Mateo 5:10 - Jiñi Tsiji' bʌ Wen T'añ cha'añ Estudio

¹⁰ Tijicñayob jiñi mu' bʌ i tic'lʌntelob cha'añ chuqui toj, come i cha'añob i yumʌntel jiñi am bʌ ti panchan.

Chol de Tumbalá Bible

¹⁰ Tijicñayob jini mu' bʌ i tic'lʌntelob cha'an chuqui toj, come i cha'añob i yumʌntel jini am bʌ ti panchan.

Jiñi Tsiji' bʌ Wen T'añ cha'añ Estudio

¹⁰ Tijicñayob jiñi mu' bʌ i tic'lʌntelob cha'añ chuqui toj, come i cha'añob i yumʌntel jiñi am bʌ ti panchan.

Chol Tila

¹⁰ Tijicñayob jini chʌncol bʌ i lolon tyʌc'lʌntyelob ti i pi'ʌlob cha'an ti caj mi yajñelob ti tyoj, como mi quejel i yʌq'uentyelob i yajñel ba' mi' cha'len yumʌl Dios ya' ti panchan.

Chol: I T’an Dios

¹⁰ Tijicñayob jini mu' bʌ i tic'lʌntelob cha'an chuqui toj, come i cha'añob i yumʌntel jini am bʌ ti panchan.

Mateo 5:10 Iomraidhean Croise

Mateo 10:23

Che' mi la' taj la' ts'a'lentel ti jump'ejl tejclum, puts'enla majlel ti yam bʌ tejclum. Come isujm mic su'beñetla, che' maxto laj ñumeñeticla ti pejtelel i tejclum tac israelob, mi caj i tilel i Yalobil Wiñic.

Mateo 19:14

Jesús tsi' yʌlʌ: La' tilicob alobob ba'añon, mach mi la' mʌctañob, come i cha'añobʌch i yumʌntel jiñi am bʌ ti panchan, che'en.

Mateo 25:34

Jiñi cha'añ jiñi Rey mi caj i su'ben jiñi año' bʌ ti' ñoj: “La' cu la, ochemet bʌ la ti' yutslel c Tat, ch'ʌmʌ la' yumʌntel chajpʌbil bʌ cha'añetla c'ʌlʌl ti' cajibal pañimil.

Mateo 5:3

Tijicñayob jiñi mu' bʌ i ña'tañob ma'añic i bajñel wenlel i pusic'al come i cha'añob i yumʌntel jiñi am bʌ ti panchan.

Marcos 10:14

Che' bʌ tsi' q'uele Jesús tsa' mich'a, tsi' su'beyob: —La' tilicob alobob ba'añon, mach mi la' tic'ob, come i cha'añob i yumʌntel Dios.

Marcos 10:30

mi' taj ti ili ora yam bʌ jo'c'al i ñumel i yotot, i yerañob, i ña'ob, i yalobilob, i lumob, anquese yic'ot i tic'lʌntel, pero ti jiñi tal to bʌ q'uiñ mi caj i taj i cuxtʌlel mach bʌ añic mi' jilel.

Lucas 21:12

Pero che' maxto ujtem taquic iliyi, wiñicob mi caj i chuquetla, mi caj i tic'lañetla, mi caj i pʌyetla majlel ti sinagoga tac yic'ot ti mʌjquibʌl, mi caj la' pʌjyel majlel ti' tojlel reyob yic'ot ti' tojlel gobernadorob cha'añ ti' caj c'aba'.

Lucas 22:29

Joñon mi caj cʌq'ueñetla la' yumʌntel che' bajche' c Tat tsi' yʌq'ueyon c yumʌntel.

Lucas 6:20

Jesús tsa' caji i q'uel xcʌnt'añob i cha'añ, tsi' yʌlʌ: Tijicñayetla mach bʌ añic la' chu'bʌañ, come la' cha'añʌch i yumʌntel Dios.

Lucas 6:22

Tijicñayetla che' mi' ts'a'leñetla wiñicob, che' mi' choquetla, che' mi p'ajetla yic'ot che' mi ts'a'leñob la' c'aba' cha'añ ti' caj tsa' la' ñopo i Yalobil Wiñic.

