Mateo 6:2 - Jiñi Tsiji' bʌ Wen T'añ cha'añ Estudio

² Che' mi la' wʌq'uen la' chu'bʌañ p'ump'uño' bʌ, mach mi la' wʌc' ti wustʌl majlel trompeta ti' tojel la' wut che' bajche' mi' melob ti sinagoga tac yic'ot ti calle tac jiñi mu' bʌ i poj pʌsob i bʌ ti uts'at cha'añ mi' q'uejlelob ti ñuc ti' wut wiñicob x'ixicob. Isujm mic su'beñetla añobix i chobejtʌbal.

Chol de Tumbalá Bible

² Che' mi la' wʌq'uen la' chubʌ'an p'ump'uño' bʌ, mach mi la' wʌc' ti wustʌl majlel trompeta ti' tojel la' wut che' bajche' mi' cha'leñob ti sinagoga tac yic'ot ti calle tac jini cha'p'ejax bʌ i pusic'al cha'an mi' q'uejlelob ti ñuc ti' wut winicob x'ixicob. Isujm mic subeñetla tsa'ix i tajayob i chobejtʌbal.

Jiñi Tsiji' bʌ Wen T'añ cha'añ Estudio

² Che' mi la' wʌq'uen la' chu'bʌañ p'ump'uño' bʌ, mach mi la' wʌc' ti wustʌl majlel trompeta ti' tojel la' wut che' bajche' mi' melob ti sinagoga tac yic'ot ti calle tac jiñi mu' bʌ i poj pʌsob i bʌ ti uts'at cha'añ mi' q'uejlelob ti ñuc ti' wut wiñicob x'ixicob. Isujm mic su'beñetla añobix i chobejtʌbal.

Chol Tila

² Jin cha'an che' ma' cotyan p'ump'uño' bʌ mach yom ma' sub a bʌ ba'an quixtyañujob cha'an i lu' ubiñob bajche' chʌncol a cha'len. Como chʌ'ʌch mi' lolon cha'leñob cha'chajpo' bʌ i pensal che' mi' cotyañob jini mu' bʌ i tyajob ya' ti i templo israelob yic'ot ya' ti bij tyac. Chʌ'ʌch mi' cha'leñob cha'an mi yʌjlel ti wen ti' tyojlel quixtyañujob. Pero melel mic subeñetla cha'an che' jach yom i yʌc'ob i bʌ ti q'uejlel ti wen ba'an quixtyañujob mach'an chʌ bʌ mi quejel i yʌq'uentyel ti Dios cha'an i tyojol yubil.

Chol: I T’an Dios

² Che' mi la' wʌq'uen la' chubʌ'an p'ump'uño' bʌ, mach mi la' wʌc' ti wustʌl majlel trompeta ti' tojel la' wut che' bajche' mi' cha'leñob ti sinagoga tac yic'ot ti calle tac jini cha'p'ejax bʌ i pusic'al cha'an mi' q'uejlelob ti ñuc ti' wut winicob x'ixicob. Isujm mic subeñetla tsa'ix i tajayob i chobejtʌbal.

Mateo 6:2 Iomraidhean Croise

Mateo 15:7

Cha'chajp jax la' pusic'al. Isujmʌch bajche' tsi' tajayetla ti t'añ Isaías che' bʌ tsi' yʌlʌ:

Mateo 16:3

Ti sʌc'ajel mi la' wʌl: “Talix ja'al come chʌchʌquix i ye'bal panchan, añix tocal”. ¡Cha'chajp jax la' pusic'al, mi la' ña'tʌben isujmlel chuqui tac mi la' q'uel ti panchan, pero ma'añic mi la' ña'tan chuqui woli' yujtel wʌle!

Mateo 22:18

Pero Jesús tsa'ix i cʌmbeyob i jontolil, tsi' su'beyob: —¿Chucoch mi la' wilʌbeñon c pusic'al, cha'chajp jax bʌ la' pusic'al?

