Lucas 11:41 - Jiñi Tsiji' bʌ Wen T'añ cha'añ Estudio

⁴¹ Aq'ueñob p'ump'uño' bʌ chuqui añ la' cha'añ, che' jiñi sʌc ti' pejtelel chuqui mi caj a q'uel.

Chol de Tumbalá Bible

⁴¹ Aq'ueñob p'ump'uño' bʌ chuqui an la' cha'an, che' jini, sʌc pejtelel chuqui mi caj a q'uel.

Jiñi Tsiji' bʌ Wen T'añ cha'añ Estudio

⁴¹ Aq'ueñob p'ump'uño' bʌ chuqui añ la' cha'añ, che' jiñi sʌc ti' pejtelel chuqui mi caj a q'uel.

Chol Tila

⁴¹ Pero yom mi la' ts'itya' aq'uen p'ump'uño' bʌ ti chʌ bʌ an la' cha'an. Che' jini sʌc cha'añetla pejtyelel chʌ bʌ tyac an.

Chol: I T’an Dios

⁴¹ Aq'ueñob p'ump'uño' bʌ chuqui an la' cha'an, che' jini, sʌc pejtelel chuqui mi caj a q'uel.

Lucas 11:41 Iomraidhean Croise

Mateo 26:11

Come ti pejtelel ora añ jiñi p'ump'uño' bʌ la' wic'ot, pero joñon mach ti pejtelelic ora wʌ'añon la' wic'ot.

Mateo 5:42

Mi añ chuqui ma' c'ajtibentel, aq'uen; che' añ chuqui ma' c'ajtibentel ti majan, mach ma' to'ol ac' ti sujtel.

Marcos 7:19

Come ma'añic mi' yochel ti' pusic'al, jiñi jach ti' ñʌc'. Ñumel jach mi' ñumel, —che'en. Che'ʌch tsi' cʌntesayob cha'añ sʌcʌch pejtelel i bʌl lac ñʌc'.

Lucas 12:33

Choño la' chu'bʌañ, aq'uenla jiñi p'ump'uño' bʌ. Melela i yajñib la' taq'uiñ mach bʌ añic mi' ñox-an. Tempan la' chu'bʌañ ti panchan ba' ma'añic mi' jilel, ba' ma'añic mi' yochelob xujch', ba' ma'añic mi' jisan motso'.

Lucas 16:9

Mic su'beñetla: C'ʌñʌ la' chu'bʌañ ti pañimil cha'añ mi' p'ojlel la' cʌñʌyo' bʌ ya' ti panchan, cha'añ mi' pʌyetla ochel ti' yotot tac mach bʌ añic mi' jilel che' bʌ tsa'ix jili la' chu'bʌañ.

Lucas 18:22

Che' bʌ tsi' yu'bi jiñi t'añ, Jesús tsi' su'be: —Añ to yom ma' mel yam bʌ junchajp, choño pejtelel a chu'bʌañ, aq'uen jiñi mach bʌ añobic i chu'bʌañ, che' jiñi, mi caj a taj ca'bʌl a chu'bʌañ ti panchan. La' tsajcañon, —che'en.

Lucas 19:8

Jiñi cha'añ Zaqueo che' wa'al ti' tojel lac Yum, tsi' su'be: —C Yum, mi caj cʌq'ueñob ojlil c chu'bʌañ jiñi mach bʌ añobic i chu'bʌañ, mi añ tsa' bʌ j chilbe i chu'bʌañ, mi caj c cha' sutq'uiben chʌnyajl i ñumel, —che'en Zaqueo.

Hechos 10:15

Tsa' cha' tili i t'añ lac Yum ba'añ Pedro: —Mach yomic ma' ts'a'len jatet chuqui tac sʌc-esʌbilix i cha'añ Dios, —che'en.

Hechos 11:29

Jiñi cha'añ, jiñi xñopt'añob tsi' ña'ta i chocbeñob majlel i coltʌntel jiñi hermañujob año' bʌ ti Judea che' bajche' c'amel mi mejlel i yʌc'ob ti jujuntiquil.

Hechos 24:17

Che' bʌ tsa' ñumi cha'p'ejl uxp'ejl ja'b, tsa' tiliyon cha'añ mi cʌq'ueñob taq'uiñ jiñi p'ump'uño' bʌ tic lumal, yic'ot cha'añ mi cʌq'uen Dios i majtañ ja'el.

2 Corintios 8:12

come mi añʌch i tijicñʌyel la' pusic'al cha'añ mi la' wʌc' majtañʌl loq'uem bʌ ti la' chu'bʌañ, Dios mi' ch'ʌm, che' bajche' añ la' cha'añ, come ma'añic woli c'ajtin jiñi mach bʌ añic la' cha'añ.

Efesios 4:28

Jiñi tsa' bʌ i cha'le xujch' mach i chʌn cha'len, la'ix i cha'len e'tel, la'ix i c'ʌn i c'ʌb cha'añ wen bʌ i ye'tel, che' jiñi mi mejlel i yʌq'ueñ i chu'bʌañ jiñi añ to bʌ yom i cha'añ.

Tito 1:15

Jiñi sʌco' bʌ i pusic'al mi' q'uelob ti uts'at pejtelel chuqui añ, pero jiñi bi'bi'o' bʌ yic'ot jiñi mach bʌ añic mi' ñopob lac Yum, ma'añic chuqui mi' q'uelob ti uts'at, bi'bi'ob i ña'tʌbal, come mach yujilobic i tic'ol i bʌ.

Hebreos 13:16

Mach yomic mi' ñajʌyel ti la' pusic'al i melol chuqui uts'at cha'añ mi la' coltañ la' pi'ʌlob, come jiñʌch i majtañ Dios uts'at bʌ mi' q'uel.

Hebreos 6:10

come Dios mach jontolic, mach ñajʌyic i cha'añ jiñi wen bʌ la' melbal yic'ot la' c'uxbiya, come ti' c'aba' Dios tsa' la' colta i cha'año' bʌ, c'ʌlʌl wʌle woli to la' coltañob.

Santiago 1:27

Jiñi mu' bʌ i ch'ujutesan Dios ti isujm, mach bʌ añic i bi'bi'lel ti' tojlel Dios lac Tat, jiñʌch iliyi: Mu' bʌ i coltañ me'ba' alobob yic'ot me'ba' x'ixicob che' ti yorajlel wocol, mi' chʌcʌ q'uel i bʌ cha'añ ma'añic mi mel che' bajche' jiñi año' bʌ ti pañimil.