Lucas 8:15 - Jiñi Tsiji' bʌ Wen T'añ cha'añ Estudio

¹⁵ Jiñi tsa' bʌ yajli ti wen bʌ lum jiñobʌch mu' bʌ i yu'biñob jiñi t'añ, uts'atob i pusic'al, tojob i pusic'al, mi' lotob jiñi t'añ tsa' bʌ i yu'biyob yic'ot mi' yʌc'ob i wut ti' xuc'tʌlel i pusic'al.

Chol de Tumbalá Bible

¹⁵ Jini tsa' bʌ yajli ti wen bʌ lum jiñʌch mu' bʌ i yubiñob jini t'an. Toj i pusic'al. Uts'at i pusic'al. Mi' lotob jini t'an tsa' bʌ i yubiyob. Mi' yʌc'ob i wut ti' xuc'tilel i pusic'al.

Jiñi Tsiji' bʌ Wen T'añ cha'añ Estudio

¹⁵ Jiñi tsa' bʌ yajli ti wen bʌ lum jiñobʌch mu' bʌ i yu'biñob jiñi t'añ, uts'atob i pusic'al, tojob i pusic'al, mi' lotob jiñi t'añ tsa' bʌ i yu'biyob yic'ot mi' yʌc'ob i wut ti' xuc'tʌlel i pusic'al.

Chol Tila

¹⁵ Pero jini pac' tsa' bʌ p'ajti ti wen bʌ lum, jiñʌch che' bajche' mu' bʌ i wen yubiñob i t'an Dios. Weñʌch i pusic'al. Mi' mulan i ñʌch'tyan jini t'an. Mi' ch'ujbin jini t'an. Xuc'ulob mi yajñel. Jiñʌch mi' wen ac' i wut yubil.

Chol: I T’an Dios

¹⁵ Jini tsa' bʌ yajli ti wen bʌ lum jiñʌch mu' bʌ i yubiñob jini t'an. Toj i pusic'al. Uts'at i pusic'al. Mi' lotob jini t'an tsa' bʌ i yubiyob. Mi' yʌc'ob i wut ti' xuc'tilel i pusic'al.

Lucas 8:15 Iomraidhean Croise

Mateo 24:13

Pero jiñi chʌn xuc'ul bʌ mi yajñel c'ʌlʌl ti' jilibal, mi caj i coltʌntel.

Lucas 11:28

Jesús tsi' su'be: —Ñumen tijicñayob jiñi mu' bʌ i yu'bibeñob i t'añ Dios yic'ot jiñi mu' bʌ i jac'ob, —che'en.

Lucas 6:45

Jiñi wen bʌ wiñic mi' loc'san uts'at tac bʌ ti pusic'al, jiñi jontol bʌ wiñic mi' loc'san jontol tac bʌ ti pusic'al. Come chuqui jach but'ul ti la' pusic'al mi' tsictiyel che' mi la' cha'len t'añ.

Lucas 8:14

Jiñi tsa' bʌ yajli ti ch'ixol jiñobʌch mu' bʌ i yu'biñob jiñi t'añ. Che' añix ora tsi' ñopoyob, mi' caj i c'unte' jilel jiñi año' bʌ ti' pusic'al cha'añ ti' caj añ ca'bʌl i mel pusic'al cha'añ chu'bʌañʌl yic'ot i mulʌntel jiñi am bʌ ti pañimil. Ma'añic mi' yʌc'ob i wut.

Lucas 8:16

Ma'añic majqui mi' tsuc' candil cha'añ ti wi'il mi' mʌc ti p'ejt, mi cha'añic mi' yʌc' ti' ye'bal wʌyibʌl, pero mi' joc'chocon ti' joc'lib cha'añ mi' pʌsbeñob i sʌclel jiñi mu' bʌ i yochelob.

Juan 14:15

Mi c'ux mi la' wu'biñon, mi caj la' jac'beñon c mandar.

