Lucas 12:21 - Jiñi Tsiji' bʌ Wen T'añ cha'añ Estudio

²¹ Che'ʌch jiñi mu' bʌ i bajñel p'ol ca'bʌl i chu'bʌañ cha'añ mi' bajñel c'ʌn, pero ma'añic chuqui mi' taj ti Dios, —che'en Jesús.

Chol de Tumbalá Bible

²¹ Junlajal jini mu' bʌ i p'ojlesan cabʌl i chubʌ'an cha'an mi' bajñel c'ʌn, pero ma'anic chuqui mi' taj ti Dios, che'en Jesús.

Jiñi Tsiji' bʌ Wen T'añ cha'añ Estudio

²¹ Che'ʌch jiñi mu' bʌ i bajñel p'ol ca'bʌl i chu'bʌañ cha'añ mi' bajñel c'ʌn, pero ma'añic chuqui mi' taj ti Dios.

Chol Tila

²¹ Chʌ'ʌch mi yujtyel mu' bʌ i niq'ui lotye' cha'an bʌ i bajñel cha'an. Pero p'ump'unjax ti' tyojlel Dios como mach'an mi' pensalin chʌ bʌ mi' mulan Dios. Chʌ'ʌch ti' cha'le lajoñel Jesús.

Chol: I T’an Dios

²¹ Junlajal jini mu' bʌ i p'ojlesan cabʌl i chubʌ'an cha'an mi' bajñel c'ʌn, pero ma'anic chuqui mi' taj ti Dios, che'en Jesús.

Lucas 12:21 Iomraidhean Croise

Lucas 12:33

Choño la' chu'bʌañ, aq'uenla jiñi p'ump'uño' bʌ. Melela i yajñib la' taq'uiñ mach bʌ añic mi' ñox-an. Tempan la' chu'bʌañ ti panchan ba' ma'añic mi' jilel, ba' ma'añic mi' yochelob xujch', ba' ma'añic mi' jisan motso'.

Lucas 16:11

Mi mach xuc'ulic mi la' c'ʌn i chu'bʌañ pañimil, ¿majqui mi caj i yʌq'ueñetla jiñi mero isujm bʌ chu'bʌañʌl?

Lucas 6:24

Mi caj la' taj wocol wen chumulet bʌ la, come tsa'ix la' taja la' tijicñʌyel.

Romanos 2:5

Pero cha'añ i tsʌtslel a pusic'al, ma'añic ma' cʌy a mul, jiñi cha'añ woli a wʌc' ti tempʌyel i mich'ajel Dios ti' a tojlel che' ti' q'uiñilel i mich'ajel, yic'ot che' mi' tsictiyel toj bʌ i meloñel Dios,

2 Corintios 6:10

Ch'ijiyem lojon c pusic'al pero chʌn tijicñayon lojon, ma'añic c chu'bʌañ lojon, pero wen chumulob yaño' bʌ cha'añ que'tel lojon ti subt'añ, ma'añic mi ts'ita'ic c chu'bʌañ lojon, pero c cha'añʌch lojon pejtelel chuqui tac añ.

1 Timoteo 6:9

Jiñi yomo' bʌ i taj ca'bʌl i chu'bʌañ mi' jac'ob i pʌyol ti mulil, mi yochelob ti yac, ñijcʌbilob cha'añ i colosojlel i pusic'al mu' bʌ i yʌc'ob ti wocol, mi' sʌtob i bʌ, mi caj i jisʌntelob.

Santiago 2:5

C'uxbibilo' bʌ quermañujob, u'binla. Dios tsi' yajca jiñi mach bʌ añobic i chu'bʌañ ti pañimil cha'añ mi' wen tajob i wenlel che' mi' ñopob, come mi caj i yajñelob ti' yumʌntel Dios yic'ot pejtelel mu' bʌ i c'uxbiñob Dios che' bajche' albil i cha'añ.

Apocalipsis 2:9

Cʌmbil c cha'añ la' melbal yic'ot la' wocol. Ma'añic la' chu'bʌañ, pero ca'bʌlʌch la' wenlel, cʌmbil c cha'añ ja'el bajche' mi' ts'a'leñetla jiñi mu' bʌ i lon cuyob i bʌ ti israelob, mach israelobic, pero i cha'añob Satanás.