Juan 15:20

Ña'tanla jiñi t'añ tsa' bʌ c su'beyetla: “Jiñi mu' bʌ i melben i ye'tel i yum mach ñumen ñuquic bajche' i yum”. Mi joñon tsi' tic'layoñob, che' ja'el jatetla mi caj la' tic'lʌntel, mi tsi' jac'ʌyob c t'añ, mi caj i jac'ob la' t'añ ja'el.

Hechos 5:40

Tsi' jac'beyob i t'añ. Che' jiñi tsi' pʌyʌyob ochel jiñi apóstolob, che' bʌ tsa' ujti i bajbeñob, tsi' tiq'uiyob cha'añ ma'añic mi' chʌn cha'leñob t'añ ti' c'aba' Jesús; ti wi'il tsi' coloyob.

Hechos 8:1

Saulo uts'at tsi' q'uele che' bʌ woli i tsʌnsañob Esteban. Ti jim bʌ ora tsa' tejchi ca'bʌl i tic'lʌntel jiñi xñopt'añob tsa' bʌ i tempayob i bʌ ti Jerusalén. Ti' pejtelelob tsa' pam pujquiyob majlel ti Judea yic'ot ti Samaria, cojach jiñi apóstolob ma'añic tsa' pujquiyob.

2 Corintios 4:17

Come sejb lac wocol mu' bʌ la cu'bin, poj jumuc' jach mi' ñumel, wolix i p'ojlesʌbeñonla c'ax oñ bʌ lac ñuclel mach bʌ añic mi' jilel ti pejtelel ora.

Filipenses 1:28

mach yomic mi la' wis bʌc'ñan la' contrajob, che' jiñi tsiquil ti' tojlelob mi caj i jisʌntelob, pero jatetla Dios mi caj i coltañetla.

2 Timoteo 2:12

Mi woli lac lʌt' wocol, mux caj lac tem cha'len yumʌl la quic'ot. Mi tsa' la cʌlʌ mach laj cʌñʌyic, ma'añic mi caj i cʌñonla ja'el.

2 Timoteo 3:11

yic'ot c tic'lʌntel, yic'ot c wocol, yic'ot jiñi tsa' bʌ c ñusa ya' ti Antioquía yic'ot ti Iconio, yic'ot ti Listra; tsa' cuchu pejtelel c tic'lʌntel, pero lac Yum tsi' coltayon loq'uel ti pejtelel.

Santiago 1:12

Tijicña jiñi mach bʌ añic mi' jac' i pʌyol ti mulil, come che' ñumeñix i yilʌbentel i pusic'al, mi caj i yʌq'uentel i cuxtʌlel i wenta corona che' bajche' albil i cha'añ Dios, Dios mi caj i yʌq'ueñob pejtelel mu' bʌ i c'uxbiñob.

Santiago 5:11

La cujil tijicñayobix cha'añ tsi' cuchuyob wocol. Tsa'ix la' wu'bi bajche' tsi' cuchu wocol ti uts'at jiñi Job, tsa'ix la' wu'bi chuqui tsi' mele lac Yum ti' tojlel Job che' ti' yujtibal, come uts i pusic'al lac Yum, wen yujil p'untaya.

1 Juan 3:12

Mach yomic lajalonla bajche' Caín tsa' bʌ i tsʌnsa i yijts'in. ¿Chucoch tsi' tsʌnsa? Come Caín jontol i melbal pero toj i melbal i yijts'in.

Apocalipsis 2:10

Mach la' bʌc'ñan jiñi wocol mu' bʌ caj i tajetla, awilan jiñi xi'ba mi caj i lamital otsañetla ti ñujp'ibʌl cha'añ i yilʌbentel la' pusic'al yic'ot mi caj la' tic'lʌntel lujump'ejl q'uiñ. Xuc'ul yom mi la' wajñel anquese mi la' wʌjq'uel ti chʌmel, mi caj cʌq'ueñetla la' cuxtʌlel che' bajche' corona.