Juan 9:39 - Jiñi Tsiji' bʌ Wen T'añ cha'añ Estudio

³⁹ Jesús tsi' su'be: —Tsa' tiliyon ti meloñel ti pañimil cha'añ mi' c'otelob i wut jiñi mach bʌ weñobic i wut, yic'ot cha'añ mi' yochelob ti xpots' jiñi weño' bʌ i wut, —che'en Jesús.

Chol de Tumbalá Bible

³⁹ Jesús tsi' sube: Tsa' tiliyon ti melojel ti pañimil cha'an mi' c'otelob i wut jini mach bʌ weñobic i wut, yic'ot cha'an mi' yochelob ti xpots' jini weño' bʌ i wut, che'en Jesús.

Jiñi Tsiji' bʌ Wen T'añ cha'añ Estudio

³⁹ Jesús tsi' su'be: —Tsa' tiliyon ti meloñel ti pañimil cha'añ mi' c'otelob i wut jiñi mach bʌ weñobic i wut, yic'ot cha'añ mi' yochelob ti xpots' jiñi weño' bʌ i wut.

Chol Tila

³⁹ Ti wi'il Jesús ti yʌlʌ: Ti tyʌliyon ti mulawil cha'an mi tsictiyel i mul quixtyañujob cha'an mi jambentyel i wut jini muts'ulo' bʌ i wut. Cha'an jini mu' bʌ i q'uelob pañimil mi' ña'tyan, mi yajñel che' bajche' mutsulo' bʌ i wut, che'en.

Chol: I T’an Dios

³⁹ Jesús tsi' sube: Tsa' tiliyon ti melojel ti pañimil cha'an mi' c'otelob i wut jini mach bʌ weñobic i wut, yic'ot cha'an mi' yochelob ti xpots' jini weño' bʌ i wut, che'en Jesús.

Juan 9:39 Iomraidhean Croise

Mateo 11:5

Jiñi xpots'ob wolix i c'otelob i wut, woliyobix ti xʌmbal jiñi mach bʌ weñobic i yoc, jiñi año' bʌ leco bʌ i tsoy c'oq'uesʌbilobix, jiñi xcojcob wolix i yu'biñob t'añ, woli' i cha' ch'ojyel jiñi chʌmeño' bʌ, yic'ot jiñi p'ump'uño' bʌ woli' su'bentelob jiñi wen t'añ.

Mateo 15:14

La' to ajñicob. Xpots'ob mi' lon pʌsben bij yam bʌ xpots'; mi jiñi xpots' mu' bʌ i toj-esan majlel yam bʌ xpots', ti' cha'ticlelob mi' caj i yajlelob ti ch'eñ, —che'en Jesús.

Mateo 6:23

Mi jontol la' wut, añet jach la ti ac'ʌlel yilal. Mi i'ic' jax mi la' q'uel i sʌclel pañimil, añetla ti ic'yoch'an bʌ pañimil.

Lucas 1:79

cha'añ mi' yʌq'ueñob i sʌclel pañimil jiñi chumulo' bʌ ti ic'ch'ipan bʌ pañimil, yic'ot jiñi año' bʌ ti yʌxñʌlel chʌmel, cha'añ mi' toj-esan majlel la coc ba' ñʌch'ʌl mi la cajñel, che' tsi' yʌlʌ Zacarías.

Lucas 13:30

Awilan, añ wi'ilobix bʌ mu' bʌ caj i c'axelob majlel ti ñaxan; añ ñaxaño' bʌ mu' bʌ caj i cʌytʌlob ti wi'ipat, —che'en Jesús.

Lucas 2:34

Simeón tsi' yʌq'ueyob i yutslel i t'añ, tsi' su'be María, i ña' alʌl: —Awilan, wa'chocobilix a walobil cha'añ ca'bʌl israelob. Lamital mi caj i yajlelob, lamital mi caj i xuc'chocontelob. Ca'bʌlob mi caj i cha'leñob t'añ ti' contra.

