix i yʌlʌ Dios jiñi tsa' bʌ yʌq'ue ti' pusic'al Tito jiñi lajal bʌ c mel pusic'al lojon cha'añetla.

2 Corintios 8:23

Tito jiñʌch c pi'ʌl ti e'tel mu' bʌ i coltañon ti la' tojlel. Jiñi la quermañujob tsa' bʌ i chocoyob majlel jiñi xñopt'añob mu' bʌ i tempañob i bʌ, mi' tsictesañob i ñuclel Cristo.

2 Corintios 8:6

jiñi cha'añ tsa' c xic'be lojon Tito cha'añ mi' majlel i tempan jiñi ofrenda tsa' bʌ i teche ti yam bʌ ora, cha'añ mi' yujtel jiñi wen bʌ e'tel ti' yutslel la' pusic'al.

Gálatas 2:3

Uts'at tsi' pejcayoñob, che' ja'el Tito ya' bʌ añ quic'ot uts'at tsi' q'ueleyob, anquese griego, pero ma'añic tsi' xic'beyob cha'añ mi' ch'ʌm tsep pʌchʌlel,

Gálatas 3:26

I yalobiletla Dios ti la' pejtelel cha'añ tsa' la' ñopo Cristo Jesús.

Gálatas 3:28

Come ma'añix judío bʌ, mi griegojic, mi am bʌ ti' yum, o mi librejix añ, ma'añic wiñic mi x'ixic, come ti la' pejtelel jump'ejl jach añetla ti Cristo Jesús.

Efesios 1:2

La' aq'uentiquetla i yutslel yic'ot i ñʌch'tʌlel la' pusic'al ch'oyol bʌ ti Dios lac Tat yic'ot ti lac Yum Jesucristo.

Colosenses 1:2

woli c ts'ijbubeñetla ili juñ i cha'añet bʌ la Dios, xuc'ul bʌ hermañujob ti Cristo añet bʌ la ti Colosas: La' aq'uentiquetla i yutslel yic'ot i ñʌch'tʌlel la' pusic'al ch'oyol bʌ ti Dios lac Tat yic'ot ti lac Yum Jesucristo.

1 Timoteo 1:12

Mic su'ben wocolix i yʌlʌ Cristo Jesús, lac Yum, jiñi tsa' bʌ i p'ʌt-esayon, come tsi' ña'ta xuc'ulon jiñi cha'añ tsi' wa'chocoyon ti ye'tel,

2 Timoteo 1:1

Pablojon, apóstolon i cha'añ Jesucristo che' bajche' yom Dios, che' bajche' wʌn albʌl i cha'añ Dios cha'añ mi caj i yʌq'ueñonla laj cuxtʌlel ti Cristo Jesús.

2 Timoteo 1:2

Mic ts'ijbubeñet ili juñ, Timoteo, c'uxbibil bʌ calobil. La' i yʌq'ueñet i yutslel i pusic'al yic'ot a p'untʌntel yic'ot i ñʌch'tʌlel a pusic'al ch'oyol bʌ ti Dios lac Tat yic'ot Jesucristo lac Yum.

2 Timoteo 4:10

come Demas tsi' cʌyʌyon cha'añ tsi' mula pañimil, tsa' majli ti Tesalónica, Crescente tsa' majli ti Galacia, Tito tsa' majli ti Dalmacia.

Tito 1:3

che' bʌ tsa' c'oti i yorajlel, Dios tsi' yʌc'ʌ ti tsictiyel i t'añ che' bʌ tsi' yʌq'ueyon que'tel ti subt'añ jiñi la caj Coltaya.

Tito 2:13

che'ʌch yom mi la cajñel che' woli to lac pijtan jiñi c'ax uts'at bʌ mu' bʌ caj laj q'uel che' mi' pʌs i ñuclel jiñi ñuc bʌ Dios yic'ot Jesucristo xColtaya lac cha'añ.

2 Pedro 1:1

Simón Pedrojon, i wiñicon Jesucristo, apóstolon i cha'añ. Mic ts'ijbubeñetla ili juñ come junlajal tsa' aq'uentiyetla la' ñop Cristo quic'ot lojon. Come toj la caj Coltaya Dios, i c'aba' Jesucristo. Yom mi lac wen c'uxbin jiñi wen t'añ woli bʌ lac ñop.

2 Pedro 1:11

Che' jiñi mi caj la' pʌjyel ochel ti' yumʌntel Dios mach bʌ añic mi' jilel, yic'ot lac Yum Jesucristo, xColtaya lac cha'añ.

2 Pedro 2:20

Che' mi' puts'elob loq'uel wiñicob ti' bi'bi'lel jiñi pañimil, che' mi' cʌñob lac Yum Jesucristo jiñi la caj Coltaya, mi tsa' cha' chujquiyob ti' bi'bi'lel, mi tsa' cha' yajliyob ti mulil, ñumen leco mi' yajñelob ti wi'il che' bajche' ti ñaxan.

2 Pedro 3:18

Yom mi la' taj la' colel ti Cristo, jiñʌch che' mi la' cʌmben i yutslel i pusic'al yic'ot i ña'tʌbal lac Yum Jesucristo la caj Coltaya. La' sujbic i ñuclel wʌle yic'ot ti pejtelel ora. Amén.

2 Pedro 3:2

Yom c'ajal la' cha'añ i t'añ jiñi ch'ujul bʌ x'alt'añob ti oñiyi yic'ot i mandar lac Yum la caj Coltaya che' bajche' tsi' su'beyetla jiñi apóstolob.

1 Juan 5:14

Ch'ejl lac pusic'al ti' tojlel Dios, come la cujil mi' yu'bibeñonla chuqui jach mi laj c'ajtiben che' bajche' yom i pusic'al.

Judas 1:3

C'uxbibil bʌ quermañujob ti Cristo, añix ora tsa' c ña'ta c ts'ijbubeñetla isujmlel laj coltʌntel am bʌ lac cha'añ ti lac Yum. Pero wʌle yomix mic ts'ijbubeñetla cha'añ mic xic'beñetla, come yom mi la' cha'len wersa cha'añ jiñi isujm bʌ t'añ tsa' bʌ junyajlel aq'uentiyob i cha'año' bʌ Dios cha'añ mi' ñopob.