Lucas 3:11 - Jiñi Tsiji' bʌ Wen T'añ cha'añ Estudio

¹¹ Juan tsi' jac'ʌ: —Jiñi am bʌ i cha'añ cha'p'ejl i bujc la' i yʌq'ueñ jiñi mach bʌ añic i cha'añ. Jiñi am bʌ i bʌl i ñʌc' che'ʌch yom mi' mel ja'el, —che'en.

Chol de Tumbalá Bible

¹¹ Juan tsi' jac'ʌ: Jini am bʌ i cha'an cha'p'ejl i bujc la' i yʌq'uen jump'ejl jini mach bʌ anic i cha'an. Jini am bʌ i we'el che'ʌch yom mi' mel ja'el, che'en.

Jiñi Tsiji' bʌ Wen T'añ cha'añ Estudio

¹¹ Juan tsi' jac'ʌ: —Jiñi am bʌ i cha'añ cha'p'ejl i bujc la' i yʌq'ueñ jiñi mach bʌ añic i cha'añ. Jiñi am bʌ i bʌl i ñʌc' che'ʌch yom mi' mel ja'el.

Chol Tila

¹¹ Juan ti' jac'beyob: Jini am bʌ i cha'an cha'pojch' i bujc yom i yʌq'uen jumpojch' jini mach'ʌ ba'an i cha'an. Jini am bʌ i cha'an i yuch'el yom i yʌq'uen jini mach'ʌ ba'an chʌ bʌ mi' c'uxe'. Che' ti' jac'ʌ Juan.

Chol: I T’an Dios

¹¹ Juan tsi' jac'ʌ: Jini am bʌ i cha'an cha'p'ejl i bujc la' i yʌq'uen jump'ejl jini mach bʌ anic i cha'an. Jini am bʌ i we'el che'ʌch yom mi' mel ja'el, che'en.

Lucas 3:11 Iomraidhean Croise

Mateo 25:40

Jiñi Rey mi caj i su'beñob: “Isujm mic su'beñetla, che' bʌ tsa' la' colta juntiquil quermañu, anquese mach ñuquic, joñon tsa' la' coltayon”, che'en.

Lucas 11:41

Aq'ueñob p'ump'uño' bʌ chuqui añ la' cha'añ, che' jiñi sʌc ti' pejtelel chuqui mi caj a q'uel.

Lucas 18:22

Che' bʌ tsi' yu'bi jiñi t'añ, Jesús tsi' su'be: —Añ to yom ma' mel yam bʌ junchajp, choño pejtelel a chu'bʌañ, aq'uen jiñi mach bʌ añobic i chu'bʌañ, che' jiñi, mi caj a taj ca'bʌl a chu'bʌañ ti panchan. La' tsajcañon, —che'en.

Lucas 19:8

Jiñi cha'añ Zaqueo che' wa'al ti' tojel lac Yum, tsi' su'be: —C Yum, mi caj cʌq'ueñob ojlil c chu'bʌañ jiñi mach bʌ añobic i chu'bʌañ, mi añ tsa' bʌ j chilbe i chu'bʌañ, mi caj c cha' sutq'uiben chʌnyajl i ñumel, —che'en Zaqueo.

Juan 13:29

Come Judas jiñʌch jiñi mu' bʌ i cʌntan jiñi taq'uiñ, jiñi cha'añ lamital tsi' ña'tayob cha'añ Jesús woli i su'ben i mʌn chuqui tac yom cha'añ q'uiñijel, tsi' cha' ña'tayob tic'ʌl mi' tsi' su'be i yʌq'ueñ taq'uiñ jiñi mach bʌ añobic i chu'bʌañ.

Hechos 10:2

Tsi' ch'ujutesa Dios jiñi wiñic. Tsi' bʌc'ña Dios yic'ot pejtelel año' bʌ ti' yotot. Tsi' yʌq'ueyob ca'bʌl i majtañ jiñi p'ump'uño' bʌ yic'ot ti pejtelel ora tsi' pejca Dios ti oración.

Hechos 10:31

tsi' su'beyon: “Cornelio, tsa'ix i yu'bi Dios a woración, yujilix Dios pejtelel uts'at bʌ a melbal, che' bʌ tsa' wʌq'ue i majtañ jiñi p'ump'uño' bʌ.

Hechos 10:4

Cornelio tsi' ch'ujch'uj q'uele yic'ot tsi' cha'le bʌq'uen che' bʌ tsi' q'uele jiñi ángel. Tsi' su'be: —¿Chuqui awom c Yum? —Che'en. Jiñi ángel tsi' su'be: —Jiñi a woración yic'ot i majtañ tac jiñi p'ump'uño' bʌ mu' bʌ a wʌq'ueñob woli' ña'tʌntel ti Dios.

Efesios 4:28

Jiñi tsa' bʌ i cha'le xujch' mach i chʌn cha'len, la'ix i cha'len e'tel, la'ix i c'ʌn i c'ʌb cha'añ wen bʌ i ye'tel, che' jiñi mi mejlel i yʌq'ueñ i chu'bʌañ jiñi añ to bʌ yom i cha'añ.

1 Timoteo 6:17

Ixcu jiñi año' bʌ ca'bʌl i chu'bʌañ ti pañimil, tsʌts ma' su'beñob cha'añ ma'añic mi' chañ-esañob i bʌ, cha'añ ma'añic mi' yʌc'ob ti' pusic'al i chu'bʌañ yujil bʌ jilel, su'beñob cha'añ mi' chʌn ñopob jiñi cuxul bʌ Dios mu' bʌ i wen aq'ueñonla pejtelel chuqui tac yom cha'añ mi la cu'bin lac tijicñʌyel.

1 Timoteo 6:18

Su'beñob cha'añ mi' melob chuqui uts'at, cha'añ mi' p'ojlel wen bʌ i melbal, mach yomic chʌcob, yom mi' coltañob yaño' bʌ yic'ot i chu'bʌañ.

Hebreos 6:10

come Dios mach jontolic, mach ñajʌyic i cha'añ jiñi wen bʌ la' melbal yic'ot la' c'uxbiya, come ti' c'aba' Dios tsa' la' colta i cha'año' bʌ, c'ʌlʌl wʌle woli to la' coltañob.

Santiago 1:27

Jiñi mu' bʌ i ch'ujutesan Dios ti isujm, mach bʌ añic i bi'bi'lel ti' tojlel Dios lac Tat, jiñʌch iliyi: Mu' bʌ i coltañ me'ba' alobob yic'ot me'ba' x'ixicob che' ti yorajlel wocol, mi' chʌcʌ q'uel i bʌ cha'añ ma'añic mi mel che' bajche' jiñi año' bʌ ti pañimil.

Santiago 2:14

Quermañujob, ¿chuqui i c'ʌjñibal mi añ majqui mi' lon al woli' ñop Dios che' ma'añic mi' pʌs wen bʌ i melbal? ¿Mu' ba i taj i coltʌntel ti ñopbal?

1 Juan 3:17

Pero jiñi am bʌ i chu'bʌañ ti pañimil, che' mi q'uel i yermañu añ to chuqui yom i cha'añ, che' bʌ ma'añic mi coltañ ¿bajche' mi' yajñel i c'uxbiya Dios ti' pusic'al?

1 Juan 4:20

Mi añ mu' bʌ i yʌl: Wolij c'uxbin Dios, pero mi woli' ts'a'len i yermañu, xlotʌch, come mi mach c'uxic mi yu'bin i yermañu woli bʌ i q'uele, ¿bajche' mi mejlel i c'uxbin Dios mach bʌ añic tsi' q'uele?