Lucas 15:22 - Jiñi Tsiji' bʌ Wen T'añ cha'añ Estudio

²² I tat tsi' su'be x'e'telob i cha'añ: “Ch'ʌmʌla tilel jiñi ñumen uts'at bʌ bujcʌl, xojbenla, otsʌbenla mʌtc'ʌbʌl ti' c'ʌb yic'ot xʌñʌbʌl ti yoc.

Chol de Tumbalá Bible

²² I tat tsi' sube x'e'telob i cha'an: “Ch'ʌmʌla tilel jini ñumen uts'at bʌ bujcʌl. Xojbenla. Otsʌbenla mʌtc'ʌbʌl ti' c'ʌb yic'ot xʌñʌbʌl ti' yoc.

Jiñi Tsiji' bʌ Wen T'añ cha'añ Estudio

²² I tat tsi' su'be x'e'telob i cha'añ: “Ch'ʌmʌla tilel jiñi ñumen uts'at bʌ bujcʌl, xojbenla, otsʌbenla mʌtc'ʌbʌl ti' c'ʌb yic'ot xʌñʌbʌl ti yoc.

Chol Tila

²² Pero i tyat ti' sube i yajtoñelob: Ch'ʌmʌ tyʌlel ti saj ora jach jini más wen bʌ pislel. Wa' xojbenla i pislel. Aq'uenla i sortija. Aq'uenla i zapatos, che'en. [Sortija yom i yʌle' mʌpc'a'.]

Chol: I T’an Dios

²² I tat tsi' sube x'e'telob i cha'an: “Ch'ʌmʌla tilel jini ñumen uts'at bʌ bujcʌl. Xojbenla. Otsʌbenla mʌtc'ʌbʌl ti' c'ʌb yic'ot xʌñʌbʌl ti' yoc.

Lucas 15:22 Iomraidhean Croise

Lucas 15:21

I yalobil tsi' su'be: “C tat, tsa'ix c cha'le mulil ti' contra jiñi am bʌ ti panchan yic'ot ti a tojlel; mach uts'aticon cha'añ mic chʌn pejcʌntel ti a walobil”, che'en.

Lucas 15:23

Pʌyʌla tilel jiñi jujp'em bʌ alʌ tat wacax, tsʌnsanla, la' laj c'ux, la' lac cha'len q'uiñijel.

Romanos 13:14

Ña'tanla, ajñenla ti uts'at che' bajche' i cuxtʌlel lac Yum Jesucristo, mach yomic mi la' chʌn mel chuqui yom la' tsucul pusic'al.

Romanos 3:22

Tsa' tsictiyi ja'el toj bʌ i pusic'al Dios che' mi lac ñop Jesucristo, pejtelel mu' bʌ i ñopob Jesucristo, mi' yʌq'ueñtelob toj bʌ i pusic'al, come Dios mach jelchojquic mi' q'uel wiñicob x'ixicob,

Romanos 8:15

Ma'añic tsa' aq'uentiyetla espíritu mu' bʌ i yotsañetla ti mozo cha'añ mi la' cha' ajñel ti' bʌq'uen; Dios tsi' yʌq'ueyetla i yEspíritu, cha'añ mi la' wochel ti yalobil, jiñi cha'añ mi la cʌl: ¡Abba, c Tat!

Gálatas 3:27

Ti pejteletla tsa' bʌ ochiyetla ti ch'ʌmja' ti Cristo, wolix la' mel che' bajche' Cristo.

Efesios 6:15

yic'ot yom chajpʌbil la' woc cha'añ mi la' majlel yic'ot jiñi wen t'añ mu' bʌ i yuts-esan lac pusic'al yic'ot Dios.

Apocalipsis 19:8

Tsa'ix aq'uenti i lʌp wen uts'at bʌ sʌsʌc pisil i c'aba' lino, sʌsʌc jax bʌ, che'en. (Come jiñi wen uts'at bʌ pisil jiñʌch i yejtal toj bʌ i melbal i cha'año' bʌ Dios).

Apocalipsis 2:17

Jiñi am bʌ i chiquin la' i yu'biben i t'añ jiñi Espíritu mu' bʌ i su'ben xñopt'añob. Jiñi mu' bʌ i mʌjlel i cha'añ mi caj cʌq'uen i c'ux mucul bʌ maná, mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba', ma'añic majqui yujil chuqui otsʌbil, cojach jiñi mu' bʌ i ch'ʌm”.

Apocalipsis 3:18

Mic su'beñetla cha'añ mi la' mʌn oro tic tojlel sʌc-esʌbil bʌ ti c'ajc, cha'añ wen chumul mi la' wajñel, mʌñʌla wen sʌsʌc bʌ la' pislel cha'añ mi la' lʌp, ame quisintiquic mi la' wu'bin che' pits'il mi la' q'uejlel, chʌjq'uesan la ochel i ts'ʌcal la wut cha'añ mi' c'otel.

Apocalipsis 6:11

Che' jiñi, ti jujuntiquil tsa' aq'uentiyob sʌsʌc bʌ i bujc wen pʌl bʌ. Tsa' su'bentiyob yom to mi' c'ajob i yoj jinto mi' laj julelob i pi'ʌlob ti e'tel yic'ot i yermañujob mu' bʌ caj i tsʌnsʌntelob ja'el.

Apocalipsis 7:9

Awilan, ti wi'il tsa' j q'uele motocñayob wiñicob x'ixicob. Ma'añic majqui tsa' mejli i tsicob, ch'oyolob ti pejtelel tejclum tac, ti jujunmojt wiñicob, ti pejtelel lum yic'ot ti pejtelel t'añ tac. Wa'alob ti' tojel i buchlib Dios, ti' tojlel jiñi Tʌñʌme', lʌpʌl i cha'añob pʌl bʌ i bujc sʌsʌc bʌ, añ i yopol xañ ti' c'ʌb.