Juan 15:10

Mi woli la' jac'beñon c mandar, mi caj c chʌn c'uxbiñetla, che' bajche' tsa' c jac'be i mandar c Tat, woli c chʌn c'uxbintel tic Tat.

Romanos 2:7

Mi caj i taj i cuxtʌlel mach bʌ añic mi' jilel jiñi mu' bʌ i chʌn cha'leñob chuqui uts'at cha'añ yomob i ñuclel, i c'uxbintel yic'ot cha'añ cuxul mi' yajñel ti pejtelel ora;

Romanos 6:22

Pero wʌle che' loc'sʌbiletixla ti' p'ʌtʌlel mulil, yic'ot che' i wiñiquetixla Dios, woli la' taj la' sʌc-esʌntel yic'ot la' cuxtʌlel mach bʌ añic mi' jilel.

Romanos 7:18

Che' jiñi, cujil ma'añic chuqui wen tic pusic'al, anquese com c mel chuqui uts'at, pero ma'añic mi' mejlel c mel.

Romanos 7:4

Che' ja'el jatetla quermañujob, jilemix i p'ʌtʌlel jiñi mandar ti la' tojlel come tsa' chʌmiyetla yic'ot Cristo cha'añ mi la' wochel ti' wenta yam bʌ la' yum. Jiñi lac Yum jiñʌch Cristo tsa' bʌ tejchi loq'uel ba'añ chʌmeño' bʌ, cha'añ mi lac melben i ye'tel Dios.

Romanos 8:25

Mi woli lac pijtan jiñi maxto bʌ laj q'uele, la' lac pijtan ti' xuc'tʌlel lac pusic'al.

1 Corintios 7:19

Come ma'añic chuqui mi' cha'len mi tsepbil o mi mach tsepbilic lac pʌchʌlel. Pero Dios yom cha'añ mi lac jac'ben i mandar.

Efesios 2:8

Come ti' yutslel jach i pusic'al Dios coltʌbiletla cha'añ tsa' la' ñopo; ma'añic tsa' la' bajñel colta la' bʌ, pero la' majtañ jach tilem bʌ ti Dios.

Filipenses 1:11

cha'añ ca'bʌl mi' yʌc' i wut toj bʌ la' pusic'al ti' tojlel Jesucristo, che' jiñi, mi caj i tsictiyel i ñuclel Dios, mi caj i su'bentel wocolix i yʌlʌ.

Colosenses 1:10

cha'añ che' jiñi mi mejlel la' wajñel bajche' yom lac Yum, cha'añ tijicña mi' q'ueletla. Che' jiñi mi caj la' wʌc' la' wut ti wen bʌ la' melbal, mi caj i p'ojlel la' ña'tʌbal ti Dios cha'añ mi la' wen cʌñ.

Colosenses 1:6

tsa' bʌ c'oti ti la' tojlel yic'ot ti pejtelel pañimil, woli' chʌn pujquel ti la' tojlel, woli' chʌn ac' i wut che' bajche' ti jiñi q'uiñ che' bʌ tsa' caji la' wu'bin che' bʌ tsa' la' ch'ʌmbe isujmlel i yutslel i pusic'al Dios.

Hebreos 10:36

yom chʌn xuc'uletla ti' cuchol wocol cha'añ mi la' taj chuqui tac albil i cha'añ Dios che' bʌ tsa'ix la' mele chuqui yom Dios.

Hebreos 2:1

Jiñi cha'añ wersa yom mi lac wen ac' ti lac pusic'al jiñi t'añ tsa' bʌ la cu'bi, ame muq'uic laj cʌy mi mach yʌxʌlic la co.

Santiago 1:4

La' ts'ʌctiyic i p'ʌtʌlel la' pusic'al ti pijt cha'añ uts'at mi la' wajñel, cha'añ mi' ts'ʌctiyel i wenlel la' pusic'al; che' jiñi ma'añic chuqui añ to yom la' cha'añ.

1 Juan 2:3

Mi woli lac jac'ben i mandar Dios, che' jiñi cʌñʌlix lac cha'añ Jesús.