Lucas 24:47 - Jiñi Tsiji' bʌ Wen T'añ cha'añ Estudio

⁴⁷ yic'ot wersa mi' su'bentelob wiñicob x'ixicob ti pejtelel pañimil cha'añ mi' cʌyob i mul ti' c'aba' Cristo cha'añ mi' ñusʌbentelob i mul. Ya' ti Jerusalén mi caj i tejchel ti sujbel jiñi t'añ.

Chol de Tumbalá Bible

⁴⁷ Wersa mi' subentelob winicob x'ixicob ti pejtelel lum cha'an mi' cʌyob i mul ti' c'aba' Cristo cha'an mi' ñusʌbentelob i mul. Ya' ti Jerusalén mi caj i tejchel ti sujbel jini t'an.

Jiñi Tsiji' bʌ Wen T'añ cha'añ Estudio

⁴⁷ yic'ot wersa mi' su'bentelob wiñicob x'ixicob ti pejtelel pañimil cha'añ mi' cʌyob i mul ti' c'aba' Cristo cha'añ mi' ñusʌbentelob i mul. Ya' ti Jerusalén mi caj i tejchel ti sujbel jiñi t'añ.

Chol Tila

⁴⁷ Ti i c'aba' Cristo mi wersa quejel i sub majlel t'an ba'an jujunmujch' quixtyañujob. Mi quejel i subob ñaxan wʌ' ti Jerusalén. Mi subentyel cha'an yom i q'uextyan i pensal i cʌyob i mul cha'an mi ñusʌbentyel i mul. Chʌ'ʌch ts'ijbubil ti ñoj oniyix. Che' ti' tyaja i bʌ ti t'an Jesús.

Chol: I T’an Dios

⁴⁷ Wersa mi' subentelob winicob x'ixicob ti pejtelel lum cha'an mi' cʌyob i mul ti' c'aba' Cristo cha'an mi' ñusʌbentelob i mul. Ya' ti Jerusalén mi caj i tejchel ti sujbel jini t'an.

Lucas 24:47 Iomraidhean Croise

Mateo 28:19

Jiñi cha'añ, cucula, sutq'uinla ti xcʌnt'añob wiñicob x'ixicob ti pejtelel pañimil. Aq'uenla ch'ʌmja' ti' c'aba' lac Tat, ti' c'aba' i Yalobil, yic'ot ti' c'aba' Ch'ujul bʌ Espíritu;

Mateo 3:2

tsi' yʌlʌ: Cʌyʌx la' mul come lʌc'ʌlix i yumʌntel jiñi am bʌ ti panchan, che'en.

Mateo 9:13

Cucula, ñopola isujmlel jiñi t'añ: “Com mi la' cha'len p'untaya, mach comic mi la' wʌq'ueñon c majtañ”. Come ma'añic tsa' tili c pʌy jiñi tojo' bʌ i pusic'al, jiñi jach xmulilob cha'añ mi' cʌyob i mul.

Lucas 13:34

Jerusalén, Jerusalén, mu' bʌ a tsʌnsan x'alt'añob, mi la' jul ti xajlel jiñi chocbilo' bʌ tilel ba'añetla. Añix ca'bʌl tsa' c ñopo c tempan la' walobilob che' bajche' mi' luts' i yal jiñi xña'a mut, pero mach la' womic.

Hechos 10:43

Pejtelel x'alt'añob tsi' su'buyob mi caj i ñusʌbentelob i mul ti' c'aba' Jesús pejtelel mu' bʌ i ñopob.

Hechos 11:18

Che' bʌ tsi' yu'bibeyob i t'añ, ñʌch'ʌl tsa' cʌleyob, tsi' su'buyob i ñuclel Dios, tsi' yʌlʌyob: —Dios tsa'ix i yʌq'ueyob gentilob ja'el i cʌyob i mul cha'añ mi' tajob i cuxtʌlel.

Hechos 13:46

Jiñi cha'añ Pablo yic'ot Bernabé ch'ejlob i pusic'al, tsi' su'buyob: —Isujm jatetla wersa tsa' ñaxan su'bentiyetla i t'añ Dios; pero tsa'ix la' q'uele ti lolom, woli la' ñusan la' cuxtʌlel mach bʌ añic mi' jilel, jiñi cha'añ muq'uix c majlel lojon ba'añ gentilob,

Hechos 2:38

Pedro tsi' su'beyob: —Cʌyʌx la' mul, ch'ʌmʌxla ja' ti jujuntiquiletla ti' c'aba' Jesucristo, cha'añ mi' ñusʌntel la' mul; che' jiñi mi caj la' wʌq'uentel Ch'ujul bʌ Espíritu ti la' majtañ.

