Mateo 3:6 - Jiñi Tsiji' bʌ Wen T'añ cha'añ Estudio

⁶ Juan tsi' yʌq'ueyob ch'ʌmja' ya' ti Jordán ja'. Jiñi wiñicob x'ixicob tsi' su'buyob i mul.

Chol de Tumbalá Bible

⁶ Juan tsi' yʌq'ueyob ch'ʌmja' ya' ti Jordán ja'. Jini winicob x'ixicob tsi' subuyob i mul.

Jiñi Tsiji' bʌ Wen T'añ cha'añ Estudio

⁶ Juan tsi' yʌq'ueyob ch'ʌmja' ya' ti Jordán ja'. Jiñi wiñicob x'ixicob tsi' su'buyob i mul.

Chol Tila

⁶ Che' ñac ti' subuyob i mul, Juan ti yʌc'ʌyob ti ch'ʌm ja' ya' ti Jordán.

Chol: I T’an Dios

⁶ Juan tsi' yʌq'ueyob ch'ʌmja' ya' ti Jordán ja'. Jini winicob x'ixicob tsi' subuyob i mul.

Mateo 3:6 Iomraidhean Croise

Mateo 3:11

Joñon mi cʌq'ueñetla ch'ʌmja' cha'añ mi la' cʌy la' mul. Pero tal to tic pat jiñi ñumen p'ʌtʌl bʌ. Joñon mach ñucoñic cha'añ mic ch'ʌmben majlel i warach. Jiñi mi caj i yʌq'ueñetla la' ch'ʌm Ch'ujul bʌ Espíritu yic'ot c'ajc.

Marcos 1:5

Tsa' loq'uiyob tilel ba'añ Juan jiñi ch'oyolo' bʌ ti' lumal Judea, yic'ot ti Jerusalén, tsi' ch'ʌmʌyob ja' ti' c'ʌb Juan ya' ti Jordán ja', tsi' su'buyob i mul.

Lucas 1:16

Mi caj i yʌq'ueñob i sutq'uin i bʌ ca'bʌl israelob cha'añ mi' ñopob i Yum Dios.

Lucas 3:16

Juan tsi' su'beyob ti pejtelelob: —Joñon ti isujm mi cʌq'ueñetla ch'ʌmja', pero tal jiñi ñumen p'ʌtʌl bʌ bajche' joñon. Mach ñucoñic cha'añ mic ticben i ch'ajñal i warach. Jiñʌch mu' bʌ caj i yʌq'ueñetla la' ch'ʌm Ch'ujul bʌ Espíritu yic'ot c'ajc.

Hechos 1:5

Come Juan tsi' yʌq'ueyetla ch'ʌmja', pero Dios mach jalix mi caj i yʌq'ueñetla la' ch'ʌm Ch'ujul bʌ Espíritu, che'en.

Hechos 11:16

Che' jiñi tsa' c'ajtiyi c cha'añ i t'añ lac Yum tsa' bʌ i yʌlʌ: “Isujm, Juan tsi' yʌq'ueyetla ch'ʌmja' ti ja', pero jatetla mi caj la' wʌq'uentel la' ch'ʌm Ch'ujul bʌ Espíritu”, che'en.

Hechos 19:18

Ca'bʌl tsa' bʌ i ñopoyob tsa' tili i su'bob i mul. Tsi' bajñel su'buyob i bʌ cha'añ chuqui tac tsi' meleyob ti ñaxan.

Hechos 22:16

Wʌle, ¿Chuqui woli a pijtan? Ch'ojyen, ch'ʌmʌ ja', la pojquic a mul, pejcan Dios ti' c'aba' Jesús”.

1 Corintios 10:2

ti' pejtelelob tsa' aq'uentiyob ch'ʌmja' ti tocal yic'ot ti' pejtelelob tsa' ñumiyob ti mar.

Colosenses 2:12

Tsa' tem mujquiyetla la' wic'ot Jesús ti ch'ʌmja', che' ja'el tsa' tejchiyetla ch'ojyel la' wic'ot Jesús cha'añ tsa' la' ñopo i p'ʌtʌlel Dios tsa' bʌ i teche ch'ojyel Jesús ba'añ chʌmeño' bʌ.

Hebreos 6:2

jiñi la' cʌntesʌntel ti ch'ʌmja' yic'ot i yʌc'ol c'ʌbʌl ti la' jol, la' wujilix mi' caj i tejchelob ch'ojyel jiñi chʌmeño' bʌ, che' ja'el tsa'ix la' wu'bi isujmlel tojmulil mach bʌ yujilic jilel, jasʌlix ili la' cʌntesʌntel.

Hebreos 9:10

Ili waj yic'ot jiñi japbil tac bʌ i melbal jach wiñicob, mi' pocob ti ja', pero i yejtal jach jiñi mero isujm bʌ, che' mi' tilel jiñi isujm bʌ, mux i jilel i c'ʌjñibal jiñi yam bʌ.

Santiago 5:16

Su'bu la' bʌ che' añ la' mul ti' tojlel la' pi'ʌlob, taja la' bʌ ti oración cha'añ mi la' lajmesʌntel. Añ ca'bʌl i c'ʌjñibal i yoración jiñi tojo' bʌ, ca'bʌlʌch i p'ʌtʌlel.

1 Pedro 3:21

Jiñʌch i yejtal che' bajche' mi laj coltʌntel wʌle ti ch'ʌmja'. Ma'añic mi' poc loq'uel i lumil lac pʌchʌlel, pero mi' pʌsonla ti sʌc ti' wut Dios che' ñʌch'ʌl lac pusic'al cha'añ tsa' lac su'bu lac bʌ ti' tojlel Dios. Tsa'ix tejchiyonla ch'ojyel yic'ot Jesucristo.

1 Juan 1:9

Mi woli lac su'ben lac mul Dios mu' bʌ i melonla ti toj, añ i xuc'tʌlel i pusic'al cha'añ mi' ñusʌbeñonla. Mi' pocbeñonla loq'uel pejtelel lac jontolil.