Mateo 23:5

Ti pejtelel chuqui mi' melob, mi' melob cha'añ jach mi' q'uejlelob ti' wut wiñicob. Mi' cʌchob ti' jol yic'ot ti' c'ʌb mero ñuc bʌ i yajñib ts'ijbubil bʌ i t'añ Dios. Mi' melob wen tam bʌ i ch'ʌjlib i yoc i bujc mu' bʌ i xojob ti oración.

Mateo 23:6

Mi' mulañob ñaxan bʌ buchlibʌl ti q'uiñijel tac, yic'ot ti jiñi ñaxan bʌ buchlibʌl ti sinagoga tac.

Mateo 24:51

Tsʌts mi caj i yʌq'ueñ i toj i mul. Mi caj i yʌc' ba'añ jiñi cha'chajpob jax bʌ i pusic'al, ya'i mi' cajelob ti uq'uel yic'ot quech'ecña bʌ i bʌquel i yej.

Mateo 5:18

come isujm mic su'beñetla, mach mejlic ti yajpel loq'uel mi jump'ejlic letra mi jump'ejlic punto ti jiñi mandar c'ʌlʌl ti' jilibal pañimil yic'ot panchan, jinto mi' laj ts'ʌctiyel pejtelel isujmlel.

Mateo 6:16

Che' ja'el che' woliyetla ti ch'ajb, mach yomic ch'ijiyem la' wut che' bajche' jiñi cha'chajpob jax bʌ i pusic'al. Leco mi' melob i wut cha'añ mi' q'uejlelob woliyob ti ch'ajb. Isujm mic su'beñetla, tsa'ix i tajayob i chobejtʌbal.

Mateo 6:3

Che' ma' wʌq'uen a chu'bʌañ p'ump'uño' bʌ, mach ma' wʌc' ti q'uejlel jiñi woli bʌ a wʌc'.

Mateo 6:5

Che' ma' cha'len oración, mach a cha'len che' bajche' jiñi cha'chajp jax bʌ i pusic'al mu' bʌ i mulan i cha'leñob oración che' wa'alob ti sinagoga tac yic'ot ti' xujc calle cha'añ mi' q'uejlelob. Isujm mic su'beñetla tsa'ix i tajayob i chobejtʌbal.

Mateo 7:5

Cha'chajp jax bʌ a pusic'al, ñaxan loc'san jiñi cucujl am bʌ ti a wut, ti wi'il mi mejlel a wen q'uel cha'añ ma' loc'san jiñi sajl te' am bʌ ti' wut a wermañu.

Marcos 12:39

Mi' mulañob jiñi ñaxan bʌ buchlibʌl ti sinagoga yic'ot ñaxan bʌ buchlibʌl ti q'uiñijel.

Marcos 7:6

Jesús tsi' su'beyob: —Cha'chajp jax la' pusic'al. Isujm chuqui tsi' su'bu Isaías che' bʌ tsi' tajayetla ti t'añ che' bajche' ts'ijbubil: “Ti' yej jach mi' su'bob c ñuclel jiñi wiñicob x'ixicob, pero ñajt añob i pusic'al tic tojlel.

Lucas 11:41

Aq'ueñob p'ump'uño' bʌ chuqui añ la' cha'añ, che' jiñi sʌc ti' pejtelel chuqui mi caj a q'uel.

Lucas 11:43

¡Mi caj la' taj wocol fariseojob! Come mi la' mulan ñaxan bʌ buchlibʌl ti sinagoga tac, yic'ot mi la' mulan la' wʌq'uentel ca'bʌl cortesía ti choñoñibʌl tac.

Lucas 12:33

Choño la' chu'bʌañ, aq'uenla jiñi p'ump'uño' bʌ. Melela i yajñib la' taq'uiñ mach bʌ añic mi' ñox-an. Tempan la' chu'bʌañ ti panchan ba' ma'añic mi' jilel, ba' ma'añic mi' yochelob xujch', ba' ma'añic mi' jisan motso'.

Lucas 12:56

¡Cha'chajp jax bʌ la' pusic'al! Mi la' ña'tʌben isujmlel chuqui tac mi la' q'uel ti pañimil yic'ot ti panchan. ¿Chucoch ma'añic mi la' ña'tʌben isujmlel jiñi woli bʌ ti ujtel wʌle?

