Mateo 18:3 - Jiñi Tsiji' bʌ Wen T'añ cha'añ Estudio

³ tsi' su'beyob: —Isujm mic su'beñetla, mi ma'añic mi la' sutq'uin la' bʌ yic'ot mi ma'añic mi la' mel che' bajche' alobob, ma'añic mi caj la' wochel ti' yumʌntel panchan.

Chol de Tumbalá Bible

³ Tsi' subeyob: Isujm, mic subeñetla, mi ma'anic mi la' sutq'uin la' bʌ cha'an lajaletla bajche' alobob, ma'anic mi caj la' wochel ti' yumʌntel panchan.

Jiñi Tsiji' bʌ Wen T'añ cha'añ Estudio

³ tsi' su'beyob: —Isujm mic su'beñetla, mi ma'añic mi la' sutq'uin la' bʌ yic'ot mi ma'añic mi la' mel che' bajche' alobob, ma'añic mi caj la' wochel ti' yumʌntel panchan.

Chol Tila

³ Ti yʌlʌ: Melelʌch mic subeñetla, mi mach'an mi la' q'uextyan la' pensal cha'an mi la' ju'san la' bʌ che' bajche' alp'eñalob mach ch'ujbi i yumin Dios, che'en.

Chol: I T’an Dios

³ Tsi' subeyob: Isujm, mic subeñetla, mi ma'anic mi la' sutq'uin la' bʌ cha'an lajaletla bajche' alobob, ma'anic mi caj la' wochel ti' yumʌntel panchan.

Mateo 18:3 Iomraidhean Croise

Mateo 13:15

Come jiñi wiñicob x'ixicob tsa' ochiyob ti tonto i pusic'al. Mach yomic i chʌn u'biñob t'añ, tsi' muts'uyob i wut ame i q'uelob ti' wut, tsi' mʌcʌyob i chiquin ame i yu'biñob ti' chiquin, ame i ch'ʌmbeñob isujm ti' pusic'al, ame i cha' sutq'uiñob i bʌ cha'añ mij c'oq'uesañob”, che'en Jesús.

Mateo 18:2

Jesús tsi' pʌyʌ tilel juntiquil alob, tsi' yʌc'ʌ ya' ti ojlil ba'añob

Mateo 18:4

Jiñi cha'añ majqui jach mi' mel i bʌ ti pec' che' bajche' ili alob, jiñʌch jiñi c'ax ñuc bʌ ti' yumʌntel panchan.

Mateo 19:14

Jesús tsi' yʌlʌ: La' tilicob alobob ba'añon, mach mi la' mʌctañob, come i cha'añobʌch i yumʌntel jiñi am bʌ ti panchan, che'en.

Mateo 19:23

Jesús tsi' su'be xcʌnt'añob i cha'añ: —Isujm mic su'beñetla, wen wocol mi' yochel ti' yumʌntel panchan jiñi wen chumul bʌ wiñic.

Mateo 5:18

come isujm mic su'beñetla, mach mejlic ti yajpel loq'uel mi jump'ejlic letra mi jump'ejlic punto ti jiñi mandar c'ʌlʌl ti' jilibal pañimil yic'ot panchan, jinto mi' laj ts'ʌctiyel pejtelel isujmlel.

Mateo 5:20

Come mic su'beñetla, mi mach ñumen tojic la' pusic'al che' bajche' jiñi xts'ijbayajob yic'ot fariseojob, ma'añic mi caj la' wochel ti' yumʌntel panchan.

Mateo 6:16

Che' ja'el che' woliyetla ti ch'ajb, mach yomic ch'ijiyem la' wut che' bajche' jiñi cha'chajpob jax bʌ i pusic'al. Leco mi' melob i wut cha'añ mi' q'uejlelob woliyob ti ch'ajb. Isujm mic su'beñetla, tsa'ix i tajayob i chobejtʌbal.

Mateo 6:2

Che' mi la' wʌq'uen la' chu'bʌañ p'ump'uño' bʌ, mach mi la' wʌc' ti wustʌl majlel trompeta ti' tojel la' wut che' bajche' mi' melob ti sinagoga tac yic'ot ti calle tac jiñi mu' bʌ i poj pʌsob i bʌ ti uts'at cha'añ mi' q'uejlelob ti ñuc ti' wut wiñicob x'ixicob. Isujm mic su'beñetla añobix i chobejtʌbal.

