Mateo 23:8 - Jiñi Tsiji' bʌ Wen T'añ cha'añ Estudio

⁸ Pero jatetla mach yomic mi la' pejcʌntel ti maestro come juntiquil jach la' maestro, [jiñʌch Cristo;] ti pejteletla la' wermañu la' bʌ.

Chol de Tumbalá Bible

⁸ Jatetla, mach yomic mi la' pejcʌntel ti maestro come an juntiquil jach la' maestro, jiñʌch Cristo. Ti pejteletla la' wermano la' bʌ.

Jiñi Tsiji' bʌ Wen T'añ cha'añ Estudio

⁸ Pero jatetla mach yomic mi la' pejcʌntel ti maestro come añ juntiquil jach la' maestro, [jiñʌch Cristo] ti pejteletla la' wermañu la' bʌ.

Chol Tila

⁸ Pero jatyetla, mach yom mi la' chan isan la' bʌ cha'an mi la' wʌq'uen quixtyañujob i pejcañetla ti maestro. Como ti la' pejtyel la' wermañujob la' bʌ. An juntiquil jach la' maestrojon.

Chol: I T’an Dios

⁸ Jatetla, mach yomic mi la' pejcʌntel ti maestro come an juntiquil jach la' maestro, jiñʌch Cristo. Ti pejteletla la' wermano la' bʌ.

Mateo 23:8 Iomraidhean Croise

Mateo 10:25

Jiñi xcʌnt'añ la' ajñic che' bajche' i maestro. Jiñi x'e'tel la' ajñic che' bajche' i yum. Mi jiñi tatʌl ti otot tsa' pejcʌnti ti' Beelzebú, ¿mach ba ñumen lecojic mi caj i pejcʌntelob jiñi año' bʌ ti yotot?

Mateo 17:5

Che' woli to ti t'añ, tsi' mosoyob wen sʌsʌc bʌ tocal; tsa' loq'ui t'añ ti tocal, tsi' yʌlʌ: Jiñʌch Calobil mu' bʌ j c'uxbin, tijicña c pusic'al mij q'uel; u'bibenla i t'añ, che'en.

Mateo 23:10

Che' ja'el mach yomic mi la' pejcʌntel ti xtoj-esaya come juntiquil jach xtoj-esaya la' cha'añ, jiñʌch Cristo.

Mateo 23:7

Mi' mulañob i yʌq'ueñtelob cortesía ti choñoñibʌl tac, yic'ot che' mi' pejcʌntelob ti maestro.

Mateo 26:25

Jiñi Judas, tsa' bʌ i yʌc'ʌ Jesús ti' c'ʌb i contra, tsi' yʌlʌ: —Maestro, ¿joñon ba? —Che'en. Jesús tsi' su'be: —Jatet cu.

Mateo 26:49

Tsa' bʌc' tili ba'añ Jesús tsi' yʌlʌ: —¡Cotañet, Maestro! Che' jiñi tsi' ts'ujts'u.

Marcos 10:51

Jesús tsi' c'ajtibe: —¿Chuqui awom mic melbeñet? —Che'en. Jiñi xpots' tsi' yʌlʌ: —Maestro, com mi' cha' c'otel c wut.

Marcos 11:21

Jiñi cha'añ Pedro tsa' c'ajtiyi i cha'añ, tsi' su'be: —Maestro, q'uele tsa'ix tiqui jiñi higuera te' tsa' bʌ a ch'ʌcʌ, —che'en.

Marcos 14:45

Che' bʌ tsa' tili ba'añ Jesús tsi' bʌc' lʌc'tesa i bʌ, tsi' yʌlʌ: —Maestro, Maestro. Che' jiñi tsi' ts'ujts'u.

Marcos 9:5

Che' jiñi Pedro tsi' su'be Jesús: —¡Maestro, uts'at che' wʌ'añonla ilayi! La' c mel lojon uxp'ejl lejchempat, jump'ejl cha'añet, jump'ejl cha'añ Moisés, jump'ejl cha'añ Elías, —che'en.

Lucas 22:32

Pero joñon tsa' c tajayet ti oración ame a cʌy a ñopon. Che' ma' cha' sutq'uin a bʌ, p'ʌt-esan a wermañujob, —che'en Jesús.

Juan 1:38

Jesús tsi' sutq'ui i bʌ, tsi' q'uele woli' tsajcañob majlel, tsi' su'beyob: —¿Chuqui woli la' sajcan? Tsi' jac'ʌyob: —Rabí (Añ isujmlel ti lac t'añ: Xcʌntesa). ¿Baqui jijlemet?

Juan 1:49

Natanael tsi' jac'be: —Rabí, jatet i Yalobilet Dios, jatet i Reyet Israel, —che'en.

Juan 11:8

Jiñi xcʌnt'añob tsi' su'beyob: —Maestro, maxto jali tsi' ñopo i juletob ti xajlel, ¿cha' awomix majlel ya'i?

