Lucas 7:19 - Jiñi Tsiji' bʌ Wen T'añ cha'añ Estudio

¹⁹ tsi' chocoyob majlel ba'añ Jesús cha'añ mi' c'ajtibeñob: “¿Jatet ba jiñi woli bʌ c pijtan lojon, o yom toj mic pijtan lojon yam bʌ?”

Chol de Tumbalá Bible

¹⁹ Tsi' chocoyob majlel ba'an lac Yum cha'an mi' c'ajtibeñob: ¿Jatet ba woli bʌ c pijtan lojon, o woli ba c pijtan lojon yambʌ? che'ob.

Jiñi Tsiji' bʌ Wen T'añ cha'añ Estudio

¹⁹ tsi' chocoyob majlel ba'añ Jesús cha'añ mi' c'ajtibeñob: ¿Jatet ba jiñi woli bʌ c pijtan lojon, o yom toj mic pijtan lojon yam bʌ?

Chol Tila

¹⁹ Ti' choco majlel cha'tiquil ba'an Jesús cha'an i c'ajtiben mi melelʌch Cristo jini yajcʌbil bʌ mu' bʌ quejel i tyʌlel o mi yom tyo i bej pijtyan yambʌ.

Chol: I T’an Dios

¹⁹ Tsi' chocoyob majlel ba'an lac Yum cha'an mi' c'ajtibeñob: ¿Jatet ba woli bʌ c pijtan lojon, o woli ba c pijtan lojon yambʌ? che'ob.

Lucas 7:19 Iomraidhean Croise

Marcos 6:7

Ti wi'il tsi' pʌyʌ tilel jiñi lajchʌntiquil, tsa' caji i chocob majlel ti cha'cha'tiquil, tsi' yʌq'ueyob i p'ʌtʌlel ti' contra xi'bajob.

Lucas 10:1

Che' ujtemix iliyi, lac Yum tsi' yʌq'ueyob i ye'tel yam bʌ lajchʌntiquil i chʌnc'al (72). Tsi' chocoyob majlel ti cha'cha'tiquil cha'añ mi' majlelob ti ñaxan ti pejtelel tejclum yic'ot xchumtʌl ba' mi caj i majlel Jesús.

Lucas 11:1

Ti jump'ejl bʌ q'uiñ, Jesús tsa' majli ya' ba' tsi' pejca Dios, che' bʌ tsa' ujti ti oración, juntiquil xcʌnt'añ i cha'añ tsi' su'be: —C Yum, cʌntesañon lojon bajche' yom mic pejcan lojon Dios, che' bajche' Juan tsi' cʌntesa xcʌnt'añob i cha'añ ja'el, —che'en.

Lucas 11:39

Lac Yum tsi' su'be: —Jatetla, fariseojet bʌ la, mi la' wen pocben i pat jiñi vaso yic'ot plato, pero but'ul la' pusic'al ti xujch' yic'ot ca'bʌl jontolil.

Lucas 12:42

Lac Yum tsi' yʌlʌ: —¿Majqui jiñi xuc'ul bʌ xq'uel e'tel am bʌ ca'bʌl i ña'tʌbal tsa' bʌ aq'uenti i ye'tel ti' yum cha'añ mi' yʌq'ueñob i bʌl i ñʌc' jiñi año' bʌ ti' yotot che' ti' yorajlel?

Lucas 13:15

Jiñi cha'añ lac Yum tsi' su'be: —Cha'chajp jax la' pusic'al. ¿Mach ba muq'uic a tic jiñi tat wacax yic'ot a burro ba' cʌchʌl ti' buc'ujib che' ti' q'uiñilel c'aj-o cha'añ ma' pʌy majlel ba' mi' jap ja'?

Lucas 17:5

Jiñi apóstolob tsi' su'beyob lac Yum: —Coltañon lojon cha'añ xuc'ul mic ñopet lojon.

Lucas 17:6

Jiñi cha'añ lac Yum tsi' yʌlʌ: —Añic jax che' wistʌl i xuc'tʌlel la' pusic'al, che' bajche' i bʌc' mostaza, mi mejlel la' su'ben ili sicómoro te': “La' bojquiquet, la' pʌjq'uiquet ti mar”, che' jiñi mi caj i jac'beñet la' t'añ.

Lucas 18:6

Tsi' yʌlʌ lac Yum: U'binla chuqui mi' yʌl jiñi mach bʌ tojic bʌ xmel mulil.

Lucas 19:8

Jiñi cha'añ Zaqueo che' wa'al ti' tojel lac Yum, tsi' su'be: —C Yum, mi caj cʌq'ueñob ojlil c chu'bʌañ jiñi mach bʌ añobic i chu'bʌañ, mi añ tsa' bʌ j chilbe i chu'bʌañ, mi caj c cha' sutq'uiben chʌnyajl i ñumel, —che'en Zaqueo.

Lucas 22:61

Che' bʌ tsi' sutq'ui i bʌ lac Yum, tsi' q'uele Pedro, tsa' c'ajtiyi ti' pusic'al Pedro i t'añ lac Yum tsa' bʌ i wʌn su'be: “Che' maxto añic tsi' cha'le uq'uel tat mut, uxyajl mi caj a wʌl mach a cʌñʌyoñic”.

Lucas 24:34

tsi' yʌlʌyob: —Isujmʌch tsa'ix cha' ch'ojyi lac Yum, tsa'ix i pʌsʌ i bʌ ba'añ Simón.

Lucas 7:13

Che' bʌ tsi' q'uele lac Yum, tsi' p'unta jiñi me'ba' x'ixic, tsi' su'be: —Mach a cha'len uq'uel, —che'en.

Lucas 7:20

Che' bʌ tsa' tiliyob jiñi wiñicob ba'añ Jesús, tsi' su'beyob: —Tsi' chocoyon lojon tilel Juan tsa' bʌ i yʌc'ʌ ch'ʌmja' cha'añ mij c'ajtibeñet lojon mi jatet jiñi mu' bʌ caj i tilel o yom ba mic pijtan lojon yam bʌ.

Juan 11:2

(María jiñʌch tsa' bʌ i boño lac Yum ti perfume, tsa' bʌ i sujcube i yoc ti tsutsel i jol. Ti jump'ejl bʌ q'uiñ tsa' c'am-a Lázaro).

Juan 4:1

Che' bʌ tsi' yu'bi lac Yum chuqui tsi' yʌlʌyob jiñi fariseojob: Jesús ñumen woli' yotsan wiñicob ti xcʌnt'añob i cha'añ yic'ot ñumen woli i yʌc' ch'ʌmja' che' bajche' Juan.

Juan 4:25

Jiñi x'ixic tsi' su'be: —Cujil tal jiñi Mesías, mu' bʌ i pejcʌntel ti Cristo; che' wʌ'ix añ mi caj i tsictesʌbeñonla pejtelel chuqui tac añ, —che'en.

Juan 6:23

Ti jim bʌ ora tsa' c'oti yan tac bʌ barco ch'oyol bʌ ti Tiberias, lʌc'ʌl ba' tsi' c'uxuyob waj che' bʌ tsa' ujti i su'ben wocolix i yʌlʌ lac Yum.

Apocalipsis 11:3

Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uiñ mi caj i cha'leñob subt'añ, lʌpʌl i cha'añob i pislel melbil bʌ ti' tsutsel chivo.