Lucas 12:42 - Jiñi Tsiji' bʌ Wen T'añ cha'añ Estudio

⁴² Lac Yum tsi' yʌlʌ: —¿Majqui jiñi xuc'ul bʌ xq'uel e'tel am bʌ ca'bʌl i ña'tʌbal tsa' bʌ aq'uenti i ye'tel ti' yum cha'añ mi' yʌq'ueñob i bʌl i ñʌc' jiñi año' bʌ ti' yotot che' ti' yorajlel?

Chol de Tumbalá Bible

⁴² Lac Yum tsi' yʌlʌ: ¿Majqui jini xuc'ul bʌ xq'uel e'tel am bʌ cabʌl i ña'tʌbal? Jini xq'uel e'tel tsa' aq'uenti i ye'tel ti' yum cha'an mi' yʌq'ueñob i bʌl i ñʌc' jini año' bʌ ti' yotot che' ti' yorajlel.

Jiñi Tsiji' bʌ Wen T'añ cha'añ Estudio

⁴² Lac Yum tsi' yʌlʌ: —¿Majqui jiñi xuc'ul bʌ xq'uel e'tel am bʌ ca'bʌl i ña'tʌbal tsa' bʌ aq'uenti i ye'tel ti' yum cha'añ mi' yʌq'ueñob i bʌl i ñʌc' jiñi año' bʌ ti' yotot che' ti' yorajlel?

Chol Tila

⁴² Lac Yum ti' sube: ¿Majchqui jini xuc'ul bʌ ajcʌñʌtyaya troñelob mu' bʌ i ña'tyan bajche' mi' cha'len i troñel i yum? I yum mi' cʌye' ti i wenta pejtyelel am bʌ ti yotyot cha'an i lu' aq'ueñob i yuch'el ti i yorojlel.

Chol: I T’an Dios

⁴² Lac Yum tsi' yʌlʌ: ¿Majqui jini xuc'ul bʌ xq'uel e'tel am bʌ cabʌl i ña'tʌbal? Jini xq'uel e'tel tsa' aq'uenti i ye'tel ti' yum cha'an mi' yʌq'ueñob i bʌl i ñʌc' jini año' bʌ ti' yotot che' ti' yorajlel.

Lucas 12:42 Iomraidhean Croise

Mateo 13:52

Jesús tsi' su'beyob: —Pejtelel xts'ijbaya wen cʌntesʌbil bʌ ti isujmlel i yumʌntel jiñi am bʌ ti panchan lajalʌch bajche' juntiquil tatʌl ti otot, mu' bʌ i loc'san ti' yajñib i chu'bʌañ tsiji' bʌ yic'ot jiñi ñoxix bʌ, —che'en.

Mateo 20:8

Che' iq'uix cajel, i yum ts'usubil tsi' su'be xq'uel e'tel i cha'añ: “Pʌyʌyobix tilel jiñi x'e'telob tojoyobix, ñaxan ma' toj jiñi wi'ilix bʌ tsa' juliyob, ti wi'il ma' toj jiñi ñaxan bʌ tsa' juliyob”, che'en.

Lucas 12:43

Tijicña jiñi x'e'tel uts'at bʌ woli' mel i ye'tel che' mi' julel i yum.

Lucas 7:13

Che' bʌ tsi' q'uele lac Yum, tsi' p'unta jiñi me'ba' x'ixic, tsi' su'be: —Mach a cha'len uq'uel, —che'en.

Lucas 7:19

tsi' chocoyob majlel ba'añ Jesús cha'añ mi' c'ajtibeñob: “¿Jatet ba jiñi woli bʌ c pijtan lojon, o yom toj mic pijtan lojon yam bʌ?”

Hechos 20:28

Chʌcʌ q'uele la' bʌ che' jiñi. Cʌntanla pejtelel jiñi tʌñʌme', come jiñi Ch'ujul bʌ Espíritu tsi' yʌq'ueyetla la' we'tel ti xcʌntaya cha'añ mi la' we'san jiñi xñopt'añob i cha'año' bʌ lac Yum tsa' bʌ i mʌñʌ ti' bajñel ch'ich'el.

1 Timoteo 3:15

mi tsa' jal-ayon, mux i mejlel a ña'tan bajche' yom ma' wajñel ti' yotot Dios, jiñobʌch jiñi xñopt'añob i cha'año' bʌ jiñi cuxul bʌ Dios. Jiñi xñopt'añob jiñʌch i cucujlel yic'ot i yoyel i yotot Dios ba' mi' tsictiyel isujmlel.

1 Timoteo 5:17

Jiñi ancianojob mu' bʌ i cha'leñob i ye'tel ti uts'at, yom mi' q'uejlelob ti wen ñuc, pero ñumen to jiñi mu' bʌ i cha'leñob e'tel ti subt'añ yic'ot ti cʌntesa.

2 Timoteo 4:2

su'bu jiñi wen t'añ, yom chajpʌbilet ti' yorajlel subt'añ yic'ot che' mach i yorajlelic. Xic'beñob i ñop, su'beñob i mul, xic'beñob ti uts'at ti' yutslel a pusic'al yic'ot i cʌntesa Dios.

Tito 1:7

Come wersa yom mi' wa'chocontel xcʌntaya mach bʌ añic i mul cha'añ mi' cʌntan i cha'año' bʌ Dios; mach yomic mi' chañ-esan i bʌ, mach yomic ora mi' mich'an, mach yomic mi' mulan vino, mach yomic mi' jats' i pi'ʌlob, mach yomic mi' mulan taq'uiñ mach bʌ tilemic ti ye'tel.

Hebreos 13:17

Jac'benla i t'añ xcʌntayajob la' cha'añ, yic'ot otsan la' bʌ ti' wenta, come añob i ye'tel cha'añ mi' wen pʌsbeñetla i bijlel la' coltʌntel, come yujilob cha'añ wersa mi caj i su'bob ti' tojlel Dios, mi uts'at mi la' jac', che' jiñi tijicña mi caj i cʌntañetla, pero mi woli la' wʌq'ueñob i ch'ijiyemlel i pusic'al che' jiñi mach la' tajayic la' wenlel.

Hebreos 13:7

Ña'tanla jiñi xcʌntayajob la' cha'añ tsa' bʌ i su'beyetla i t'añ Dios; ña'tanla jaytiquil la' pi'ʌlob tsi' tajayob i wenlel ti' chajp ti' chajp ti' tojlelob cha'añ ti wen bʌ i melbal, ñopola Dios che' bajche' tsi' ñopoyob.

Hebreos 3:5

Moisés xuc'ul tsi' melbe i ye'tel Dios ti' tojlel i cha'año' bʌ, che' bajche' i wiñic, tsi' wʌn tsictesa jiñi tsa' bʌ tili ti wi'il;

1 Pedro 4:10

Dios tsi' yʌq'ueyetla la' c'ʌjñibal ti jujuntiquiletla ti' yutslel i pusic'al cha'añ mi la' coltañ la' pi'ʌlob, cha'añ mi' tajob i wenlel ti Dios ja'el yic'ot i c'ʌjñibal ti' chajp ti' chajp.