Mateo 8:4 - Jiñi Tsiji' bʌ Wen T'añ cha'añ Estudio

⁴ Jiñi cha'añ Jesús tsi' su'be: —Chʌcʌ q'uele a bʌ, mach ma' su'ben mi juntiquilic wiñic, cucu pʌsʌ a bʌ ba'añ motomaj. Aq'uen i majtañ Dios che' bajche' tsi' yʌlʌ Moisés ti mandar cha'añ mi' tsictiyel sʌc-esʌbiletix, —che'en Jesús.

Chol de Tumbalá Bible

⁴ Jesús tsi' sube: Chʌcʌ q'uele a bʌ. Mach ma' suben mi juntiquilic winic. Cucu pʌsʌ a bʌ ba'an motomaj. Aq'uen i majtan Dios che' bajche' tsi' yʌlʌ Moisés ti mandar cha'an mi' q'uelob sʌq'uesʌbilet, che'en Jesús.

Jiñi Tsiji' bʌ Wen T'añ cha'añ Estudio

⁴ Jiñi cha'añ Jesús tsi' su'be: —Chʌcʌ q'uele a bʌ, mach ma' su'ben mi juntiquilic wiñic, cucu pʌsʌ a bʌ ba'añ motomaj. Aq'uen i majtañ Dios che' bajche' tsi' yʌlʌ Moisés ti mandar cha'añ mi' tsictiyel sʌc-esʌbiletix.

Chol Tila

⁴ Che' jini, Jesús ti' sube: Q'uele a bʌ cha'an mach'an majch ma' saj suben. Cucu, pʌsʌ a bʌ ba'an cura. Ya'i ma' wʌq'uen i majtyan Dios che' bajche' ti yʌlʌ Moisés ti mandar cha'an mi yilañob ti pejtyelelob cha'an tsa'ix lajmiyet. Che' ti subenti jini winic.

Chol: I T’an Dios

⁴ Jesús tsi' sube: Chʌcʌ q'uele a bʌ. Mach ma' suben mi juntiquilic winic. Cucu pʌsʌ a bʌ ba'an motomaj. Aq'uen i majtan Dios che' bajche' tsi' yʌlʌ Moisés ti mandar cha'an mi' q'uelob sʌq'uesʌbilet, che'en Jesús.

Mateo 8:4 Iomraidhean Croise

Mateo 10:18

Mi caj la' pʌjyel majlel ti' tojlel yumʌlob yic'ot ti' tojlel reyob cha'añ ti' caj j c'aba', cha'añ mi la' wʌc'on ti cʌjñel ti' tojlelob yic'ot ti' tojlel gentilob.

Mateo 16:20

Jesús tsi' tiq'ui jiñi xcʌnt'añob i cha'añ, cha'añ ma'añic majqui mi' wis su'beñob mi juntiquilic cha'añ jiñi Jesús jiñʌch jiñi Cristo.

Mateo 17:9

Che' woli' ju'belob tilel ti wits, Jesús tsi' tiq'uiyob: —Mach mi la' su'ben mi juntiquilic chuqui tsa' la' q'uele, jinto che' mi' ch'ojyel i Yalobil Wiñic ba'añ chʌmeño' bʌ, —che'en.

Mateo 3:15

Jesús tsi' su'be Juan: —La' aq'uenticon ch'ʌmja' wʌle. Come che'ʌch yom mi lac mel cha'añ mi lac ts'ʌctesan pejtelel chuqui toj. Juan tsi' jac'ʌ i yʌq'ueñ ch'ʌmja' che' bajche' tsi' c'ajti.

Mateo 5:17

Mach mi la' wʌl ti la' pusic'al tsa' tiliyon cha'añ mic jisan ts'ijbubil bʌ mandar yic'ot i t'añ x'alt'añob. Ma'añic tsa' tiliyon cha'añ mic jisan. Tsa' tiliyon cha'añ mic ts'ʌctesan isujmlel,

Mateo 6:1

Chʌcʌ q'uele la' bʌ cha'añ mi la' mel chuqui toj, pero mach cojic jach ti' wut la' pi'ʌlob cha'añ mi' q'ueletla, come che' jiñi ma'añic mi yʌq'ueñetla la' chobejtʌbal la' Tat am bʌ ti panchan.

Mateo 9:30

Tsa' c'otiyob i wut. Jesús tsi' wen tiq'uiyob: —Chʌcʌ q'uele la' bʌ cha'añ ma'añic majqui mi yu'bin mi juntiquilic, —che'en.

Marcos 13:9

Chʌcʌ q'uele la' bʌ come mi caj la' wʌjq'uel ti' c'ʌb jiñi año' bʌ i ye'tel, mi caj la' jajts'el ti sinagoga tac, mi caj la' pʌjyel tilel ti' tojlel yumʌlob, yic'ot ti' tojlel reyob cha'añ tij caj, cha'añ mi' tsictiyel c t'añ ti' tojlelob.

Marcos 3:12

Pero Jesús tsi' wersa tiq'ui xi'bajob cha'añ ma'añic mi' yʌc' ti cʌjñel.

