Lucas 8:13 - Jiñi Tsiji' bʌ Wen T'añ cha'añ Estudio

¹³ Jiñi tsa' bʌ coli ti' pam xajlel jiñobʌch mu' bʌ i yu'biñob jiñi t'añ. Ti' tijicñʌyel i pusic'al mi' bʌc' jac'ob, pero ma'añic i wi' ti' pusic'alob. Mi' ñopob jumuc', pero che' mi' yilʌbentelob i pusic'al mi' cha' cʌyob.

Chol de Tumbalá Bible

¹³ Jini año' bʌ ti xajlelol, jiñobʌch mu' bʌ i yubiñob jini t'an. Ti' tijicñʌyel i pusic'al mi' bʌc' jac'ob, pero ma'anic i wi' ti' pusic'al. Mi' poj ñopob, pero che' mi' yilʌbentelob i pusic'al mi' cha' cʌyob.

Jiñi Tsiji' bʌ Wen T'añ cha'añ Estudio

¹³ Jiñi tsa' bʌ coli ti' pam xajlel jiñobʌch mu' bʌ i yu'biñob jiñi t'añ. Ti' tijicñʌyel i pusic'al mi' bʌc' jac'ob, pero ma'añic i wi' ti' pusic'alob. Mi' ñopob jumuc', pero che' mi' yilʌbentelob i pusic'al mi' cha' cʌyob.

Chol Tila

¹³ Ti lajoñel jini pac' tsa' bʌ p'ajti ti xajolel jiñʌch che' bajche' jini mu' bʌ i yubin i t'an Dios. Mi' wen mulan. Pero mach'an tyam i wi' ti i pusic'al yubil. Mi' poj ch'ujbin pero che' mi yubin wocol mi cha' actyan.

Chol: I T’an Dios

¹³ Jini año' bʌ ti xajlelol, jiñobʌch mu' bʌ i yubiñob jini t'an. Ti' tijicñʌyel i pusic'al mi' bʌc' jac'ob, pero ma'anic i wi' ti' pusic'al. Mi' poj ñopob, pero che' mi' yilʌbentelob i pusic'al mi' cha' cʌyob.

Lucas 8:13 Iomraidhean Croise

Marcos 6:20

Come Herodes tsi' bʌc'ña Juan come yujil tojʌch, yujil ch'ujulʌch. Tsi' cʌnta ti uts'at. Che' bʌ tsi' yu'bibe i t'añ Juan ca'bʌl tsa' caji ti t'añ i pusic'al Herodes, pero tsi' mula i yu'biben i t'añ Juan.

Lucas 8:12

Jiñi am bʌ ti ti' bij jiñobʌch mu' bʌ i yu'biñob t'añ, pero mi' tilel xi'ba cha'añ mi' chil loq'uel jiñi t'añ ti' pusic'al cha'añ ma'añic mi' ñopob ame mi' coltʌntelob.

Lucas 8:14

Jiñi tsa' bʌ yajli ti ch'ixol jiñobʌch mu' bʌ i yu'biñob jiñi t'añ. Che' añix ora tsi' ñopoyob, mi' caj i c'unte' jilel jiñi año' bʌ ti' pusic'al cha'añ ti' caj añ ca'bʌl i mel pusic'al cha'añ chu'bʌañʌl yic'ot i mulʌntel jiñi am bʌ ti pañimil. Ma'añic mi' yʌc'ob i wut.

Juan 15:2

Pejtelel i c'ʌb ac' mach bʌ añic mi' yʌc' i wut ti' joñon, mi caj i tsep loq'uel; pejtelel mu' bʌ i yʌc' i wut, mi caj i porajin cha'añ ñumen ca'bʌl mi' yʌc' i wut.

Juan 15:6

Jiñi mach bʌ añic mi' yajñel ti joñon, mi caj i chojquel loq'uel che' bajche' mach bʌ weñic bʌ i c'ʌb ac', mi' tiquin; mi caj i tempʌyel cha'añ mi' chojquel ochel ti c'ajc cha'añ mi' pulel.

Juan 5:35

Lajalʌch Juan bajche' jump'ejl c'ajc woli bʌ ti lejmel mu' bʌ i yʌc' i sʌclel, pero jatetla poj tijicña tsa' la' wu'bi che' bʌ tsa' la' q'uele i sʌclel.

1 Corintios 13:2

Añic j c'ʌjñibal ti subt'añ yic'ot c ña'tʌbal ti pejtelel isujmlel mach bʌ tsictiyemic ti yam bʌ ora, yic'ot pejtelel ña'tʌbalʌl ti pañimil, muq'uic c ñop Dios ti xuc'ul bʌ c pusic'al cha'añ mic tʌts' wits, pero mi ma'añic j c'uxbiya, ma'añic j c'ʌjñibal.

