Mateo 16:16 - Jiñi Tsiji' bʌ Wen T'añ cha'añ Estudio

¹⁶ Simón Pedro tsi' jac'ʌ: —Jatetʌch jiñi Cristo, jiñi yajcʌbil bʌ, i Yalobilet jiñi cuxul bʌ Dios, —che'en.

Chol de Tumbalá Bible

¹⁶ Simón Pedro tsi' jac'ʌ: Jatet Cristojet, jini yajcʌbil bʌ. I Yalobilet jini cuxul bʌ Dios, che'en.

Jiñi Tsiji' bʌ Wen T'añ cha'añ Estudio

¹⁶ Simón Pedro tsi' jac'ʌ: —Jatetʌch jiñi Cristo, jiñi yajcʌbil bʌ, i Yalobilet jiñi cuxul bʌ Dios.

Chol Tila

¹⁶ Che' jini ti' jac'ʌ Pedro: Jatyet jini yajcʌbil bʌ i cha'an cuxul bʌ Dios mu' bʌ a pejcʌntyel ti Cristo, che'en.

Chol: I T’an Dios

¹⁶ Simón Pedro tsi' jac'ʌ: Jatet Cristojet, jini yajcʌbil bʌ. I Yalobilet jini cuxul bʌ Dios, che'en.

Mateo 16:16 Iomraidhean Croise

Mateo 1:16

I yalobil Jacob jiñʌch José i ñoxi'al María, tsa' bʌ i yʌc'ʌ ti pañimil Jesús, i c'aba' Cristo.

Mateo 14:33

Jiñi año' bʌ ti' mal barco tsa' tiliyob, tsi' ch'ujutesayob Jesús, tsi' yʌlʌyob: —Isujmʌch i Yalobilet Dios.

Mateo 16:15

Jesús tsi' c'ajtibeyob: —Ixcu jatetla, ¿Majquiyon mi la' wʌl? —Che'en.

Mateo 26:63

Pero Jesús ma'añic chuqui tsi' yʌlʌ. Jiñi cha'añ jiñi c'ax ñuc bʌ motomaj tsi' su'be: —Ti' c'aba' jiñi cuxul bʌ Dios, yom ma' su'beñon lojon mi Cristojet mi Yalobilet Dios, —che'en.

Mateo 27:54

Jiñi i yaj capitán jo'c'al soldadojob yic'ot jiñi soldadojob woli bʌ i cʌntañob Jesús, tsi' cha'leyob bʌq'uen che' bʌ tsi' q'ueleyob i yujquel lum yic'ot pejtelel tsa' bʌ ujti, tsi' yʌlʌyob: Isujmʌch ili wiñic i Yalobilʌch Dios.

Mateo 4:3

Tsa' tili jiñi xpʌy mulil ya' ba'añ Jesús. Tsi' su'be: —Mi i Yalobilet Dios, su'ben ili xajlel tac cha'añ mi' pʌntʌyel ti waj, —che'en.

Marcos 14:61

Ñʌch'ʌl tsa' cʌle, ma'añic chuqui tsi' jac'ʌ, jiñi c'ax ñuc bʌ motomaj tsi' cha' c'ajtibe: —¿Jatet ba Cristojet, jiñi Yajcʌbil bʌ, i Yalobilet ba jiñi Uts'at Bʌ? —Che'en.

Lucas 2:11

Come sajmʌl ti' tejclum David tsi' yila pañimil la' waj Coltaya, jiñʌch Cristo lac Yum.

Juan 1:49

Natanael tsi' jac'be: —Rabí, jatet i Yalobilet Dios, jatet i Reyet Israel, —che'en.

Juan 11:27

Marta tsi' su'be: —Mu' cu, c Yum. Joñon tsa'ix c ñopo cha'añ Cristojet, i Yalobilet Dios tsa' bʌ tiliyet ti pañimil, —che'en.

Juan 20:31

Pero iliyi tsa' ts'ijbunti cha'añ mi la' ñop Cristojʌch jiñi Jesús, i Yalobilʌch Dios, cha'añ che' mi la' ñop, mi la' wʌq'uentel la' cuxtʌlel ti' c'aba'.

Juan 6:57

Che' bajche' cuxul c Tat tsa' bʌ i chocoyon tilel, che' bajche' añ j cuxtʌlel tic Tat, che' ja'el jiñi mu' bʌ i c'ux c bʌc'tal mi caj i taj i cuxtʌlel ti joñon.

Juan 6:68

Simón Pedro tsi' jac'ʌ: —C Yum, ¿am ba yam bʌ mu' bʌ mejlel tsajcan lojon majlel? Come jatet jach ma' su'b jiñi t'añ cha'añ mic taj lojon j cuxtʌlel mach bʌ añic mi' jilel.

Juan 6:69

Mic ñopet lojon, cujil lojon cha'añ jatetʌch jiñi Cristo, i Yalobil bʌ jiñi cuxul bʌ Dios, —che'en Pedro.

Hechos 14:15

tsi' yʌlʌyob: —Wiñicob, ¿chucoch mi la' mel che' bajche' iliyi? Joñon lojon wiñicon jach lojon ja'el che' bajche'etla. Woli c su'b lojon cha'añ yom mi la' cʌy jiñi lolom jach bʌ la' melbal cha'añ mi la' ñop jiñi cuxul bʌ Dios tsa' bʌ i mele panchan yic'ot pañimil yic'ot mar yic'ot pejtelel i bʌl.

