Lucas 8:3 - Jiñi Tsiji' bʌ Wen T'añ cha'añ Estudio

³ Ya'añ ja'el Juana, i yijñam Chuza, jiñi Chuza xq'uel e'tel i cha'añ Herodes, ya'añ ja'el Susana, yic'ot ca'bʌl yaño' bʌ x'ixicob tsa' bʌ i c'ʌñʌyob i chu'bʌañ cha'añ mi' coltañob.

Chol de Tumbalá Bible

³ Ya'an ja'el Juana, i yijñam Chuza. Jini Chuza xq'uel e'tel i cha'an Herodes. Ya' an ja'el Susana, yic'ot cabʌl yaño' bʌ x'ixicob tsa' bʌ i c'ʌñʌyob i chubʌ'an cha'an mi' we'sañob.

Jiñi Tsiji' bʌ Wen T'añ cha'añ Estudio

³ Ya'añ ja'el Juana, i yijñam Chuza, jiñi Chuza xq'uel e'tel i cha'añ Herodes, ya'añ ja'el Susana, yic'ot ca'bʌl yaño' bʌ x'ixicob tsa' bʌ i c'ʌñʌyob i chu'bʌañ cha'añ mi' coltañob.

Chol Tila

³ Ya'an yic'ot Jesús je'el jini Juana i yijñam bʌ Chuza. Jini Chuza an ti' wenta cha'an i q'uel ajtroñelob ya' ti yotyot ñuc bʌ yumʌl Herodes bʌ i c'aba'. Ti' tsʌcle majlel Jesús je'el Susana yic'ot cabʌl yambʌ x'ixicob tsa' bʌ i cotyʌyob Jesús cha'an ti chʌ bʌ yes yom i cha'an Jesús.

Chol: I T’an Dios

³ Ya'an ja'el Juana, i yijñam Chuza. Jini Chuza xq'uel e'tel i cha'an Herodes. Ya' an ja'el Susana, yic'ot cabʌl yaño' bʌ x'ixicob tsa' bʌ i c'ʌñʌyob i chubʌ'an cha'an mi' we'sañob.

Lucas 8:3 Iomraidhean Croise

Mateo 14:1

Ti jim bʌ ora jiñi yumʌl Herodes Antipas tsa' caji i yu'bin t'añ cha'añ ñuc tac bʌ i melbal Jesús.

Mateo 14:3

Come Herodes añix ora tsi' yʌc'ʌ ti chujquel Juan, tsi' cʌchʌ, tsi' yotsa ti mʌjquibʌl ti' t'añ Herodías, i yijñam i yeran i c'aba' Felipe,

Mateo 14:6

Che' ti' q'uiñilel i ja'bilel Herodes, tsi' cha'le son xch'oc bʌ i yalobil Herodías ti yojlil xq'uiñijelob, jiñi Herodes wen uts'at tsi' q'uele,

Mateo 2:11

Che' bʌ tsa' ochiyob ti otot, tsi' q'ueleyob jiñi alʌl yic'ot María i ña'. Tsi' ñocchocoyob i bʌ cha'añ mi' ch'ujutesañob, che' jiñi tsi' jamʌyob caxate', tsi' yʌq'ueyob i majtañ: Oro, yic'ot xojocña bʌ pom, yic'ot mirra.

Mateo 20:8

Che' iq'uix cajel, i yum ts'usubil tsi' su'be xq'uel e'tel i cha'añ: “Pʌyʌyobix tilel jiñi x'e'telob tojoyobix, ñaxan ma' toj jiñi wi'ilix bʌ tsa' juliyob, ti wi'il ma' toj jiñi ñaxan bʌ tsa' juliyob”, che'en.

Mateo 25:40

Jiñi Rey mi caj i su'beñob: “Isujm mic su'beñetla, che' bʌ tsa' la' colta juntiquil quermañu, anquese mach ñuquic, joñon tsa' la' coltayon”, che'en.

Mateo 26:11

Come ti pejtelel ora añ jiñi p'ump'uño' bʌ la' wic'ot, pero joñon mach ti pejtelelic ora wʌ'añon la' wic'ot.

Mateo 27:55

Ya'añob ca'bʌl x'ixicob woli jach bʌ i ñajti q'uelob, jiñobʌch tsa' bʌ i we'sayob Jesús c'ʌlʌl che' bʌ tsa' loq'ui majlel ti Galilea.

Lucas 24:10

Jiñobʌch María Magdalena, yic'ot Juana, yic'ot María i ña' Jacobo, yic'ot yaño' bʌ x'ixicob tsa' bʌ i su'beyob jiñi apóstolob chuqui tsa' ujti.

Juan 12:6

Tsi' yʌlʌ Judas iliyi mach cha'añic woli i ña'tan i wenlel p'ump'uño' bʌ, che' jach tsi' yʌlʌ come xujch', cʌntʌbil i cha'añ jiñi bolsa ba' tsi' yotsayob taq'uiñ; lamital tsi' loc'sa cha'añ mi' bajñel c'ʌn.

Hechos 13:1

Ya'añob x'alt'añob yic'ot xcʌntesajob ti' tojlel xñopt'añob año' bʌ ti Antioquía: I c'aba'ob Bernabé, yic'ot Simón, jiñi am bʌ i cha'chajplel i c'aba' Niger, yic'ot Lucio ch'oyol bʌ ti Cirene, yic'ot Saulo, yic'ot Manaén, jiñi tsa' bʌ tem coli yic'ot jiñi yumʌl Herodes.

2 Corintios 8:9

Come cʌñʌlix la' cha'añ i yutslel i pusic'al lac Yum Jesucristo, jiñi wen chumul bʌ tsa' ochi ti p'ump'un come c'ux tsi' yu'biyetla, jiñi cha'añ tsa' ochi ti p'ump'un cha'añ wen chumul mi la' wajñel.

Filipenses 4:22

Pejtelel i cha'año' bʌ Dios mi' yʌq'ueñetla cortesía, cojco jiñi año' bʌ ti' yotot César.

1 Timoteo 5:10

Yom mi' tsictiyel ti' tojlel i pi'ʌlob mi añ wen bʌ i melbal: Mi tsi' cosa i yalobilob, mi tsi' cha'le p'untaya, mi tsi' pocbeyob i yoc i cha'año' bʌ Dios, mi tsi' colta jiñi tsa' bʌ i tajayob wocol, mi tsi' yʌc'ʌ i bʌ ti pejtelel wen bʌ i melbal.