1 Corintios 15:2

mi chʌn xuc'uletla ti jiñi wen t'añ tsa' bʌ c su'beyetla, coltʌbiletixla; pero mi mach isujmic tsa' la' ñopo to'ol jach tsa' la' su'bu la' bʌ ti xñopt'añ.

Gálatas 3:1

¡Sojquemetla añet bʌ la ti Galacia! ¿Majqui tsi' socoyetla cha'añ mi la' cʌy la' jac'ben isujmlel jiñi wen t'añ tsa' bʌ wen su'bentiyetla cha'añ tsa' ch'ijle ti cruz Jesucristo?

Gálatas 3:4

¿Tsa' ba la' to'ol ñusa ca'bʌl wocol cha'añ jiñi wen t'añ? Pero mi cʌl mach to'olic jach.

Efesios 3:17

cha'añ mi' chumtʌl Cristo ti la' pusic'al che' xuc'ul woli la' ñop, cha'añ che' jiñi mi' caj i tam-añ la' wi' yic'ot tsʌts cʌyʌletla ti' c'uxbiya Cristo,

Colosenses 1:23

pero yom chʌn xuc'uletla ti isujm, mi p'ʌtʌletla ti jiñi mu' bʌ la' ñop, mach mi la' cʌy la' pijtaya tsa' bʌ la' wu'bi ti jiñi t'añ woli bʌ i sujbel ti pejtelel pañimil ti' ye'bal panchan; joñon, Pablo, aq'uebilon que'tel cha'añ jiñi wen t'añ.

Colosenses 2:7

yom añ la' wi' ti Cristo, yom wen wa'chocobiletla ti' tojlel yic'ot yom chʌn xuc'uletla ti jiñi tsa' bʌ la' ñopo, che' bajche' tsa' cʌntesʌntiyetla. Chʌn su'benla Dios wocolix i yʌlʌ.

1 Tesalonicenses 3:5

Jiñi cha'añ ma'añic tsa' mejli c chʌn pijtan la' t'añ, tsa' c choco majlel juntiquil cha'añ mi cu'bin mi xuc'ul woli la' ñop, ame tsa'ic i xiq'uiyetla ti mulil jiñi xi'ba, ame lolomic jach que'tel lojon ti la' tojlel.

1 Timoteo 1:19

Chʌn ñopo lac Yum, jac'ʌ jiñi toj bʌ t'añ am bʌ ti a pusic'al, lamital ma'añic tsi' jac'ʌyob i tic'ol i pusic'al, jiñi cha'añ tsi' cʌyʌ i ñopob, tsa' sajtiyob,

Hebreos 10:39

Pero mach lajaloñicla bajche' jiñi mu' bʌ i cha' cʌy i ñopob, mu' bʌ i majlelob ti c'ajc, joñonla mi lac ñop Dios mu' bʌ i coltañ lac ch'ujlel.

Santiago 2:26

Che' loq'uemix lac ch'ujlel ti lac bʌc'tal chʌmeñoñixla, che' ja'el mi to'ol t'añ jach woli lac ñop Dios che' ma'añic wen bʌ lac melbal, chʌmeñoñixla yu'bil come ma'añic mi lac ñop ti' isujm.

2 Pedro 2:20

Che' mi' puts'elob loq'uel wiñicob ti' bi'bi'lel jiñi pañimil, che' mi' cʌñob lac Yum Jesucristo jiñi la caj Coltaya, mi tsa' cha' chujquiyob ti' bi'bi'lel, mi tsa' cha' yajliyob ti mulil, ñumen leco mi' yajñelob ti wi'il che' bajche' ti ñaxan.

2 Pedro 2:22

Tsi' meleyob che' bajche' mi' yʌl jiñi proverbio: “Jiñi ts'i' mi' cha' sujtel i mʌc' i xej, jiñi chitam pocbilix bʌ mi' cha' jujc'un i bʌ ti oc'ol”, che'en.

1 Juan 2:19

Tsa' loq'uiyob majlel ti lac tojlel come mach lac cha'añobic, come lac cha'añobic wʌ' to añob la quic'ot c'ʌlʌl wʌle; pero tsa' loq'uiyob cha'añ mi' tsictiyel mach ti' pejtelelobic lac cha'añob.

Judas 1:12

Leco mi' melob ti la' tojlel ili wiñicob che' mi la' tem cha'len we'el. Mach yujilobic quisin che' mi' c'uxob we'elʌl la' wic'ot; x'e'telobʌch pero mi' bajñel we'sañob i bʌ; lajalob bajche' tocal mach bʌ añic i ya'lel mu' bʌ i wets' ñumel ic'; lajalob bajche' tiquin bʌ te' mach bʌ añic tsi' yʌc'ʌ i wut che' ti' yorajlel, bojquemix, chʌmeñobix ti cha'yajlel.