Mateo 9:6 - Jiñi Tsiji' bʌ Wen T'añ cha'añ Estudio

⁶ Pero cha'añ mi la' ña'tan añ i p'ʌtʌlel i Yalobil Wiñic ti pañimil cha'añ mi' ñusan mulil, —jiñi cha'añ tsi' su'be jiñi mach bʌ añix i p'ʌtʌlel i yoc i c'ʌb—: Ch'ojyen, teche a wʌyib, cucux ti a wotot, —che'en Jesús.

Chol de Tumbalá Bible

⁶ Pero cha'an mi la' ña'tan an i p'ʌtʌlel i Yalobil Winic ilayi ti pañimil cha'an mi' ñusan mulil (tsi' sube jini mach bʌ anic i c'ʌjñibal i yoc i c'ʌb): Ch'ojyen. Teche a wʌyib. Cucu ti a wotot, che'en Jesús.

Jiñi Tsiji' bʌ Wen T'añ cha'añ Estudio

⁶ Pero cha'añ mi la' ña'tan añ i p'ʌtʌlel i Yalobil Wiñic ti pañimil cha'añ mi' ñusan mulil, jiñi cha'añ tsi' su'be jiñi mach bʌ añix i p'ʌtʌlel i yoc i c'ʌb: Ch'ojyen, teche a wʌyib, cucux ti a wotot.

Chol Tila

⁶ Wale mi quej c pʌs'eñetla cha'an an c p'ʌtyʌlel cha'an mic ñusʌbeñob i mul año' bʌ ti mulawil, Joñon i Pi'ʌlon bʌ Quixtyañujob. Che' jini, ti' sube mach'ʌ ba'an i c'ʌjnibal yoc i c'ʌb: Mic subeñet, tyejchen. Ch'ʌmʌx majlel a wab. Cucux ti a wotyot. Che' ti yʌlʌ Jesús.

Chol: I T’an Dios

⁶ Pero cha'an mi la' ña'tan an i p'ʌtʌlel i Yalobil Winic ilayi ti pañimil cha'an mi' ñusan mulil (tsi' sube jini mach bʌ anic i c'ʌjñibal i yoc i c'ʌb): Ch'ojyen. Teche a wʌyib. Cucu ti a wotot, che'en Jesús.

Mateo 9:6 Iomraidhean Croise

Mateo 4:24

Ti pejtelel Siria tsa' caji i yu'biñob ñuc tac bʌ i melbal Jesús. Tsi' pʌyʌyob tilel pejtelel xc'am-ʌjelob yic'ot woli bʌ i melob i pusic'al cha'añ i c'am-ʌjelob ti' chajp ti' chajp yic'ot jiñi año' bʌ i xi'bʌjlel yic'ot año' bʌ i cha'añ juquin chʌmel, yic'ot jiñi mach bʌ añobic i c'ʌjñibal i yoc i c'ʌb. Tsi' laj c'oq'uesayob.

Mateo 8:20

Jesús tsi' su'be: —Añ i yotot wax, añ i c'u' te'lemut, pero i Yalobil Wiñic ma'añic ba' mi' mejlel i c'aj i yoj, —che'en.

Mateo 9:2

Awilan, tsi' pʌyʌyob tilel juntiquil wiñic mach bʌ añix i p'ʌtʌlel i yoc i c'ʌb, ñolol ti' wʌyib. Che' bʌ tsi' q'uele Jesús woli' ñopob ti pusic'al jiñi wiñicob, tsi' su'be jiñi mach bʌ añix i p'ʌtʌlel i yoc i c'ʌb: —Calobil, tijicñesan a pusic'al. Ñusʌbilix a mul, —che'en.

Mateo 9:5

¿Baqui bʌ ñumen uts'at mi la cʌl: “Ñusʌbilix a mul” o che' mic su'ben: “Ch'ojyen, cha'len xʌmbal?”

Mateo 9:7

Jiñi cha'añ tsa' ch'ojyi, tsa' majli ti' yotot.

Marcos 2:10

Cha'añ mi la' ña'tan añ i p'ʌtʌlel i Yalobil Wiñic ila ti pañimil cha'añ mi' ñusan mulil, —tsi' su'be jiñi c'am bʌ—:

Marcos 2:7

¿Chucoch che'i mi' cha'len t'añ jiñi wiñic? Woli ti p'ajoñel, ¿Majqui mi mejlel i ñusan mulil, mach ba cojic jach Dios?

Lucas 5:21

Jiñi cha'añ, jiñi fariseojob yic'ot xts'ijbayajob tsa' caji i yʌlob ti' pusic'al: ¿Majqui ili wiñic mu' bʌ i p'aj Dios? ¿Majqui mi mejlel i ñusan mulil? ¿Mach ba cojic jach Dios?

Juan 10:28

Mi cʌq'ueñob i cuxtʌlel mach bʌ añic mi' jilel, ma'añic mi caj i jilelob ti pejtelel ora, ma'añic majqui mi caj i chilbeñon tij c'ʌb.

Juan 17:2

Come tsa' wʌq'ue i p'ʌtʌlel a Walobil ti' tojlel pejtelel wiñicob x'ixicob, cha'añ mi cʌq'ueñob i cuxtʌlel mach bʌ añic mi' jilel ti pejtelelob jiñi tsa' bʌ a wʌq'ueyon.

Juan 5:27

yic'ot ja'el tsi' yʌq'ue i p'ʌtʌlel cha'añ mi' cha'len meloñel come i Yalobilʌch Wiñic.

Juan 5:8

Jesús tsi' su'be: —Ch'ojyen, q'ueche a wʌyib, cha'len xʌmbal, —che'en.

Hechos 5:31

Dios tsi' yʌq'ue i ñuclel ya' ti' ñoj. Come Ñuc bʌ Yumʌlʌch, xColtayajʌch, cha'añ mi' yʌq'ueñob i cʌy i mul jiñi israelob yic'ot cha'añ mi' ñusʌbentelob i mul.

Hechos 9:34

Pedro tsi' su'be: —Eneas, Jesucristo woli' lajmesañet. Ch'ojyen, teche a wʌyib. Ti orajach tsa' ch'ojyi.

2 Corintios 2:10

Majqui jach mi la' ñusʌben i mul, joñon ja'el mic ñusʌben i mul, come jiñi mulil tsa' bʌ c ñusʌbe, mi añ i mul, tsa' c ñusʌbe ti' tojlel Cristo cha'añ mi la' taj la' wenlel,

2 Corintios 5:20

Jiñi cha'añ wa'chocobilon lojon ti' q'uexol Cristo, come Dios woli' pejcañetla tic tojlel lojon, mic su'beñet lojon ti wocol t'añ che' bajche' Cristo: La' uts-esʌntic la' pusic'al yic'ot Dios.

Efesios 4:32

Yom mi la' coltañ la' pi'ʌlob ti' yutslel la' pusic'al, p'untan la' pi'ʌlob, ñusʌben la' bʌ la' mul che' bajche' Dios tsi' ñusʌbeyetla la' mul ti Cristo.

Colosenses 3:13

Cuchben la' bʌ la' sajtemal, ñusʌben la' bʌ la' mul mi añ la' contrajintel. Che' bajche' tsi' ñusʌbeyetla la' mul Cristo, che'ʌch yom mi la' mel jatetla.