Hechos 8:36

Che' woli' majlelob ti bij, tsa' c'otiyob ba'añ ja'. Jiñi eunuco tsi' yʌlʌ: —Q'uele, wʌ'an ja', ¿am ba chuqui mi' mʌctañon cha'añ mic ch'ʌm ja'? —Che'en.

Hechos 8:37

[Felipe tsi' su'be: —Mi wola' ñop ti pejtelel a pusic'al cha'añ Jesús jiñʌch i Yalobil Dios, mi mejlel a ch'ʌm ja', —che'en. Jiñi eunuco tsi' jac'ʌ: —Mic ñop i Yalobilʌch Dios jiñi Jesucristo.]

Hechos 9:20

Ti jiñi jach bʌ ora tsa' caji ti su'b t'añ cha'añ Cristo ti sinagoga tac. Tsi' yʌlʌ: I Yalobilʌch Dios jiñi Cristo, che'en.

Romanos 1:4

Tsa' tsictiyi i Yalobilʌch Dios ti' p'ʌtʌlel yic'ot ti' sʌclel i yEspíritu Dios che' bʌ tsa' tejchi loq'uel ba'añ chʌmeño' bʌ.

2 Corintios 1:19

Come mach cha'chajpic i t'añ Jesucristo i Yalobil Dios tsa' bʌ c su'beyetla joñon quic'ot Silvano yic'ot Timoteo, junsujm jach i t'añ Jesucristo.

2 Corintios 3:3

Come tsiquil i juñetla Cristo tsa' bʌ c ts'ijba lojon, mach ti tintajic ts'ijbubiletla, pero yic'ot i yEspíritu jiñi cuxul bʌ Dios, mach ti xajlelic pero ti la' pusic'al.

2 Corintios 6:16

I templo Dios ¿jim ba i pi'ʌl jiñi dios tac? Joñonla i templojonla jiñi cuxul bʌ Dios che' bajche' tsi' yʌlʌ Dios: “Mi caj c chumtʌl ti' tojlelob. Ya' mij caj ti ajñel. Mi caj cochel ti' Dios. Mi caj cotsañob tic cha'añ”.

1 Tesalonicenses 1:9

come woli' i su'bob bajche' tsa' la' pʌyʌyon lojon ochel ba'añetla yic'ot bajche' tsa' la' cʌyʌ jiñi dios tac cha'añ mi la' ñop jiñi mero Dios, cha'añ mi la' melben i ye'tel jiñi cuxul bʌ Dios,

1 Timoteo 3:15

mi tsa' jal-ayon, mux i mejlel a ña'tan bajche' yom ma' wajñel ti' yotot Dios, jiñobʌch jiñi xñopt'añob i cha'año' bʌ jiñi cuxul bʌ Dios. Jiñi xñopt'añob jiñʌch i cucujlel yic'ot i yoyel i yotot Dios ba' mi' tsictiyel isujmlel.

1 Timoteo 4:10

Jiñi cha'añ woliyonla ti wersa e'tel anquese yic'ot wocol, come woli lac pijtan jiñi cuxul bʌ Dios, i Yaj Coltaya pejtelel wiñicob, pero mero i cha'añob jiñi woli bʌ i ñopob.

Hebreos 10:31

Bʌbʌq'uen jax muq'uic i yʌq'ueñonla lac toj lac mul jiñi cuxul bʌ Dios.

Hebreos 12:22

Pero jatetla tsa'ix c'otiyetla ti wits i c'aba' Sión, i tejclum jiñi cuxul bʌ Dios, jiñi Jerusalén am bʌ ti panchan ba' tempʌbilob bajc'ʌl ángelob,

Hebreos 3:12

Jiñi cha'añ hermañujob, chʌcʌ q'uele la' bʌ ame tejchic jontolil ti la' pusic'al, ame mi la' cʌy jiñi cuxul bʌ Dios mi mach xuc'ulic mi la' ñop.

Hebreos 9:14

Pero ñumen i c'ʌjñibal i ch'ich'el Cristo, come mi' poc loq'uel ti lac pusic'al jiñi tsucul bʌ lac melbal cha'añ mi lac melben i ye'tel jiñi cuxul bʌ Dios, ti' p'ʌtʌlel jiñi Espíritu mach bʌ yujilic jilel, Cristo tsi' yʌc'ʌ i bʌ che' bajche' ch'ujul bʌ i majtañ Dios mach bʌ añic i mul.

1 Juan 4:15

Majqui jach mi' su'b i Yalobilʌch Dios jiñi Jesús, Dios mi' yajñel ti' pusic'al, jiñi wiñic mi' yajñel ti Dios ja'el.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.

1 Juan 5:5

¿Majqui jiñi mu' bʌ i t'uchtan jiñi pañimil? Jiñʌch woli bʌ i ñop i Yalobilʌch Dios jiñi Jesús.

Apocalipsis 7:2

Tsa' j q'uele ja'el yam bʌ ángel woli' letsel tilel ti' pasibal q'uiñ, chucul i cha'añ i sellojlel jiñi cuxul bʌ Dios. Ti c'am bʌ t'añ tsi' pejca jiñi chʌntiquil ángelob tsa' bʌ aq'uentiyob i p'ʌtʌlel cha'añ mi' tic'lañob pañimil yic'ot mar,