Juan 8:44 - Jiñi Tsiji' bʌ Wen T'añ cha'añ Estudio

⁴⁴ Jatetla, la' tatʌch xi'ba, la' wom la' mel chuqui yom la' tat. Jiñi xi'ba xtsʌnsajʌch c'ʌlʌl ti' cajibal, ma'añic mi' yajñel ti' isujmlel Dios, come ma'añic chuqui isujm ti' pusic'al xi'ba. Che' mi' cha'len lot i tilelʌch come xlotʌch, ya' ch'oyol ti xi'ba pejtelel lot.

Chol de Tumbalá Bible

⁴⁴ Jatetla i cha'añetla xiba. Jiñʌch la' tat. La' wom la' mel chuqui yom la' tat. Stsʌnsayajʌch jini xiba c'ʌlʌl ti' cajibal. Ma'anic tsa' chʌn ajni ti' sujmlel Dios, come ma'anic chuqui isujm ti' pusic'al xiba. Che' mi' cha'len lot i tilelʌch come xlot. Ya' ch'oyol ti xiba pejtelel lot.

Jiñi Tsiji' bʌ Wen T'añ cha'añ Estudio

⁴⁴ Jatetla la' tatʌch xi'ba, la' wom la' mel chuqui yom la' tat. Jiñi xi'ba xtsʌnsajʌch c'ʌlʌl ti' cajibal, ma'añic mi' yajñel ti' isujmlel Dios, come ma'añic chuqui isujm ti' pusic'al xi'ba. Che' mi' cha'len lot i tilelʌch come xlotʌch, ya' ch'oyol ti xi'ba pejtelel lot.

Chol Tila

⁴⁴ La' tyat jiñʌch xiba. I cha'añetla xiba. La' wom la' cha'len jini yom bʌ xiba. Ajtsʌnsajʌch jini xiba c'ʌlʌ ti tyejchibal. Mach'an ba' yʌlʌ melel bʌ t'an. Ajlotiyajʌch. Mach'an melel bʌ ti' pusic'al. Jiñʌch mu' bʌ i tyeche' pejtyelel lot bʌ t'an.

Chol: I T’an Dios

⁴⁴ Jatetla i cha'añetla xiba. Jiñʌch la' tat. La' wom la' mel chuqui yom la' tat. Stsʌnsayajʌch jini xiba c'ʌlʌl ti' cajibal. Ma'anic tsa' chʌn ajni ti' sujmlel Dios, come ma'anic chuqui isujm ti' pusic'al xiba. Che' mi' cha'len lot i tilelʌch come xlot. Ya' ch'oyol ti xiba pejtelel lot.

Juan 8:44 Iomraidhean Croise

Mateo 12:34

Jatetla i yalobiletla lucum. ¿Bajche' mi mejlel la' wʌl chuqui uts'at che' jontoletla? Come chuqui jach but'ul ti lac pusic'al mi' tsictiyel ti lac t'añ.

Mateo 13:15

Come jiñi wiñicob x'ixicob tsa' ochiyob ti tonto i pusic'al. Mach yomic i chʌn u'biñob t'añ, tsi' muts'uyob i wut ame i q'uelob ti' wut, tsi' mʌcʌyob i chiquin ame i yu'biñob ti' chiquin, ame i ch'ʌmbeñob isujm ti' pusic'al, ame i cha' sutq'uiñob i bʌ cha'añ mij c'oq'uesañob”, che'en Jesús.

Mateo 13:38

Jiñi jamil jiñʌch pañimil; jiñi wen bʌ pac' jiñʌch i yalobilob i yumʌntel Dios; jiñi jam mach bʌ weñic jiñʌch i yalobilob jiñi xjontolil;

Juan 6:70

Jesús tsi' jac'be: —¿Mach ba tsa'ic j yajcayetla jatetla jiñi lajchʌntiquil, pero juntiquil i cha'añʌch xi'ba? —Che'en.

Juan 7:17

Majqui jach yom i mel chuqui yom Dios, mi caj i ña'tan mi ch'oyol j cʌntesa ti Dios, o mi ch'oyol jach tic bajñel pusic'al.

Juan 8:38

Joñon mic su'b chuqui tac tsa' j q'uele che' añon quic'ot c Tat; pero jatetla mi la' mel chuqui tac tsa' la' wu'bi ti' tojlel la' tat, che'en.

Juan 8:41

Jatetla mi la' mel che' bajche' i melbal la' tat. Jiñi cha'añ judíojob tsa' caji i su'beñob: —Joñon lojon mach tsa'ic quila lojon pañimil cha'añ ti' ts'i'lel wiñicob, juntiquil jach c Tat lojon, jiñʌch Dios.

Juan 8:55

Pero jatetla mach cʌmbilic la' cha'añ; joñon mij cʌn, mi tsa' c su'beyetla mach cʌñʌyic Dios, che'ic jiñi xloton che' bajche'etla, pero joñon cʌmbil c cha'añ, yic'ot mic jac'ben i t'añ.

Hechos 13:10

tsi' su'be: —¡I yalobilet xi'ba, but'ulet ti ca'bʌl lot yic'ot ca'bʌl jontolil, i contrajet pejtelel chuqui tac toj! ¿Chucoch ma'añic ma' cʌy a xoyben jiñi toj bʌ i bijlel lac Yum?

Hechos 24:9

Jiñi judíojob, tsi' yʌlʌyob ja'el cha'añ isujmʌch ti' pejtelel che' bajche' tsi' yʌlʌ Tértulo.

