Lucas 6:27 - Jiñi Tsiji' bʌ Wen T'añ cha'añ Estudio

²⁷ Pero mic su'beñetla mu' bʌ la' wu'bin c t'añ: C'uxbin la' contrajob, melbenla chuqui uts'at jiñi mu' bʌ i ts'a'leñetla.

Chol de Tumbalá Bible

²⁷ Pero mic subeñetla mu' bʌ la' wubin c tan: C'uxbin la' contrajob, melbenla chuqui uts'at jini mu' bʌ i ts'a'leñetla.

Jiñi Tsiji' bʌ Wen T'añ cha'añ Estudio

²⁷ Pero mic su'beñetla mu' bʌ la' wu'bin c t'añ: C'uxbin la' contrajob, melbenla chuqui uts'at jiñi mu' bʌ i ts'a'leñetla.

Chol Tila

²⁷ Jesús ti bej alʌ: Pero jatyetla mu' bʌ la' ñʌch'tyañon, mic subeñetla: P'untyan la' contrajob. Cha'liben wen bʌ jini mu' bʌ i ts'a'leñetla.

Chol: I T’an Dios

²⁷ Pero mic subeñetla mu' bʌ la' wubin c tan: C'uxbin la' contrajob, melbenla chuqui uts'at jini mu' bʌ i ts'a'leñetla.

Lucas 6:27 Iomraidhean Croise

Marcos 4:24

Jesús tsi' su'beyob ja'el: —Wen ñʌch'tanla chuqui mu' bʌ la' wu'bin, come che' bajche' mi la' p'isben wiñicob che'ʌch mi caj la' p'isbentel. Ñumen ca'bʌl mi caj la' p'isbentel jatetla mu' bʌ la' wu'bin.

Lucas 23:34

Jesús tsi' yʌlʌ: —C Tat, ñusʌbeñob i mul come mach yujilobic chuqui woli' melob. Tsi' pucbeyob i bʌ i pislel Jesús che' bʌ tsi' cha'leyob yajcaya ti alas.

Lucas 6:22

Tijicñayetla che' mi' ts'a'leñetla wiñicob, che' mi' choquetla, che' mi p'ajetla yic'ot che' mi ts'a'leñob la' c'aba' cha'añ ti' caj tsa' la' ñopo i Yalobil Wiñic.

Lucas 6:35

Pero c'uxbinla la' contrajob, melela chuqui wen yic'ot aq'uenla ti majan; mach mi la' cha'len ña'tʌbal cha'añ mi la' cha' sutq'uibentel, che' jiñi mi caj la' ch'ʌm la' chobejtʌbal yic'ot tsiquil i yalobiletla jiñi C'ax Ñuc Bʌ, come mi' c'uxbin jiñi mach bʌ añobic i yutslel i pusic'al yic'ot jiñi jontolo' bʌ.

Lucas 8:15

Jiñi tsa' bʌ yajli ti wen bʌ lum jiñobʌch mu' bʌ i yu'biñob jiñi t'añ, uts'atob i pusic'al, tojob i pusic'al, mi' lotob jiñi t'añ tsa' bʌ i yu'biyob yic'ot mi' yʌc'ob i wut ti' xuc'tʌlel i pusic'al.

Lucas 8:18

Chʌcʌ q'uele la' bʌ cha'añ mi la' wen u'bin jiñi t'añ, come majqui jach añ i cha'añ mi caj i yʌq'uentel yam bʌ. Majqui jach ma'añic i cha'añ mi caj i laj chilbentel chuqui tac añ i cha'añ, che'en Jesús.

Lucas 8:8

Yam bʌ tsa' yajli ti wen bʌ lum, che' bʌ tsa' coli, tsi' yʌc'ʌ i wut ti jo'jo'c'al ti jujump'ejl”, che'en. Che' bʌ tsa' ujti i su'b ili t'añ, tsi' yʌlʌ ti c'am bʌ t'añ: “Jiñi am bʌ i chiquin cha'añ mi' yu'bin, la' i yu'bin”.

Hechos 10:38

Dios tsi' yajca Jesús jiñi loq'uem bʌ ti Nazaret cha'añ mi yʌq'ueñ Ch'ujul bʌ Espíritu yic'ot i p'ʌtʌlel. Baqui jach tsa' ñumi tsi' mele chuqui uts'at tac, tsi' lajmesa pejtelel jiñi tic'lʌbilo' bʌ i cha'añ xi'ba, come añ Dios yic'ot.

Hechos 16:28

Pero Pablo c'am tsi' cha'le t'añ, tsi' su'be: —Mach a tic'lan a bʌ, umba'añon lojon tic pejtelel lojon.

Hechos 7:60

Ti wi'il tsa' ñocle, c'am tsi' cha'le t'añ: C Yum, mach a wʌq'ueñob ti' wenta ili i mul. Che' bʌ tsa' ujti i yʌl jiñi t'añ, tsa' chʌmi.

Gálatas 6:10

Jiñi cha'añ la' laj coltañ pejtelel wiñicob che' i yorajlel to, pero ñumen yom mi laj coltañ jiñi mu' bʌ i ñopob Cristo.

1 Tesalonicenses 5:15

Q'uele la' bʌ cha'añ ma'añic mi la' q'uextan jontolil; yom mi la' chʌn mel chuqui uts'at yic'ot la' pi'ʌlob yic'ot pejtelel yaño' bʌ.

3 Juan 1:11

C'uxbibilet bʌ, mach a tsajcan jontolil, tsajcan chuqui uts'at. Jiñi mu' bʌ i mel chuqui uts'at i cha'añʌch Dios, pero jiñi mu' bʌ i cha'len jontolil, mach i cʌñʌyic Dios.