Juan 20:16

Jesús tsi' su'be: —¡María! Che' jiñi, tsi' sutq'ui i bʌ i q'uel, tsi' su'be: —¡Raboni! (yom mi yʌl ti lac t'añ, xcʌntesa).

Juan 3:2

Nicodemo tsa' tili ba'añ Jesús ti ac'ʌlel, tsi' su'be: —Rabí, cujil lojon maestrojet, chocbilet tilel i cha'añ Dios, come ma'añic majqui mi mejlel i pʌs i yejtal i p'ʌtʌlel che' bajche' jatet mi ma'añic Dios yic'ot, —che'en.

Juan 3:26

Tsa' tiliyob ba'añ Juan, tsi' su'beyob: —Maestro, q'uele jiñi tsa' bʌ tili ba'añet ti junwejl Jordán ja', jiñi tsa' bʌ a wʌc'ʌ ti cʌjñel che' bʌ tsa' cha'le subt'añ; woli i yʌc' ch'ʌmja', pejtelel wiñicob x'ixicob mi' tsajcañob.

Juan 4:31

Che' woli' tilelob, jiñi xcʌnt'añob tsi' su'beyob Jesús ti wocol t'añ: —Maestro, c'uxux a waj.

Juan 6:25

Che' bʌ tsi' tajayob Jesús ti junwejl mar, tsi' c'ajtibeyob: —Maestro, ¿baqui ora tsa' juliyet wʌ'i?

Juan 9:2

Jiñi xcʌnt'añob i cha'añob tsi' c'ajtibeyob: —Maestro, ¿Chucoch xpots' jiñi wiñic che' bʌ tsi' yila pañimil? ¿Majqui tsi' cha'le mulil? ¿Jim ba jiñi wiñic? o ¿jim ba i tat i ña'?

2 Corintios 1:24

Mach la' yumoñic lojon cha'añ mic wersa su'beñetla chuqui yom mi la' ñop, woli j coltañetla cha'añ mi la' taj i tijicñʌyel la' pusic'al, come xuc'uletla cha'añ tsa' la' ñopo Cristo.

2 Corintios 4:5

Ma'añic mic bajñel su'b lojon c bʌ che' mic cha'len lojon subt'añ, mic su'b lojon cha'añ Jesucristo jiñʌch lac Yum. Joñon lojon la' waj e'telon lojon cha'añ woli j c'uxbin lojon Jesús.

Efesios 3:15

tsa' bʌ i ch'ʌmbe i c'aba' jujunchajp wiñicob x'ixicob ti panchan yic'ot ti pañimil,

Filemón 1:16

mach che'ic jach bajche' a wiñic, pero che' bajche' juntiquil am bʌ i c'ʌjñibal, come c'uxbibil bʌ hermañujix ti Cristo. Mic wen c'uxbin, pero ñumen yom ma' c'uxbin jatet come a waj e'telʌch, yic'ot a wermañujix ti lac Yum ja'el.

Santiago 3:1

Quermañujob, mach yomic mi la' bʌc' otsan la' bʌ ti xcʌntesa, come la' wujil ñumen mi caj lac toj lac mul che' bʌ xcʌntesajonla.

1 Pedro 5:3

mach yomic mi la' chañ-esan la' bʌ ti' tojlel jiñi tʌñʌme' año' bʌ ti la' wenta, pero yom mi la' pʌsbeñob ti la' melbal bajche' yom mi' melob.

Apocalipsis 1:9

Joñon, Juan, a wermañujon mu' bʌ c tem u'bin wocol quic'otetla cha'añ Jesús, temel añonla ti' yumʌntel, temel woli laj cuch wocol che' mi lac pijtan Jesús, añon ti lum joyol bʌ ti ja' i c'aba' Patmos cha'añ ti' caj i su'bol i t'añ Dios yic'ot isujmlel Jesús.

Apocalipsis 19:10

Tsa' c pʌcchoco c bʌ ti' tojel i yoc cha'añ mic ch'ujutesan jiñi ángel, pero tsi' su'beyon: “Q'uele, mach che'ic yom ma' cha'len. I wiñicon Dios lajal bajche'et yic'ot a wermañujob mu' bʌ i jac'beñob i t'añ Jesús. ¡Ch'ujutesan Dios!” (Come jiñi Espíritu tsa' bʌ i pejcayonla ti Jesús mi' ñijcañonla ti subt'añ).

Apocalipsis 22:9

Pero tsi' su'beyon: ¡Q'uele mach che'ic yom ma' mel, come i wiñicon Dios lajal bajche'et yic'ot a wermañujob jiñi x'alt'añob, yic'ot jiñi mu' bʌ i jac'beñob i t'añ jiñi juñ. Ch'ujutesan Dios! Che'en.