Lucas 1:2 - Jiñi Tsiji' bʌ Wen T'añ cha'añ Estudio

² Lajal tsi' ts'ijbayob bajche' tsi' cʌntesayonla jiñi tsa' bʌ i q'ueleyob c'ʌlʌl ti' cajibal. Jiñobʌch mu' bʌ i su'bob jiñi t'añ.

Chol de Tumbalá Bible

² Lajal tsi' ts'ijbayob bajche' tsi' cʌntesayonla jini tsa' bʌ i q'ueleyob c'ʌlʌl ti' cajibal. Jiñobʌch mu' bʌ i subob jini t'an.

Jiñi Tsiji' bʌ Wen T'añ cha'añ Estudio

² Lajal tsi' ts'ijbayob bajche' tsi' cʌntesayonla jiñi tsa' bʌ i q'ueleyob c'ʌlʌl ti' cajibal. Jiñobʌch mu' bʌ i su'bob jiñi t'añ.

Chol Tila

² Lajal ti' ts'ijbuyob bajche' ti cʌntisʌntiyonla ti jini tsa' bʌ i yilʌyob tsa' bʌ ujti c'ʌlʌ ti tyejchibal yic'ot tsa' bʌ i yʌlʌyob ti i subt'an.

Chol: I T’an Dios

² Lajal tsi' ts'ijbayob bajche' tsi' cʌntesayonla jini tsa' bʌ i q'ueleyob c'ʌlʌl ti' cajibal. Jiñobʌch mu' bʌ i subob jini t'an.

Lucas 1:2 Iomraidhean Croise

Marcos 1:1

Jiñʌch i cajibal jiñi wen t'añ i cha'añ Jesucristo i Yalobil Dios.

Marcos 16:20

Jiñi junlujuntiquil tsa' majliyob. Tsi' cha'leyob subt'añ ti pejtelel lum. Lac Yum tsi' tem cha'le e'tel yic'otob. Tsi' pʌsʌ i yejtal tac i p'ʌtʌlel ti' tojlelob che' bʌ tsi' cha'leyob subt'añ. [Amén].

Marcos 4:14

Jiñi xwejch'uya pac', jiñʌch mu' bʌ i su'b jiñi t'añ.

Lucas 24:48

Jatetla mi caj la' su'b chuqui tac tsa' la' q'uele.

Juan 15:27

Jatetla ja'el mi caj la' wʌc'on ti cʌjñel, come añetla quic'ot c'ʌlʌl ti' cajibal j cʌntesa.

Juan 16:4

Tsa' c su'beyetla chuqui tac tal cha'añ mi la' ña'tan ba' ora mi' yujtel, jiñʌch tsa' bʌ c wʌn su'beyetla. Ma'añic tsa' c su'beyetla che' ti' cajibal, come wʌ' to añon la' wic'ot.

Hechos 1:3

Che' bʌ tsa'ix ujti i yu'bin wocol Jesús, tsi' cha' pʌsʌ i bʌ ti tsiquil ti' tojlel jiñi chocbilo' bʌ majlel ti subt'añ cha'añ cha' cuxulix, cha'c'al to q'uiñ tsi' cha' pʌsʌ i bʌ ti' tojlel wiñicob x'ixicob tsi' su'beyob che' bajche' añ i yumʌntel Dios.

Hechos 1:8

pero mi caj la' wʌq'uentel la' p'ʌtʌlel, che' mi' yochel ti la' pusic'al jiñi Ch'ujul bʌ Espíritu. Ya' ti Jerusalén yic'ot ti pejtelel judea yic'ot ti Samaria c'ʌlʌl ti ñajt bʌ pañimil mi cajel la' su'b chuqui tac tsa' la' q'uele, —che'en Jesús.

Hechos 14:25

Che' bʌ tsa'ix i su'buyob jiñi wen t'añ ya' ti Perge, tsa' ju'biyob tilel ti Atalía.

Hechos 16:6

Tsa' ñumiyob majlel ti Frigia yic'ot ti Galacia, tsa' tijq'uiyob ti Ch'ujul bʌ Espíritu cha'añ ma'añic mi' su'bob jiñi wen t'añ ya' ti Asia.

Hechos 17:11

Jiñi año' bʌ ti Berea ñumen weñob bajche' jiñi año' bʌ ti Tesalónica come ti jump'ejl jach i pusic'al tsi' jac'ʌyob jiñi t'añ. Ti jujump'ejl q'uiñ tsi' wen q'ueleyob i Ts'ijbujel Dios cha'añ mi' ña'tañob mi isujm chuqui tsa' su'bentiyob.

Hechos 26:16

Ch'ojyen, wa'i', come tsa' tsictiyiyon ti a wut cha'añ mic wa'chocoñet cha'añ ma' melbeñon que'tel, mi caj a wʌc' ti cʌjñel jiñi tsa' bʌ a q'uele ti joñon yic'ot jiñi mu' bʌ caj a q'uel che' mic tsictiyel ti a wut.

Hechos 4:20

come mach mejlic j cʌy c su'b lojon chuqui tsa' bʌ j q'uele lojon yic'ot tsa' bʌ cu'bi lojon.

Hechos 8:4

Pero jiñi tsa' bʌ loq'uiyob ti Jerusalén, tsi' chʌn su'buyob majlel jiñi wen t'añ, baqui jach tsa' majliyob.

Romanos 15:16

cha'añ mi cochel ti x'e'tel i cha'añ Jesucristo ti' tojlel gentilob, cha'añ mic su'beñob i wen t'añ Dios, cha'añ mi cʌq'uen Dios jiñi gentilob che' bajche' jump'ejl ofrenda mu' bʌ i mulan, sʌc-esʌbil bʌ ti Ch'ujul bʌ Espíritu.

1 Corintios 4:1

La' i ña'tañob wiñicob x'e'telon jach lojon i cha'añ Cristo, xcʌntayajon lojon cha'añ isujmlel Dios mach bʌ tsictiyemic ti yam bʌ ora.

Hebreos 2:3

¿Bajche' mi mejlel lac puts'el joñonla mi woli lac ñusan jiñi ñuc bʌ laj coltʌntel? Lac Yum tsi' teche i su'b laj coltʌntel, jiñi tsa' bʌ i yu'bibeyob i t'añ, tsa'ix i cha' su'beyonla ja'el cha'añ isujmʌch,

1 Pedro 5:1

Ti wocol t'añ mic su'beñob ancianojob ti la' tojlel, come ancianojon ja'el, che' ja'el testigojon cha'añ tsi' cuchu wocol Cristo, joñon ja'el mi caj cʌq'uentel c ñuclel yic'ot Cristo che' mi' tsictiyel:

2 Pedro 1:16

Ma'añic tsa' c jop'o lojon mayajax bʌ t'añ che' bʌ tsa' c su'beyet lojon i p'ʌtʌlel lac Yum Jesucristo mu' bʌ caj i cha' tilel ti' ñuclel i yumʌntel, pero tsa' c su'beyetla jiñi tsa' bʌ j q'uele lojon tic wut.