Hechos 5:3

Pedro tsi' su'be: —Ananías ¿chucoch tsa' bujt'i a pusic'al ti Satanás cha'añ ma' lotin jiñi Ch'ujul bʌ Espíritu che' bʌ tsa' lamital loto i tojol a lum?

2 Corintios 11:3

Pero mic cha'len bʌq'uen ame sojquic la' ña'tʌbal cha'añ lot che' bajche' tsa' lotinti jiñi Eva ti lucum, che'ʌch ja'el mi' mejlel la' taj la' lotintel cha'añ mi' jilel i xuc'tʌlel la' pusic'al ti Cristo,

1 Pedro 5:8

Ña'tanla pañimil, chʌcʌ q'uele la' bʌ, come jiñi xi'ba, jiñi la' contra, woli ti' pam ñumel che' bajche' colem bajlum woli bʌ ti jujuj t'añ, woli' chijtan i colojm cha'añ mi' c'ux.

2 Pedro 2:4

Dios ma'añic tsi' ñusʌbeyob i mul ángelob tsa' bʌ i cha'leyob mulil, pero tsi' chocoyob ochel ti c'ajc ba' tsi' yʌc'ʌ ti cʌjchel ti ic'ch'ipan bʌ pañimil c'ʌlʌl jinto ti' yorajlel meloñel;

1 Juan 1:8

Mi woli la cʌl ma'añic lac mul, woli lac bajñel lotin lac bʌ ti lac pusic'al, che' jiñi ma'añic isujmlel ti lac pusic'al.

1 Juan 2:21

Tsa' c ts'ijbubeyetla, mach cha'añic mach la' cʌñʌyic isujmlel, pero cʌntesʌbiletixla, la' wujil chuqui isujm yic'ot chuqui mach isujmic, mach tilemic lot ti jiñi isujm bʌ.

1 Juan 2:4

Jiñi mu' bʌ i yʌl: J cʌñʌyʌch Jesús, pero mi ma'añic mi' jac' i mandar Dios, woli ti lot jiñi wiñic, ma'añic isujmlel ti' pusic'al.

1 Juan 3:12

Mach yomic lajalonla bajche' Caín tsa' bʌ i tsʌnsa i yijts'in. ¿Chucoch tsi' tsʌnsa? Come Caín jontol i melbal pero toj i melbal i yijts'in.

1 Juan 3:15

Majqui jach mi' ts'a'len i yermañu, xtsʌnsajʌch, la' wujil ma'añic xtsʌnsa am bʌ i cuxtʌlel mach bʌ añic mi' jilel.

Judas 1:6

Jiñi ángelob ja'el mach bʌ añic tsi' cʌntayob i ye'tel yic'ot i ñuclel tsi' cʌyʌyob i yajñib, Dios tsi' cʌchʌyob ti cadena cha'añ mi' cʌytʌlob ti ic'ch'ipan bʌ pañimil ti pejtelel ora, c'ʌlʌl jinto ti jiñi ñuc bʌ i q'uiñilel meloñel.

Apocalipsis 12:9

Tsa' chojqui ju'bel jiñi colem ajin, jiñʌch jiñi oñiyix bʌ lucum, am bʌ cha'chajp i c'aba', xi'ba yic'ot Satanás, jiñʌch mu' bʌ i lotin pejtelel wiñicob x'ixicob ti pañimil, tsa' chojqui ju'bel ti lum yic'ot pejtelel i yángelob.

Apocalipsis 13:14

Tsi' loti pejtelel chumulo' bʌ ti pañimil yic'ot i yejtal i p'ʌtʌlel tsa' bʌ aq'uenti i pʌs ti' tojlel jiñi jontol bʌ bʌte'el, tsi' yʌq'ueyob mandar jiñi chumulo' bʌ ti pañimil cha'añ mi' melob i yejtal jiñi jontol bʌ bʌte'el tsa' bʌ lojwi ti espada, tsa' bʌ cha' lajmi i lojwel.

Apocalipsis 2:10

Mach la' bʌc'ñan jiñi wocol mu' bʌ caj i tajetla, awilan jiñi xi'ba mi caj i lamital otsañetla ti ñujp'ibʌl cha'añ i yilʌbentel la' pusic'al yic'ot mi caj la' tic'lʌntel lujump'ejl q'uiñ. Xuc'ul yom mi la' wajñel anquese mi la' wʌjq'uel ti chʌmel, mi caj cʌq'ueñetla la' cuxtʌlel che' bajche' corona.

Apocalipsis 21:8

Pero jiñi muc'o' bʌ ti bʌq'uen, yic'ot jiñi mach bʌ añic mi' ñopob, yic'ot jiñi bi'bi'o' bʌ, yic'ot xtsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre, jiñʌch i cha'yajlel mi' chʌmelob”, che'en.

Apocalipsis 22:15

Pero jiñi ts'i'ob mi cʌytʌlob ti jumpat yic'ot xwujt yic'ot jiñi mu' bʌ i cha'leñob ts'i'lel yic'ot xtsʌnsajob yic'ot jiñi mu' bʌ i ñopob dios te' yic'ot jiñi mu' bʌ i mulañob lot yic'ot jiñi mu' bʌ i cha'leñob lot”.

Apocalipsis 9:11

Añ i rey jiñi sajc', jiñʌch i yángel jiñi ch'eñ mach bʌ añix mi' tajbentel i ye'bal, i c'aba'ʌch Abadón ti' t'añ hebreo, jiñʌch Apolión ti' t'añ griego.