Lucas 4:18

“Añ i yEspíritu lac Yum tic pusic'al. Tsi' yajcayon cha'añ mic su'beñob wen t'añ jiñi p'ump'uño' bʌ. [Tsi' chocoyon tilel cha'añ mic lajmesʌbeñob i ch'ijiyemlel jiñi ch'ijiyemo' bʌ i pusic'al,] cha'añ mic su'beñob loq'uel jiñi ñup'ulo' bʌ, cha'añ mij cambeñob i wut jiñi xpots'ob, cha'añ mi cʌc'ob ti colel jiñi tic'lʌbilo' bʌ,

Lucas 7:21

Ti jiñi jach bʌ ora Jesús tsi' c'oq'uesa ca'bʌl xc'am-ʌjelob año' bʌ leco tac bʌ i chʌmel, yic'ot jiñi año' bʌ i xi'bʌjlel, yic'ot tsi' cambeyob i wut ca'bʌl xpots'ob.

Juan 12:31

Wʌle i yorajlelix mi caj i mejlelob jiñi año' bʌ ti pañimil; wʌle mi caj i chojquel loq'uel i yum pañimil.

Juan 12:46

Joñon i sʌclelon pañimil, tsa' tiliyon ti pañimil cha'añ ma'añic mi' cʌytʌl ti ic'ch'ipan bʌ pañimil jiñi mu' bʌ i ñopon.

Juan 3:17

Come Dios ma'añic tsi' choco tilel i Yalobil ti pañimil cha'añ mi' yotsan ti tojmulil wiñicob x'ixicob. Tsi' choco tilel cha'añ mi' taj i coltʌntel ti' Yalobil.

Juan 3:19

Ti' caj ili tojmulil, tsa' tili i sʌclel pañimil pero wiñicob x'ixicob tsi' ñumen c'uxbiyob ic'ch'ipan bʌ pañimil; come jontol i melbalob.

Juan 8:12

Jesús tsi' cha' su'beyob, tsi' yʌlʌ: —Joñon i sʌclelon pañimil, jiñi mu' bʌ i tsajcañon ma'añic mi' cajel ti xʌmbal ti ic'ch'ipan bʌ pañimil. Añ i cha'añ i sʌclel pañimil cha'añ i cuxtʌlel, —che'en.

Juan 8:15

Jatetla mi la' to'ol ña'tʌbeñon c pusic'al cha'añ chuqui jach mi la' q'uel, joñon ma'añic majqui mic to'ol ña'tʌben i pusic'al.

Juan 9:25

Jiñi wiñic tsi' su'beyob: —Mach cujilic mi xmulil, cujil ti isujm xpots'on ti yam bʌ ora, pero wʌle c'otemix c wut, —che'en.

Hechos 26:18

cha'añ ma' cambeñob i wut, cha'añ mi' sutq'uiñob i bʌ jiñi año' bʌ ti ic'yoch'an bʌ pañimil, cha'añ mi' yajñelob ti' sʌclel pañimil; mic choquet majlel cha'añ mi' loq'uelob ti' p'ʌtʌlel Satanás, cha'añ mi' yochelob ti' p'ʌtʌlel Dios; cha'añ mi' ñusʌbentelob i mul che' mi' ñopoñob, cha'añ i tem cha'añob jach jiñi mu' bʌ caj i yʌq'ueñtelob yic'ot jiñi sʌc-esʌbilo' bʌ”.

2 Corintios 2:16

Che' mi' yu'biñob jiñi sajtemo' bʌ, mi' ña'tañob woli' majlelob ti tojmulil, che' mi' yu'biñob jiñi año' bʌ i cuxtʌlel, mi' ña'tañob añobʌch i cuxtʌlel. ¿Majqui añ i bajñel p'ʌtʌlel cha'añ mi' mel jiñi e'tel?

Efesios 5:14

Jiñi cha'añ albilix: “Caña a wut woliyet bʌ ti wʌyel, ch'ojyen loq'uel ba'añ chʌmeño' bʌ, Cristo mi caj i yʌq'uet ti ajñel ti' sʌclel pañimil”.

2 Tesalonicenses 2:10

yic'ot pejtelel jontol bʌ i lotiya ti' tojlel jiñi woli bʌ i sajtelob, come ma'añic tsi' ch'ʌmʌyob ti' wenta i c'uxbintel isujmlel cha'añ i coltʌntel.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jiñi Rey. Ch'ujul bʌ tejclumetla. I cha'añetla Dios cha'añ mi la' su'b majlel jiñi ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.

1 Juan 2:11

Pero jiñi mu' bʌ i ts'a'len i yermañu añ ti ic'yoch'an bʌ pañimil, mi' cha'len xʌmbal ti ic'yoch'an bʌ pañimil, yic'ot mach yujilic baqui mi' majlel, come ma'añic mi' c'otel i wut cha'añ i yi'ic'lel pañimil.