Mateo 5:8 - Jiñi Tsiji' bʌ Wen T'añ cha'añ Estudio

⁸ Tijicñayob jiñi sʌco' bʌ i pusic'al, come mi caj i q'uelob Dios.

Chol de Tumbalá Bible

⁸ Tijicñayob jini sʌc bʌ i pusic'al, come mi caj i q'uelob Dios.

Jiñi Tsiji' bʌ Wen T'añ cha'añ Estudio

⁸ Tijicñayob jiñi sʌco' bʌ i pusic'al, come mi caj i q'uelob Dios.

Chol Tila

⁸ Tijicñayob jini sʌco' bʌ i pusic'al como mi quejel i q'uelob Dios.

Chol: I T’an Dios

⁸ Tijicñayob jini sʌc bʌ i pusic'al, come mi caj i q'uelob Dios.

Mateo 5:8 Iomraidhean Croise

Hechos 15:9

Lajal tsi' q'ueleyob che' bajche' tsi' q'ueleyonla, tsi' sʌc-esʌbeyob i pusic'al che' bʌ tsi' ñopoyob.

1 Corintios 13:12

Come wʌle mi lac yʌxña q'uel Cristo che' bajche' ti espejo, pero che' mi' tilel mi caj laj q'uelben i wut. Wʌle woli c yʌxña cʌn, pero ti wi'il bʌ ora mi caj c wen cʌn che' bajche' Dios mi' cʌñon.

2 Corintios 7:1

C'uxbibil bʌ quermañujob, lac cha'añʌch jiñi albil bʌ i t'añ Dios, jiñi cha'añ la' lac poc loq'uel pejtelel bi'bi' tac bʌ am bʌ ti lac bʌc'tal yic'ot ti lac pusic'al, la' lac bʌc'ñan Dios cha'añ ch'ujul mi la cajñel ti' tojlel.

Tito 1:15

Jiñi sʌco' bʌ i pusic'al mi' q'uelob ti uts'at pejtelel chuqui añ, pero jiñi bi'bi'o' bʌ yic'ot jiñi mach bʌ añic mi' ñopob lac Yum, ma'añic chuqui mi' q'uelob ti uts'at, bi'bi'ob i ña'tʌbal, come mach yujilobic i tic'ol i bʌ.

Hebreos 10:22

Jiñi cha'añ la' lac lʌc'tesan lac bʌ ba'añ Dios ti jump'ejl lac pusic'al, mach yomic tilebixel lac pusic'al che' mi lac ñop, yom sʌc-esʌbil lac pusic'al ti leco tac bʌ lac ña'tʌbal yic'ot yom pocbil lac bʌc'tal ti yʌx bʌ ja'.

Hebreos 12:14

Cha'lenla wersa cha'añ ñʌch'ʌl mi la' wajñel yic'ot pejtelel wiñicob x'ixicob, ñopola ajñel ti ch'ujul; come ma'añic majqui mi caj i q'uel lac Yum mi mach ch'ujulic.

Hebreos 9:14

Pero ñumen i c'ʌjñibal i ch'ich'el Cristo, come mi' poc loq'uel ti lac pusic'al jiñi tsucul bʌ lac melbal cha'añ mi lac melben i ye'tel jiñi cuxul bʌ Dios, ti' p'ʌtʌlel jiñi Espíritu mach bʌ yujilic jilel, Cristo tsi' yʌc'ʌ i bʌ che' bajche' ch'ujul bʌ i majtañ Dios mach bʌ añic i mul.

Santiago 3:17

Pero jiñi wen bʌ lac ña'tʌbal ch'oyol bʌ ti chañ ñaxan mi' pʌs i bʌ ti' sʌclel lac pusic'al yic'ot i yutslel lac t'añ, mi' yʌc' ti bujt'el lac pusic'al ti p'untaya cha'añ mi lac mel pejtelel chuqui wen ti pejtelel lac pusic'al, mach yujilic lo'loya.

Santiago 4:8

Lʌc'tesan la' bʌ ba'añ Dios, che' jiñi mi caj i lʌc'tesan i bʌ ba'añetla. Xmulilob, poco la' c'ʌb, jatetla cha'chajp jax bʌ la' pusic'al sʌc-esan la' bʌ.

1 Pedro 1:22

Tsa'ix la' sʌc-esa la' pusic'al ti' jac'ol isujmlel, jiñi cha'añ mi la' c'uxbin la' wermañujob ti isujm. Wen c'uxbin la' bʌ ti jump'ejl la' pusic'al.

Apocalipsis 22:4

Mi caj i q'uelbeñob i wut yic'ot mi caj i ts'ijbubentelob i c'aba' Dios ti' pam.