Hechos 20:21

Tsa' c su'beyob judíojob yic'ot gentilob cha'añ mi' cʌyob i mul cha'añ mi' ñopob Dios. Tsa' c su'beyob cha'añ mi' ñopob lac Yum Jesucristo.

Hechos 26:18

cha'añ ma' cambeñob i wut, cha'añ mi' sutq'uiñob i bʌ jiñi año' bʌ ti ic'yoch'an bʌ pañimil, cha'añ mi' yajñelob ti' sʌclel pañimil; mic choquet majlel cha'añ mi' loq'uelob ti' p'ʌtʌlel Satanás, cha'añ mi' yochelob ti' p'ʌtʌlel Dios; cha'añ mi' ñusʌbentelob i mul che' mi' ñopoñob, cha'añ i tem cha'añob jach jiñi mu' bʌ caj i yʌq'ueñtelob yic'ot jiñi sʌc-esʌbilo' bʌ”.

Hechos 26:20

ñaxan tsa' c su'beyob jiñi año' bʌ ti Damasco yic'ot ti Jerusalén yic'ot ti pejtelel Judea. Ti wi'il tsa' c su'be gentilob cha'añ mi' cʌyob i mul cha'añ mi' sutq'uiñob i bʌ cha'añ mi' ñopob Dios, tsa' c su'beyob cha'añ mi' melob chuqui wen, cha'añ mi' tsictiyel tsa'ix i cʌyʌyob i mul.

Hechos 28:28

Ña'tanla che' jiñi, wolix i sujbel ba'añ gentilob jiñi laj coltʌntel ch'oyol bʌ ti Dios. Jiñi gentilob mi caj i ñʌch'tañob, che'en Pablo.

Hechos 3:19

Jiñi cha'añ cʌyʌ la' mul, sutq'uin la' bʌ cha'añ mi' ñusʌntel la' mul, cha'añ mi la' taj c'aj-o ti' tojlel lac Yum,

Hechos 4:12

Ma'añic laj coltʌntel ti yam bʌ, come ma'añic yam bʌ ti' ye'bal panchan aq'uebilo' bʌ wiñicob mu' bʌ mejlel i coltañonla.

Hechos 5:31

Dios tsi' yʌq'ue i ñuclel ya' ti' ñoj. Come Ñuc bʌ Yumʌlʌch, xColtayajʌch, cha'añ mi' yʌq'ueñob i cʌy i mul jiñi israelob yic'ot cha'añ mi' ñusʌbentelob i mul.

Romanos 5:20

Tsa' tili mandar cha'añ mi' tsictiyel woli' p'ojlel mulil, pero che' bʌ tsa' p'ojli mulil, ñumen ca'bʌl tsa' p'ojli i yutslel i pusic'al Dios.

Efesios 1:6

cha'añ mi lac su'b i ñuclel Dios cha'añ i yutslel i pusic'al tsa' bʌ i yʌq'ueyonla ti lac majtañ ti' tojlel c'uxbibil bʌ i Yalobil.

Efesios 3:8

Anquese joñon mach ñucoñic che' bajche' yaño' bʌ i cha'año' bʌ Dios, pero tsa' aq'uentiyon que'tel ti' yutslel Cristo cha'añ mic su'beñob gentilob jiñi wen t'añ, cha'añ mi' cʌmbeñob i ñuclel Cristo maxto bʌ laj cʌmbilic lac cha'añ,

Colosenses 1:27

Dios tsi' ña'ta i yʌc' ti cʌjñel ti' tojlel pejtelel wiñicob x'ixicob jiñi c'ax ñuc bʌ isujmlel mach bʌ tsictiyemic ti yam bʌ ora; jiñi ñuc bʌ ti cʌñol jiñʌch Cristo woli bʌ i yajñel ti la' pusic'al, jiñʌch mu' bʌ i yʌq'ueñetla la' pijtan la' ñuclel.

1 Juan 2:12

woli c ts'ijbubeñetla calobilob, come ñusʌbilix la' mul cha'añ ti c'aba' Jesús.