Lucas 9:51 - Jiñi Tsiji' bʌ Wen T'añ cha'añ Estudio

⁵¹ Che' i yorajlelix mi caj i pʌjyel majlel ti panchan, ti jump'ejl jach i pusic'al tsa' caji ti majlel ti Jerusalén.

Chol de Tumbalá Bible

⁵¹ Che' i yorajlelix che' mux caj i pʌjyel majlel ti panchan, ti jump'ejl jach i pusic'al tsa' caji ti majlel ti Jerusalén.

Jiñi Tsiji' bʌ Wen T'añ cha'añ Estudio

⁵¹ Che' i yorajlelix mi caj i pʌjyel majlel ti panchan, ti jump'ejl jach i pusic'al tsa' caji ti majlel ti Jerusalén.

Chol Tila

⁵¹ Che' lʌc'ʌlix i yorojlel che' mi quejel i pʌjyel letsel ti panchan Jesús ti jump'ej jach i pusic'al ti queji i majlel ti Jerusalén.

Chol: I T’an Dios

⁵¹ Che' i yorajlelix che' mux caj i pʌjyel majlel ti panchan, ti jump'ejl jach i pusic'al tsa' caji ti majlel ti Jerusalén.

Lucas 9:51 Iomraidhean Croise

Marcos 16:19

Lac Yum Jesús che' bʌ tsa' ujti i su'beñob jiñi t'añ, tsa' pʌjyi letsel ti panchan. Tsa' buchle ti' ñoj Dios.

Lucas 12:50

Añ wocol mu' bʌ c wersa ñusan. Ca'bʌl woli c mel pusic'al jinto mi' ts'ʌctiyel.

Lucas 13:22

Tsa' ñumi majlel Jesús ti pejtelel tejclum yic'ot ti xchumtʌl tac. Tsi' cha'le cʌntesa che' woli' majlel ti Jerusalén.

Lucas 17:11

Che' woli' majlel Jesús ti Jerusalén, tsa' ñumi majlel ti lum Samaria yic'ot ti Galilea.

Lucas 18:31

Jesús tsi' pʌyʌ tilel jiñi lajchʌntiquil, tsi' su'beyob: —Awilan, woli lac letsel majlel ti Jerusalén, mi caj i ts'ʌctiyel pejtelel chuqui tac ts'ijbubil i cha'añ x'alt'añob cha'añ i Yalobil Wiñic.

Lucas 19:11

Che' bʌ tsi' yu'biyob ili t'añ, Jesús tsa' caji i su'beñob jump'ejl lajiya, come lʌc'ʌlix añ ti Jerusalén; jiñi wiñicob tsi' lon ña'tayob cha'añ i yumʌntel Dios mi caj i tsictiyel ti ora.

Lucas 19:28

Jesús tsa' ujti i su'b ili t'añ. Tsa' caji ti letsel majlel ti ñaxan ti Jerusalén.

Lucas 24:51

Che' bʌ tsa' ujti i yʌq'ueñob i yutslel i t'añ tsi' cʌyʌyob, tsa' pʌjyi letsel ti panchan.

Lucas 9:57

Che' woli' majlelob ti bij, juntiquil wiñic tsi' su'be Jesús: —C Yum, mi caj c tsajcañet baqui jach ma' majlel, —che'en.

Juan 13:1

Che' lʌc'ʌlix i q'uiñilel Pascua, Jesús yujilix tsa'ix c'oti i yorajlel cha'añ mi' cʌy pañimil, cha'añ mi' majlel ba'añ i Tat, che' bajche' tsi' c'uxbi i cha'año' bʌ ti pañimil, ma'añic tsi' cʌyʌ i c'uxbiñob c'ʌlʌl ti' jilibal.

Juan 16:28

Tsa' loq'uiyon tilel ba'añ c Tat, tsa' tiliyon ti pañimil; wʌle mic cha' cʌy pañimil, come mi caj c cha' majlel ba'añ c Tat, che'en.

Juan 16:5

Pero wʌle mic majlel ba'añ jiñi tsa' bʌ i chocoyon tilel. Mi juntiquileticla woli' la' c'ajtibeñon baqui mic majlel.

Juan 17:11

Mach chʌn añoñix ti pañimil, pero iliyob añob to ti pañimil, joñon cha' talon ba'añet. C Ch'ujutat, cʌntañob ti a c'aba' jiñi xñopt'añob tsa' bʌ a wʌq'ueyon cha'añ mi' yajñelob ti jump'ejl jach i pusic'al che' bajche' joñonla.

Juan 6:62

¿Chuqui mi caj la' wʌl, che' jiñi, mi tsa' la' q'uele i Yalobil Wiñic che' mi' letsel majlel ya' ba' tsa' chumle ti ñaxan?

Hechos 1:2

c'ʌlʌl ti jiñi q'uiñ che' bʌ tsa' pʌjyi letsel Jesús ti panchan, che' bʌ tsa' ujti i yʌq'ueñob mandar ti p'ʌtʌlel ch'ujul bʌ Espíritu jiñi apóstolob yajcʌbilo' bʌ i cha'añ.

Hechos 1:9

Che' bʌ tsa' ujti i laj su'b jiñi t'añ, che' woli to i q'uelob, tsa' pʌjyi letsel, tsa' mʌjqui ti tocal, ma'añix tsi' chʌn q'ueleyob.

Efesios 1:20

tsa' bʌ i c'ʌñʌ i tech ch'ojyel Cristo ba'añ chʌmeño' bʌ, che' bʌ tsi' buchchoco ti' ñoj ya' ti panchan.

Filipenses 3:14

woli c cha'len wersa cha'añ mij c'otel ya' ba' jaxʌl c bijlel, cha'añ mic taj jiñi c'ax uts'at bʌ ti' tojlel Dios jiñi tsa' bʌ i pʌyʌyon ti Cristo Jesús.

1 Timoteo 3:16

Isujm wen ñuc laj cʌntesʌntel ti Dios mach bʌ tsictiyemic ti yam bʌ ora: Dios tsi' pʌsʌ i bʌ ti' bʌc'tal che' bajche' wiñic, tsa' pʌsle ti toj cha'añ jiñi Espíritu, tsa' q'uejli ti' wut ángelob, tsa' sujbi i c'aba' ti' tojlel gentilob, tsa' ñojpi ti pejtelel pañimil, tsa' pʌjyi letsel ti panchan.

Hebreos 12:2

Toj jach yom mi lac tsajcan majlel Jesús jiñi mu' bʌ i yʌq'ueñonla lac ñop, come ya'ʌch ch'oyol lac xuc'tʌlel, jiñʌch mu' bʌ i ts'ʌctesʌbeñonla chuqui mi lac ñop. Jesús ma'añic tsi' xoyo i bijlel ti' tojlel wocol, come tsi' q'uele jiñi tijicña bʌ woli bʌ i pijtan. Jiñi cha'añ tsi' yʌc'ʌ i bʌ ti quisin che' bʌ tsa' chʌmi ti cruz. Jiñi cha'añ wʌle buchul ti' ñoj Dios ya' ti' yumʌntel.

Hebreos 6:20

ba' tsa' ñaxan ochi Jesús cha'añonla, tsa' ochi ti c'ax ñuc bʌ Motomaj lac cha'añ ti pejtelel ora, lajal che' bajche' i motomajil Melquisedec.

1 Pedro 3:22

Tsa'ix majli ti panchan ya' ti' ñoj Dios. Jiñi ángelob yic'ot yumʌlob, yic'ot año' bʌ i p'ʌtʌlel, mi' yumañob Jesús.