Juan 8:55 - Jiñi Tsiji' bʌ Wen T'añ cha'añ Estudio

⁵⁵ Pero jatetla mach cʌmbilic la' cha'añ; joñon mij cʌn, mi tsa' c su'beyetla mach cʌñʌyic Dios, che'ic jiñi xloton che' bajche'etla, pero joñon cʌmbil c cha'añ, yic'ot mic jac'ben i t'añ.

Chol de Tumbalá Bible

⁵⁵ Mach cʌmbilic la' cha'an. Joñon mij cʌn. Mi tsac subeyetla ma'anic mij cʌn Dios, che'ic jini xloton, lajalon jach bajche'etla. Joñon mij cʌn Dios. Mic jac'ben i t'an.

Jiñi Tsiji' bʌ Wen T'añ cha'añ Estudio

⁵⁵ Pero jatetla mach cʌmbilic la' cha'añ; joñon mij cʌn, mi tsa' c su'beyetla mach cʌñʌyic Dios, che'ic jiñi xloton che' bajche'etla, pero joñon cʌmbil c cha'añ, yic'ot mic jac'ben i t'añ.

Chol Tila

⁵⁵ Pero mach'an mi la' cʌñe' c Tyat. Muq'uic cʌl mach j cʌñʌ, lajal ajlotyon bajche'etla. Pero melelʌch joñon mij cʌñe' c Tyat. Mic jac'ben i t'an.

Chol: I T’an Dios

⁵⁵ Mach cʌmbilic la' cha'an. Joñon mij cʌn. Mi tsac subeyetla ma'anic mij cʌn Dios, che'ic jini xloton, lajalon jach bajche'etla. Joñon mij cʌn Dios. Mic jac'ben i t'an.

Juan 8:55 Iomraidhean Croise

Mateo 11:27

Pejtelel chuqui tac añ, aq'uebilon i cha'añ c Tat. Ma'añic majqui mi' cʌñon, cojach c Tat, che' ja'el ma'añic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Lucas 10:22

Pejtelel chuqui tac añ, aq'uebilon i cha'añ c Tat, ma'añic majqui mi' cʌñon cojach c Tat, che' ja'el, ma'añic majqui mi' cʌn c Tat cojach joñon come i Yalobilon, mi' cʌñob c Tat ja'el majqui jach mi cʌq'uen i cʌn”.

Juan 1:18

Ma'añic majqui wis q'uelbil i cha'añ Dios; jiñi jach cojach bʌ i Yalobil, am bʌ ti' t'ejl i Tat, jiñi tsi' yʌc'ʌ ti cʌjñel i Tat.

Juan 10:15

Che' bajche' c Tat mi' cʌñon, joñon ja'el mij cʌn c Tat, mi cʌc' c bʌ ti chʌmel cha'añ jiñi tʌñʌme'.

Juan 15:10

Mi woli la' jac'beñon c mandar, mi caj c chʌn c'uxbiñetla, che' bajche' tsa' c jac'be i mandar c Tat, woli c chʌn c'uxbintel tic Tat.

Juan 15:21

Che'ʌch mi caj i melbeñetla i cha'año' bʌ pañimil cha'añ ti' caj j c'aba', come ma'añic mi' cʌñob jiñi tsa' bʌ i chocoyon tilel.

Juan 16:3

Che'ʌch mi caj i melob come mach i cʌñʌyobic c Tat, ma'añic tsi' cʌñʌyoñob ja'el.

Juan 17:25

Toj bʌ c Tat, jiñi año' bʌ ti pañimil ma'añic tsi' cʌñʌyetob, joñon tsa' j cʌñʌyet, che' ja'el ili wiñicob x'ixicob yujilob cha'añ jatet tsa' chocoyon tilel.

Juan 6:46

Ma'añic majqui tsi' q'uele c Tat mi juntiquilic, jiñi jach jiñi tsa' bʌ tili ti Dios; jiñi tsa'ix i q'uele lac Tat.