Marcos 5:43

Jesús tsi' wersa su'beyob cha'añ ma'añic mi' su'beñob i pi'ʌlob mi juntiquilic. Tsi' su'beyob cha'añ mi' we'sañob jiñi xch'oc. I p'ʌtʌlel Ba' mi lac taj ti lac Biblia Ti' tojlel pejtelel tsa' bʌ i mele ti pañimil Tsi' tiq'ui p'ʌtʌl bʌ ic' Tsi' we'sa bajc'ʌl wiñicob x'ixicob Tsi' cha'le xʌmbal ti' pam ja' Jiñi xcʌnt'añob i cha'añ Jesús tsi' yʌq'ueyob i chuc ca'bʌl chʌy ; Tsi' pʌntesa ja' ti vino Tsi' cha'le c'oq'uesaya Ti' tojlel leco bʌ i tsoy ; Ti' tojlel mach bʌ p'ʌtʌlobic i yoc i c'ʌb ; Ti' tojlel jiñi x'ixic mach bʌ añic tsa' tijq'ui i bec' i ch'ich'el Ti' tojlel xpots' ; ; ; Ti' tojlel xcojc yic'ot wocol bʌ mi cha'len t'añ Ti' tojlel sijt'em bʌ i bʌc'tal Tsi' choco loq'uel xi'bajob Ti' tojlel xcojc yic'ot x'uma'ob ; ; Ti' tojlel jiñi año' bʌ i xi'bʌjlel ,; Tsi' teche ch'ojyel chʌmeño' bʌ I yalobil Jairo I yalobil jiñi me'ba' x'ixic am bʌ ti Naín Lázaro

Marcos 6:11

Baqui jach ma'añic mi' pʌyetla ochel, mi ma'añic mi' jac'beñetla, tijcanla loq'uel i ts'u'bejñal la' woc che' mi la' majlel, cha'añ mi' q'uelob mach weñic bajche' tsi' meleyob. Isujm mic su'beñetla, ñumen wocol mi caj i yu'biñob wiñicob x'ixicob ti jiñi tejclum ti' yorajlel tojmulil che' bajche' jiñi año' bʌ ti Sodoma yic'ot ti Gomorra, che'en.

Marcos 7:36

Jesús tsi' wersa su'beyob cha'añ ma'añic mi' su'beñob yaño' bʌ mi juntiquilic. Ti jujunyajl che' bʌ tsi' tiq'uiyob, ñumen tsi' pucuyob t'añ.

Marcos 8:30

Pero Jesús tsi' wersa tiq'uiyob cha'añ ma'añic mi' su'beñob wiñicob mi juntiquilic.

Marcos 9:9

Che' woli' ju'belob tilel ti wits, Jesús tsi' tiq'uiyob cha'añ ma'añic mi' su'beñob mi juntiquilic chuqui tsi' q'ueleyob jinto mi' cha' ch'ojyel i Yalobil Wiñic ba'añ chʌmeño' bʌ.

Lucas 17:14

Jesús tsi' q'ueleyob, tsi' su'beyob: —Cucula, pʌsʌ la' bʌ ba'añ motomajob. Che' woliyob ti majlel tsa' c'oq'uesʌntiyob.

Lucas 21:13

Ti jim bʌ ora mi mejlel la' wen ac'on ti cʌjñel.

Lucas 4:41

Tsa' loq'uiyob xi'bajob ti' pusic'al cabʌlob, tsi' cha'leyob c'am bʌ t'añ, tsi' yʌlʌyob: —Jatet i Yalobilet Dios. Jesús tsi' tiq'uiyob, ma'añic tsi' yʌq'ueyob i cha'len t'añ, come cʌñʌl i cha'añob cha'añ jiñʌch jiñi Cristo.

Lucas 5:14

Jesús tsi' tiq'ui cha'añ ma'añic mi' su'ben mi juntiquilic. Tsi' su'be: —Cucu, pʌsʌ a bʌ ba'añ motomaj. Ac'ʌ chuqui tsi' su'bu Moisés ti mandar cha'añ mi' ña'tañob wiñicob x'ixicob sʌc-esʌbilet, —che'en Jesús.

Lucas 8:56

Tsa' toj sajtiyob i pusic'al i tat i ña' jiñi xch'oc. Jesús tsi' su'beyob cha'añ ma'añic mi' su'beñob mi juntiquilic i pi'ʌlob chuqui tsa' ujti.

Lucas 9:21

Jesús tsi' tiq'uiyob cha'añ ma'añic majqui mi' su'beñob iliyi mi juntiquilic.

Juan 5:41

Mach ti wiñiquic ch'oyol c ñuclel.

Juan 7:18

Jiñi mu' bʌ i cha'len t'añ ch'oyol bʌ ti' bajñel pusic'al woli jach i bajñel sʌclan i ñuclel, pero jiñi mu' bʌ i tsictesan i ñuclel c Tat tsa' bʌ i chocoyon tilel, jiñʌch isujm bʌ; ma'añic chuqui mach tojic ti' pusic'al.

Juan 8:50

Ma'añic mic bajñel sʌclan c ñuclel, añ juntiquil mu' bʌ i yʌq'ueñon c ñuclel, jiñi mi' ña'tan ñucon.