Mateo 6:5

Che' ma' cha'len oración, mach a cha'len che' bajche' jiñi cha'chajp jax bʌ i pusic'al mu' bʌ i mulan i cha'leñob oración che' wa'alob ti sinagoga tac yic'ot ti' xujc calle cha'añ mi' q'uejlelob. Isujm mic su'beñetla tsa'ix i tajayob i chobejtʌbal.

Marcos 4:12

cha'añ ma'añic mi' c'otel i wut jiñi woli bʌ i q'uelob, cha'añ ma'añic mi' ch'ʌmbeñob isujm jiñi woli bʌ i yu'biñob, cha'añ ma'añic mi sutq'uiñob i bʌ, ame ñusʌbenticob i mul, che'en.

Lucas 13:24

—Cha'lenla wersa cha'añ mi la' wochel ti ch'och'oc bʌ i ti'. Come mic su'beñetla ca'bʌlob mi caj i ñopob ochel pero ma'añic mi caj i mejlelob.

Lucas 22:32

Pero joñon tsa' c tajayet ti oración ame a cʌy a ñopon. Che' ma' cha' sutq'uin a bʌ, p'ʌt-esan a wermañujob, —che'en Jesús.

Juan 1:51

Jesús tsi' cha' su'be: —Isujm, isujm mic su'beñetla, mi caj la' q'uel che' jajmeñix panchan, mi caj la' q'uel i yÁngel Dios che' mi' letselob majlel yic'ot che' mi' ju'belob tilel ti' tojlel i Yalobil Wiñic. Tsi' pʌntesa ja' ti vino Tsi' c'oq'uesʌbe i yalobil juntiquil yumʌl Tsi' c'oq'uesa jiñi mach bʌ weñic i yoc Tsi' we'sa bajc'ʌl wiñicob x'ixicob Tsi' cha'le xʌmbal ti' pam ja' Tsi' cambe i wut juntiquil xpots' Tsi' teche ch'ojyel Lázaro (Q'uele ja'el 20.30-31)

Juan 3:3

Jesús tsi' jac'be Nicodemo: —Isujm, isujm mic su'beñet, jiñi mach bʌ añic mi' cha' ilan pañimil, mach mejlic i q'uel i yumʌntel Dios, —che'en.

Juan 3:5

Jesús tsi' jac'ʌ: —Isujm, isujm mic su'beñet, jiñi mach bʌ añic mi' yilan pañimil yic'ot ja' yic'ot jiñi Espíritu mach mejlic ti ochel ti' yumʌntel Dios.

Hechos 14:22

Tsi' ch'ejl-esʌbeyob i pusic'al xñopt'añob, tsi' xic'beyob cha'añ xuc'ul mi' chʌn ñopob i t'añ Dios yic'ot tsi' su'beyob: “Wersa yom mi lac ñusan ca'bʌl wocol cha'añ mi la cochel ti' yumʌntel Dios”.

Hechos 28:27

come tsa' ochi ti tonto i pusic'al ili wiñicob x'ixicob; mach yomic i yu'biñob, tsi' muts'uyob i wut, ame i q'uelob ti' wut, ame i yu'biñob ti' chiquin, ame i ch'ʌmbeñob isujm ti' pusic'al, ame i cha' sutq'uiñob i bʌ cha'añ mic lajmesañob”, che'en.

Hechos 3:19

Jiñi cha'añ cʌyʌ la' mul, sutq'uin la' bʌ cha'añ mi' ñusʌntel la' mul, cha'añ mi la' taj c'aj-o ti' tojlel lac Yum,

1 Corintios 14:20

Quermañujob, mach yomic lajal la' ña'tʌbal bajche' i ña'tʌbal alobob, mach yomic jontoletla, yom lajaletla bajche' alʌlob, yom lajal la' ña'tʌbal bajche' wiñicob año' bʌ ca'bʌl i pusic'al.

1 Pedro 2:2

Yom lajaletla bajche' alʌl, poj ujtel to bʌ i yilan pañimil, mu' bʌ i c'ajtin i chu'. Che'ʌch yom mi la' c'ajtin la' chu' ti Espíritu mu' bʌ i we'san la' pusic'al ti isujmlel, cha'añ mi la' colel majlel ti la' coltʌntel,

2 Pedro 1:11

Che' jiñi mi caj la' pʌjyel ochel ti' yumʌntel Dios mach bʌ añic mi' jilel, yic'ot lac Yum Jesucristo, xColtaya lac cha'añ.