Lucas 9:1 - Jiñi Tsiji' bʌ Wen T'añ cha'añ Estudio

¹ Jesús tsi' pʌyʌ tilel jiñi lajchʌntiquil xcʌnt'añob i cha'añ. Tsi' yʌq'ueyob i ye'tel yic'ot i p'ʌtʌlel ti' contra xi'bajob, yic'ot cha'añ mi c'oq'uesañob pejtelel c'am-ʌjel tac.

Chol de Tumbalá Bible

¹ Jesús tsi' pʌyʌ tilel jini lajchʌntiquil xcʌnt'añob i cha'an. Tsi' yʌq'ueyob i ye'tel yic'ot i p'ʌtʌlel ti' contra xibajob, yic'ot ti' contra pejtel c'amʌjel.

Jiñi Tsiji' bʌ Wen T'añ cha'añ Estudio

¹ Jesús tsi' pʌyʌ tilel jiñi lajchʌntiquil xcʌnt'añob i cha'añ. Tsi' yʌq'ueyob i ye'tel yic'ot i p'ʌtʌlel ti' contra xi'bajob, yic'ot cha'añ mi c'oq'uesañob pejtelel c'am-ʌjel tac.

Chol Tila

¹ Jesús ti' pʌyʌ tyʌlel ti docejlel ajcʌnt'añob i cha'an. Ti yʌq'ueyob i p'ʌtyʌlel cha'an mi' choc tyacob loq'uel chʌ bʌ tyac bʌ xibajob yic'ot cha'an i lajmisan c'am'an tyac.

Chol: I T’an Dios

¹ Jesús tsi' pʌyʌ tilel jini lajchʌntiquil xcʌnt'añob i cha'an. Tsi' yʌq'ueyob i ye'tel yic'ot i p'ʌtʌlel ti' contra xibajob, yic'ot ti' contra pejtel c'amʌjel.

Lucas 9:1 Iomraidhean Croise

Mateo 16:19

Jatet mi caj cʌq'ueñet i llavejlel i yumʌntel jiñi am bʌ ti panchan; pejtelel chuqui ma' cʌch wʌ' ti pañimil cʌchbil ja'el ya' ti panchan; pejtelel mu' bʌ a jit wʌ' ti pañimil, jitbil ja'el ya' ti panchan, —che'en Jesús.

Mateo 4:24

Ti pejtelel Siria tsa' caji i yu'biñob ñuc tac bʌ i melbal Jesús. Tsi' pʌyʌyob tilel pejtelel xc'am-ʌjelob yic'ot woli bʌ i melob i pusic'al cha'añ i c'am-ʌjelob ti' chajp ti' chajp yic'ot jiñi año' bʌ i xi'bʌjlel yic'ot año' bʌ i cha'añ juquin chʌmel, yic'ot jiñi mach bʌ añobic i c'ʌjñibal i yoc i c'ʌb. Tsi' laj c'oq'uesayob.

Mateo 8:9

Come joñon ja'el añ c yum mu' bʌ c jac'ben i t'añ yic'ot añ tic wenta ca'bʌl soldadojob. Mic su'ben juntiquil: “Cucu”, mi' majlel; yam bʌ mic su'ben: “La'”, mi' tilel; mic su'ben c wiñic: “Mele jiñi”, mi' mel, che'en jiñi capitán.

Lucas 10:1

Che' ujtemix iliyi, lac Yum tsi' yʌq'ueyob i ye'tel yam bʌ lajchʌntiquil i chʌnc'al (72). Tsi' chocoyob majlel ti cha'cha'tiquil cha'añ mi' majlelob ti ñaxan ti pejtelel tejclum yic'ot xchumtʌl ba' mi caj i majlel Jesús.

Lucas 10:19

La' wilan, mi cʌq'ueñetla la' p'ʌtʌlel cha'añ mi la' t'uchtan lucum yic'ot siñan yic'ot pejtelel i p'ʌtʌlel la' contra, ma'añic chuqui mi caj i tumbeñetla.

Juan 14:12

Isujm, isujm mic su'beñetla, jiñi mu' bʌ i ñopon, mi caj i mel jiñi e'tel mu' bʌ c mel ja'el, ñumen ñuc mi caj i mel che' bajche' tsa' c mele, come joñon mic majlel ba'añ c Tat.

Hechos 1:8

pero mi caj la' wʌq'uentel la' p'ʌtʌlel, che' mi' yochel ti la' pusic'al jiñi Ch'ujul bʌ Espíritu. Ya' ti Jerusalén yic'ot ti pejtelel judea yic'ot ti Samaria c'ʌlʌl ti ñajt bʌ pañimil mi cajel la' su'b chuqui tac tsa' la' q'uele, —che'en Jesús.

Hechos 3:16

Cha'añ ti' c'aba' Jesús mu' bʌ c ñop lojon tsi' taja i p'ʌtʌlel jiñi wiñic mu' bʌ la' q'uel, mu' bʌ la' cʌn; cha'añ ti' caj Jesús mu' bʌ lac ñop tsa' c'oq'uesʌnti jiñi wiñic ti la' tojlel.

Hechos 4:30

Sʌts'ʌ a c'ʌb ti c'oq'uesaya, pʌsʌ ñuc tac bʌ i yejtal a p'ʌtʌlel yic'ot ñuc tac bʌ a melbal ti' c'aba' Ch'ujul bʌ a Walobil Jesús.

Hechos 9:34

Pedro tsi' su'be: —Eneas, Jesucristo woli' lajmesañet. Ch'ojyen, teche a wʌyib. Ti orajach tsa' ch'ojyi.