Juan 8:58 - Jiñi Tsiji' bʌ Wen T'añ cha'añ Estudio

⁵⁸ Jesús tsi' su'beyob: —Isujm, isujm mic su'beñetla, che' maxto añic Abraham añoñix, —che'en.

Chol de Tumbalá Bible

⁵⁸ Jesús tsi' subeyob: Isujm, isujm mic subeñetla, che' maxto anic Abraham añoñix, che'en.

Jiñi Tsiji' bʌ Wen T'añ cha'añ Estudio

⁵⁸ Jesús tsi' su'beyob: —Isujm, isujm mic su'beñetla, che' maxto añic Abraham añoñix.

Chol Tila

⁵⁸ Jesús ti' jac'ʌ: Melel mic subeñetla che' ñac max tyo i ch'ocʌ Abraham, añoñʌch, che'en.

Chol: I T’an Dios

⁵⁸ Jesús tsi' subeyob: Isujm, isujm mic subeñetla, che' maxto anic Abraham añoñix, che'en.

Juan 8:58 Iomraidhean Croise

Juan 10:25

Jesús tsi' jac'beyob: —Tsa'ix c su'beyetla pero ma'añic mi la' ñop. Jiñi que'tel mu' bʌ c cha'len ti' c'aba' c Tat, mi' yʌc'on ti cʌjñel cha'añ mi la' ña'tan majquiyon;

Juan 17:24

C Tat, jiñi tsa' bʌ a wʌq'ueyon, com cha'añ ya' ba'añon, com temel mi' yajñelob quic'ot ja'el; cha'añ mi' q'uelob c ñuclel tsa' bʌ a wʌq'ueyon, come c'ux tsa' wu'biyon che' maxto melbilic pañimil.

Juan 17:5

Wʌle, c Tat, pʌsʌ c ñuclel che' bajche' añ c cha'añ quic'otet che' maxto añic pañimil.

Juan 8:24

Jiñi cha'añ tsa' c su'beyetla mi caj la' chʌmel che' añet to la ti la' mul, mi ma'añic mi la' ñopon, mi caj la' chʌmel che' añetla ti la' mul, —che'en Jesús.

Juan 8:28

Jiñi cha'añ Jesús tsi' su'beyob: —Che' bʌ tsa'ix la' ch'iji ti cruz i Yalobil Wiñic, che' jiñi mi caj la' ch'ʌmben isujm majquiyon, yic'ot ma'añic chuqui mic mel tic bajñelil, chuqui tac tsi' cʌntesayon c Tat, jiñi jach mic su'b.

Juan 8:34

Jesús tsi' jac'beyob: —Isujm, isujm mic su'beñetla, pejtelel mu' bʌ i cha'leñob mulil, mi yochelob ti mozo cha'añ mulil.

Juan 8:51

Isujm, isujm mic su'beñetla, jiñi mu' bʌ i jac'beñon c t'añ, ma'añic mi' caj i chʌmel ti pejtelel ora, che'en.

Colosenses 1:17

Añʌch Jesús che' maxto añic chuqui añ, ti' p'ʌtʌlel Jesús xuc'ul mi' yajñel ti pejtelel;

Hebreos 13:8

Jesucristo ma'añic mi' q'uextʌyel, junlajalʌch ac'bi yic'ot wʌle yic'ot ti pejtelel ora.

Apocalipsis 1:11

tsi' yʌlʌ: Joñon tsa' c teche pejtelel chuqui tac añ, mi cʌq'uen i jilibal, añon ti ñaxan, añon ti' yujtibal. Ts'ijban ti juñ chuqui tac ma' q'uel, chocbeñob majlel jiñi wucmojt xñopt'añob mu' bʌ i tempañob i bʌ ya' ti Asia, jiñi año' bʌ ti Éfeso, ti Esmirna, ti Pérgamo, ti Tiatira, ti Sardis, ti Filadelfia, yic'ot ti Laodicea, che'en.

Apocalipsis 1:8

Joñon tsa' c teche pejtelel chuqui tac añ, mi cʌq'uen i jilibal, añon ti' tejchibal, añon ti' jilibal, che'en lac Yum. Joñoñʌch jiñi am bʌ wʌle, jiñi am bʌ ti wajali, jiñi tal to bʌ, jiñi Mach bʌ Añic i P'isol i P'ʌtʌlel.

Apocalipsis 2:8

Ts'ijbuben juñ jiñi xcʌntaya i cha'añ xñopt'añob mu' bʌ i tempañob i bʌ ya' ti Esmirna: “Joñon añon ti ñaxan. Añon ti' yujtibal, tsa' chʌmiyon, tsa' cha' cuxtʌyiyon, woliyon ti t'añ.