Juan 8:19

Tsi' c'ajtibeyob: —¿Baqui añ a Tat? —Che'en. Jesús tsi' jac'beyob: —Ma'añic mi la' cʌñon, ma'añic mi la' cʌn c Tat ja'el; tsa'ic la' cʌñʌyon, tsa' la' cʌñʌ c Tat ja'el.

Juan 8:29

Come jiñi tsa' bʌ i chocoyon tilel añ quic'ot. Ma'añic tsi' cʌyʌyon c Tat tic bajñelil come ti pejtelel ora mic mel chuqui tac mi' mulan, —che'en Jesús.

Juan 8:44

Jatetla, la' tatʌch xi'ba, la' wom la' mel chuqui yom la' tat. Jiñi xi'ba xtsʌnsajʌch c'ʌlʌl ti' cajibal, ma'añic mi' yajñel ti' isujmlel Dios, come ma'añic chuqui isujm ti' pusic'al xi'ba. Che' mi' cha'len lot i tilelʌch come xlotʌch, ya' ch'oyol ti xi'ba pejtelel lot.

Juan 8:51

Isujm, isujm mic su'beñetla, jiñi mu' bʌ i jac'beñon c t'añ, ma'añic mi' caj i chʌmel ti pejtelel ora, che'en.

Juan 8:52

Jiñi cha'añ judíojob tsi' su'beyob: —Wʌle cujilix lojon añ a xi'bʌjlel. Abraham tsa' chʌmi, che' ja'el x'alt'añob, jatet wola' wʌl mi añ majqui mi' jac'beñet a t'añ, ma'añic mi' caj i chʌmel ti pejtelel ora.

Hechos 17:23

Come che' bʌ tsa' ñumiyon tsa' j q'uele i yotlel tac diosob, tsa' c taja jump'ejl pulʌntib ba' ts'ijbubil jiñi t'añ: JIÑI DIOS MACH BɅ CɅMBILIC. Jiñi Dios mu' bʌ la' ch'ujutesan mach bʌ la' cʌñʌyic, jiñʌch woli bʌ c su'b.

2 Corintios 4:6

Come Dios tsa' bʌ i yʌc'ʌ mandar cha'añ mi' tsictiyel i sʌclel pañimil ti ic'ch'ipan bʌ, jiñʌch i sʌclel tsa' bʌ i yʌc'ʌ ti tsictiyel ti lac pusic'al cha'añ mi lac ch'ʌmben isujm woli' pʌsbeñonla i ñuclel Dios ti Jesucristo.

1 Juan 1:6

Mi woli lac lon al tem ochemonla ti' ñopol Dios, lac lotʌch mi woliyonla ti xʌmbal ti ic'yoch'an bʌ pañimil, come che' jiñi ma'añic woli lac jac'ben isujmlel.

1 Juan 2:22

¿Majqui xlot? ¿Mach ba jiñic mu' bʌ i yʌl mach Cristojic jiñi Jesús? Jiñʌch xcontra Cristo mu' bʌ i yʌl mach i Tatic Cristo jiñi Dios, yic'ot mach i Yalobilic Dios jiñi Cristo.

1 Juan 2:4

Jiñi mu' bʌ i yʌl: J cʌñʌyʌch Jesús, pero mi ma'añic mi' jac' i mandar Dios, woli ti lot jiñi wiñic, ma'añic isujmlel ti' pusic'al.

1 Juan 5:10

Majqui jach mi' ñop i Yalobil Dios yujil ti' pusic'al isujmʌch ili t'añ; jiñi mach bʌ añic mi' ñop Dios tsa'ix i cuyu ti xlot, come ma'añic tsi' ñopo jiñi t'añ tsa' bʌ i yʌlʌ Dios cha'añ mi laj cʌmben i Yalobil.

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, wiñicob mu' bʌ i cha'leñob lot, mi' cuyob i bʌ ti israelob anquese mach israelobic, mux caj c pʌyob tilel cha'añ mi' ñocchocoñob i bʌ ti' tojel la' woc, mi caj i ña'tañob c'ux mi cubiñetla.