Lucas 16:16 - Jiñi Tsiji' bʌ Wen T'añ cha'añ Estudio

¹⁶ Tsa' sujbi mandar yic'ot i t'añ tac x'alt'añob jinto tsa' tili Juan, wʌle wolix i sujbel i yumʌntel Dios; pejtelel wiñicob x'ixicob mi' cha'leñob wersa cha'añ mi' yochelob.

Chol de Tumbalá Bible

¹⁶ Tsa' sujbi mandar yic'ot i t'an tac x'alt'añob jinto tsa' tili Juan. Wʌle wolix i sujbel i yumʌntel Dios. Pejtelel winicob x'ixicob mi' cha'leñob wersa cha'an mi' yochelob.

Jiñi Tsiji' bʌ Wen T'añ cha'añ Estudio

¹⁶ Tsa' sujbi mandar yic'ot i t'añ tac x'alt'añob jinto tsa' tili Juan, wʌle wolix i sujbel i yumʌntel Dios; pejtelel wiñicob x'ixicob mi' cha'leñob wersa cha'añ mi' yochelob.

Chol Tila

¹⁶ C'ʌlʌ jintyo ti tyʌli Juan jin jach ti sujbi i mandar Moisés yic'ot i t'an jini tsa' bʌ i xiq'ui yʌle' Dios. Pero che' ti jim bʌ ora che' ñac ti tyʌli Juan ti queji i sujbel jini wen bʌ t'an cha'an bajche' mi' cha'len yumʌl Dios. Ti pejtyelel quixtyañujob mu' bʌ i yochel mi' cha'leñob wersa cha'an ochicob ti jini tsiji' bʌ t'an.

Chol: I T’an Dios

¹⁶ Tsa' sujbi mandar yic'ot i t'an tac x'alt'añob jinto tsa' tili Juan. Wʌle wolix i sujbel i yumʌntel Dios. Pejtelel winicob x'ixicob mi' cha'leñob wersa cha'an mi' yochelob.

Lucas 16:16 Iomraidhean Croise

Mateo 10:7

Che' woli la' majlel, su'bula jiñi wen t'añ: “Lʌc'ʌlix i yumʌntel jiñi am bʌ ti panchan”, che'etla.

Mateo 15:11

Mach jiñic mi' bi'b-esan wiñic chuqui tac mi' yochel ti' yej, pero pejtelel mu' bʌ i loq'uel ti' yej, jiñʌch mu' bʌ i bi'b-esan, che'en.

Mateo 21:32

Come Juan tsa' tili ba'añetla, tsa' ajñi ti toj bʌ bij, pero ma'añic tsa' la' ñopbe i t'añ, pero jiñi xch'ʌm tojoñelob yic'ot jiñi xts'i'lel x'ixicob tsi' ñopbeyob i t'añ. Pero jatetla anquese tsa' la' q'uele che' bajche' tsi' cʌyʌyob i mul, pero ma'añic tsa' la' cʌyʌ la' mul cha'añ mi la' ñopben i t'añ ti wi'il, —che'en Jesús.

Mateo 3:2

tsi' yʌlʌ: Cʌyʌx la' mul come lʌc'ʌlix i yumʌntel jiñi am bʌ ti panchan, che'en.

Mateo 4:17

Ti jim bʌ ora tsa' caji ti subt'añ Jesús. Tsi' yʌlʌ: Cʌyʌx la' mul come lʌc'ʌlix i yumʌntel jiñi am bʌ ti panchan, che'en.

Mateo 4:23

Jesús tsa' ñumi majlel ti pejtelel Galilea, tsi' cha'le cʌntesa ti' sinagoga tac judíojob. Tsi' su'bu jiñi wen t'añ cha'añ i yumʌntel Dios. Tsi' lajmesa pejtelel c'am-ʌjel tac yic'ot pejtelel i wocol wiñicob x'ixicob.

Marcos 1:14

Ti wi'il che' bʌ ñup'ul Juan ti mʌjquibʌl tsa' tili Jesús ti Galilea, tsi' su'bu jiñi wen t'añ cha'añ i Yumʌntel Dios.

Marcos 1:45

Che' bʌ tsa' majli jiñi wiñic tsa' bʌ c'oq'uesʌnti, ca'bʌl tsa' caji i su'b chuqui tsa' ujti, tsi' pucu majlel jiñi t'añ, jiñi cha'añ ma'añic tsa' mejli ti ochel Jesús ti tejclum che' bʌ woli' q'uelob wiñicob x'ixicob; ya' jach tsa' ajñi ti tiquiñal pañimil; tsa' tiliyob ba'añ Jesús wiñicob x'ixicob ch'oyolo' bʌ ti pejtelel lum.

Lucas 10:11

“Jiñi ts'u'bejn tsa' bʌ i toybeyon lojon coc ti la' tejclum mic tijcan lojon loq'uel cha'añ i yejtal la' contrajintel, pero ña'tanla tsa'ix juli i yumʌntel Dios ti la tojlel”.

Lucas 10:9

Mi añ xc'am-ʌjelob ya' ba' mi la' wochel, c'oq'uesanla, su'benla: “Tsa'ix juli i yumʌntel Dios wʌ' ba'añetla”.

Lucas 16:29

Abraham tsi' su'be: “Añ i cha'añob i juñ Moisés yic'ot x'alt'añob, la' i yu'bibeñob i t'añ”, che'en.

Lucas 16:31

Pero Abraham tsi' su'be: “Mi ma'añic mi' jac'beñob i t'añ Moisés yic'ot x'alt'añob, mach muq'uic i ñopob ja'el anquese mi' ch'ojyel loq'uel juntiquil ba'añ chʌmeño' bʌ”.

Lucas 9:2

Tsi' chocoyob majlel cha'añ mi' su'bob jiñi wen t'añ cha'añ i yumʌntel Dios, yic'ot cha'añ mi' c'oq'uesañob jiñi xc'am-ʌjelob.

Juan 1:45

Felipe tsi' taja Natanael, tsi' su'be: —Tsa'ix c taja lojon jiñi ts'ijbubil bʌ i cha'añ Moisés ti jiñi mandar, yic'ot ti' ts'ijbujel x'alt'añob; jiñʌch Jesús i yalobil bʌ José, ch'oyol bʌ ti Nazaret, —che'en.

Juan 11:48

Mi che' jach mi laj q'uel, mi caj i ñopob pejtelel wiñicob x'ixicob, mi caj i tilelob romanojob, mi caj i jisañob lac templo yic'ot lac lumal.

Juan 12:19

Jiñi fariseojob tsa' caji i su'beñob i bʌ: —La' wilan, ma'añic chuqui mi caj i mejlel lac cha'añ come ti pejtelel pañimil woli' tsajcañob Jesús.

Juan 5:4

[Come i tilel mi' ju'bel tilel juntiquil ángel ti' ts'ʌmibʌl cha'añ mi' ñijcan ja'. Majqui jach mi' ñaxan ochel che' mi' ñijcʌntel jiñi ja', mi' lajmel pejtelel i c'am-ʌjel.]

Hechos 3:18

Pero Dios tsi' ts'ʌctesa i t'añ tsa' bʌ wʌn sujbi ti' yej pejtelel x'alt'añob: cha'añ Cristo wersa mi' caj i yu'bin wocol.