Lucas 13:15

Jiñi cha'añ lac Yum tsi' su'be: —Cha'chajp jax la' pusic'al. ¿Mach ba muq'uic a tic jiñi tat wacax yic'ot a burro ba' cʌchʌl ti' buc'ujib che' ti' q'uiñilel c'aj-o cha'añ ma' pʌy majlel ba' mi' jap ja'?

Lucas 20:46

—Chʌcʌ q'uele la' bʌ cha'añ xts'ijbayajob mu' bʌ i mulañob i lʌpob pʌl bʌ i bujc, mi' mulañob i yʌq'ueñtelob cortesía ba'añ choñoñibʌl tac, mi' mulañob jiñi ñaxan bʌ buchlibʌl ti sinagoga tac, yic'ot ñaxan bʌ buchlibʌl ti q'uiñijel.

Lucas 6:24

Mi caj la' taj wocol wen chumulet bʌ la, come tsa'ix la' taja la' tijicñʌyel.

Lucas 6:42

¿Bajche' mi mejlel a su'ben a wermañu: “Quermañu, la' to c loc'san sajl te' ti a wut”, che' ma'añic ma' q'uel jiñi cucujl am bʌ ti a wut? Jatet, cha'chajp jax bʌ a pusic'al, ñaxan loc'san jiñi cucujl am bʌ ti a wut, che' jiñi ti wi'il mi mejlel a wen q'uel cha'añ ma' loc'san jiñi sajl te' am bʌ ti' wut a wermañu.

Juan 13:29

Come Judas jiñʌch jiñi mu' bʌ i cʌntan jiñi taq'uiñ, jiñi cha'añ lamital tsi' ña'tayob cha'añ Jesús woli i su'ben i mʌn chuqui tac yom cha'añ q'uiñijel, tsi' cha' ña'tayob tic'ʌl mi' tsi' su'be i yʌq'ueñ taq'uiñ jiñi mach bʌ añobic i chu'bʌañ.

Juan 5:41

Mach ti wiñiquic ch'oyol c ñuclel.

Juan 5:44

¿Bajche' mi mejlel la' ñop, che' mi la' wʌlʌc sʌclan la' ñuclel ti wiñicob; che' ma'añic mi la' sajcan la' ñuclel ch'oyol bʌ ti jiñi cojach bʌ Dios?

Juan 7:18

Jiñi mu' bʌ i cha'len t'añ ch'oyol bʌ ti' bajñel pusic'al woli jach i bajñel sʌclan i ñuclel, pero jiñi mu' bʌ i tsictesan i ñuclel c Tat tsa' bʌ i chocoyon tilel, jiñʌch isujm bʌ; ma'añic chuqui mach tojic ti' pusic'al.

Hechos 10:2

Tsi' ch'ujutesa Dios jiñi wiñic. Tsi' bʌc'ña Dios yic'ot pejtelel año' bʌ ti' yotot. Tsi' yʌq'ueyob ca'bʌl i majtañ jiñi p'ump'uño' bʌ yic'ot ti pejtelel ora tsi' pejca Dios ti oración.

Hechos 10:31

tsi' su'beyon: “Cornelio, tsa'ix i yu'bi Dios a woración, yujilix Dios pejtelel uts'at bʌ a melbal, che' bʌ tsa' wʌq'ue i majtañ jiñi p'ump'uño' bʌ.

Hechos 10:4

Cornelio tsi' ch'ujch'uj q'uele yic'ot tsi' cha'le bʌq'uen che' bʌ tsi' q'uele jiñi ángel. Tsi' su'be: —¿Chuqui awom c Yum? —Che'en. Jiñi ángel tsi' su'be: —Jiñi a woración yic'ot i majtañ tac jiñi p'ump'uño' bʌ mu' bʌ a wʌq'ueñob woli' ña'tʌntel ti Dios.

