Lucas 11:34 - Jiñi Tsiji' bʌ Wen T'añ cha'añ Estudio

³⁴ Jiñi a wut lámparajʌch cha'añ a bʌc'tal, mi weñʌch a wut ma' wen q'uel i sʌclel pañimil, pero mi mach weñic a wut añet ti ac'ʌlel.

Chol de Tumbalá Bible

³⁴ Jini a wut lámparajʌch cha'an a bʌc'tal. Mi weñʌch a wut ma' wen q'uel i sʌclel pañimil. Mi mach wenic a wut añet ti ac'ʌlel.

Jiñi Tsiji' bʌ Wen T'añ cha'añ Estudio

³⁴ Jiñi a wut lámparajʌch cha'añ a bʌc'tal, mi weñʌch a wut ma' wen q'uel i sʌclel pañimil, pero mi mach weñic a wut añet ti ac'ʌlel.

Chol Tila

³⁴ Jini mu' bʌ i ch'ʌm'en isujm mu' bʌ j cʌntisan chʌ'ʌch an bajche' am bʌ wen bʌ i wut yubil. Weñʌch mi yajñel como weñʌch i wut cha'an i q'uele' i sʌclel. Pero jini mach'ʌ wen i wut mi yajñel ti ic't'ojñal che' bajche' mach'an mi yilan i sʌclel.

Chol: I T’an Dios

³⁴ Jini a wut lámparajʌch cha'an a bʌc'tal. Mi weñʌch a wut ma' wen q'uel i sʌclel pañimil. Mi mach wenic a wut añet ti ac'ʌlel.

Lucas 11:34 Iomraidhean Croise

Marcos 4:12

cha'añ ma'añic mi' c'otel i wut jiñi woli bʌ i q'uelob, cha'añ ma'añic mi' ch'ʌmbeñob isujm jiñi woli bʌ i yu'biñob, cha'añ ma'añic mi sutq'uiñob i bʌ, ame ñusʌbenticob i mul, che'en.

Marcos 7:22

yic'ot xujch', yic'ot i mulʌntel chu'bʌañʌl, yic'ot jontolil, yic'ot lotiya, yic'ot i bi'bi'lel, yic'ot tsʌytsʌyña bʌ i pusic'al cha'añ i wenlel yaño' bʌ, yic'ot p'ajoñel, yic'ot i q'uelol i bʌ ti ñuc yic'ot i tontojlel.

Marcos 8:18

Añ la' wut, ¿mach ba añic mi la' q'uel? Añ la' chiquin, ¿mach ba añic mi la' wu'bin? ¿Mach ba c'ajalic la' cha'añ?

Lucas 11:35

Tsajiletme che' jiñi, ame i'iq'uic ma' q'uel i sʌclel pañimil.

Hechos 13:11

Wʌle mi' cajel i contrajiñet lac Yum; mi caj a wochel ti xpots', ca'bʌl ora ma'añic mi caj a q'uel i c'ʌc'al q'uiñ. Ti ora tsa' yajpi i wut, tsa' ochi ti ac'ʌlel yilal. Tsi' sajca majqui mi' toj-esan majlel ti' c'ʌb.

Hechos 2:46

Temel tsa' chʌn ajñiyob ti Templo ti jujump'ejl q'uiñ. Tsi' xet'eyob waj ti' yotot tac, temel tsi' cha'leyob we'el ti tijicñʌyel yic'ot jump'ejlob jach i pusic'al.

Hechos 26:18

cha'añ ma' cambeñob i wut, cha'añ mi' sutq'uiñob i bʌ jiñi año' bʌ ti ic'yoch'an bʌ pañimil, cha'añ mi' yajñelob ti' sʌclel pañimil; mic choquet majlel cha'añ mi' loq'uelob ti' p'ʌtʌlel Satanás, cha'añ mi' yochelob ti' p'ʌtʌlel Dios; cha'añ mi' ñusʌbentelob i mul che' mi' ñopoñob, cha'añ i tem cha'añob jach jiñi mu' bʌ caj i yʌq'ueñtelob yic'ot jiñi sʌc-esʌbilo' bʌ”.

2 Corintios 1:12

Ñʌch'ʌl lojon c pusic'al come ti' p'ʌtʌlel Dios tsa' c mele lojon chuqui isujm yic'ot chuqui toj. Jiñʌch c ñuclel lojon, tsa' ajñiyon lojon ti jump'ejl lojon c pusic'al aq'uebilon bʌ lojon ti Dios, che'ʌch tsa' c pʌsʌ lojon c bʌ wʌ' ti pañimil, ñumen tsa' c mele lojon chuqui uts'at ti la' tojlel, mach che'ic bajche' mi' ña'tañob ti pañimil, pero yic'ot i yutslel i pusic'al Dios.

2 Corintios 11:3

Pero mic cha'len bʌq'uen ame sojquic la' ña'tʌbal cha'añ lot che' bajche' tsa' lotinti jiñi Eva ti lucum, che'ʌch ja'el mi' mejlel la' taj la' lotintel cha'añ mi' jilel i xuc'tʌlel la' pusic'al ti Cristo,

2 Corintios 4:4

Satanás, jiñʌch i dios jiñi jontolo' bʌ ti pañimil, tsa'ix i mʌcbeyob i ña'tʌbal jiñi mach bʌ añic mi' ñopob Cristo, ame i q'uelob i sʌclel jiñi wen t'añ ba' tsiquil i ñuclel Cristo i yejtal bʌ Dios.

Efesios 1:17

mij c'ajtiben i Dios lac Yum Jesucristo cha'añ mi' yʌq'ueñetla ca'bʌl la' ña'tʌbal yic'ot i yEspíritu cha'añ mi la' wen ch'ʌmben isujm chuqui woli la' pʌsbentel, cha'añ mi la' wen cʌn lac Tat am bʌ ti panchan,

Efesios 6:5

X'e'telob, jac'benla la' yumob ti pañimil ti bʌq'uen, yic'ot i pec'lel la' pusic'al, che' bajche' ti' tojlel Cristo;

Colosenses 3:22

X'e'telob, jac'benla la' yum ti pañimil ti pejtelel chuqui mi' su'beñetla, mach cha'añic uts'at mi' q'ueletla wiñicob pero ti jump'ejl la' pusic'al cha'añ woli la' c'uxbin Dios.