Hechos 11:29

Jiñi cha'añ, jiñi xñopt'añob tsi' ña'ta i chocbeñob majlel i coltʌntel jiñi hermañujob año' bʌ ti Judea che' bajche' c'amel mi mejlel i yʌc'ob ti jujuntiquil.

Hechos 24:17

Che' bʌ tsa' ñumi cha'p'ejl uxp'ejl ja'b, tsa' tiliyon cha'añ mi cʌq'ueñob taq'uiñ jiñi p'ump'uño' bʌ tic lumal, yic'ot cha'añ mi cʌq'uen Dios i majtañ ja'el.

Hechos 9:36

Ya' ti Jope añ juntiquil xñopt'añ i c'aba' Tabita, (ti' t'añ griego jiñʌch Dorcas), jiñi x'ixic bʌxatax ti wen bʌ i ye'tel lac Yum, tsi' wen colta jiñi p'ump'uño' bʌ ti' chu'bʌañ.

Romanos 12:8

mi cha'añ i ñuq'uesʌntel i pusic'al lac pi'ʌlob, la' lac ñuq'uesʌbeñob i pusic'al; mi cha'añ mi lac pucbeñob lac chu'bʌañ, la' lac cʌc' ti pejtelel lac pusic'al; mi cha'añ mi lac mel lac que'tel, la' lac wen mel ti uts'at; mi cha'añ la cujil p'untaya, la' lac cha'len ti' tijicñʌyel lac pusic'al.

1 Corintios 13:3

Muq'uic c laj pucbeñob c chu'bʌañ cha'añ mic we'san jiñi p'ump'uño' bʌ, muq'uic cʌc' c bʌ ti pulel cha'añ mij coltañob, mi ma'añic j c'uxbiya, ma'añic chuqui que'tel.

Gálatas 2:10

Tsi' su'beyon lojon cha'añ yom c'ajal c cha'añ lojon jiñi p'ump'uño' bʌ jiñʌch che' bajche' tsa' c bajñel ña'ta c mel ti pejtelel c pusic'al.

Efesios 4:28

Jiñi tsa' bʌ i cha'le xujch' mach i chʌn cha'len, la'ix i cha'len e'tel, la'ix i c'ʌn i c'ʌb cha'añ wen bʌ i ye'tel, che' jiñi mi mejlel i yʌq'ueñ i chu'bʌañ jiñi añ to bʌ yom i cha'añ.

1 Tesalonicenses 2:6

Ma'añic tsa' c sʌcla lojon c su'bentel c ñuclel ti wiñicob, mi ti la' tojlelic, mi ti' tojlelic yaño' bʌ, anquese muc'ʌch mejlel j c'ajtin lojon chuqui com lojon, come apóstolon lojon chocbilon lojon majlel ti subt'añ i cha'añ Cristo.

1 Timoteo 6:18

Su'beñob cha'añ mi' melob chuqui uts'at, cha'añ mi' p'ojlel wen bʌ i melbal, mach yomic chʌcob, yom mi' coltañob yaño' bʌ yic'ot i chu'bʌañ.

Filemón 1:7

Hermano Filemón wen tijicñayon lojon, tsa' ñuq'uesʌnti lojon c pusic'al come wen awujil c'uxbiya, come cha'añ ti a caj tsa' ñuq'uesʌbeyob i pusic'al i cha'año' bʌ Dios.

Hebreos 13:16

Mach yomic mi' ñajʌyel ti la' pusic'al i melol chuqui uts'at cha'añ mi la' coltañ la' pi'ʌlob, come jiñʌch i majtañ Dios uts'at bʌ mi' q'uel.

1 Pedro 4:11

Majqui jach mi' cha'len t'añ, la' i cha'len t'añ che' bajche' cʌntesʌbil ti' t'añ Dios. Majqui jach mi' coltañ i pi'ʌlob, la' i coltañob yic'ot i p'ʌtʌlel mu' bʌ i yʌq'ueñ Dios, cha'añ mi' tsictiyel i ñuclel Dios ti Jesucristo ti pejtelel chuqui mi' yujtel. La' tsictiyic i ñuclel yic'ot i p'ʌtʌlel ti pejtelel ora. Amén.