Juan 7:39 - Jiñi Tsiji' bʌ Wen T'añ cha'añ Estudio

³⁹ Jiñi ja' jiñʌch jiñi Espíritu mu' bʌ caj i yʌq'ueñtelob jiñi mu' bʌ i ñopob, come maxto añic tsa' aq'uentiyob Ch'ujul bʌ Espíritu, che' ja'el maxto añic tsa' aq'uenti i ñuclel Jesús.

Chol de Tumbalá Bible

³⁹ (Jini ja' jiñʌch jini Espíritu mu' bʌ caj i yʌq'uentelob jini mu' bʌ i ñopob, come maxto anic tsa' aq'uentiyob Ch'ujul bʌ Espíritu, come maxto anic tsa' aq'uenti i ñuclel Jesús.)

Jiñi Tsiji' bʌ Wen T'añ cha'añ Estudio

³⁹ Jiñi ja' jiñʌch jiñi Espíritu mu' bʌ caj i yʌq'ueñtelob jiñi mu' bʌ i ñopob, come maxto añic tsa' aq'uentiyob Ch'ujul bʌ Espíritu, che' ja'el maxto añic tsa' aq'uenti i ñuclel Jesús.

Chol Tila

³⁹ Cha'an ti yʌlʌ cuxul bʌ ja' chʌ'ʌch ti' tsictisʌ Jesús cha'an mi quejel i yʌq'uentyel Ch'ujul bʌ i Ch'ujlel jini mu' bʌ i ch'ujbin cha'an Ajcotyaya i cha'an Jesús. Como max tyo tyʌlemic Ch'ujul bʌ i Ch'ujlel Dios ti jim bʌ ora como max tyo ti tsictiyi i ñuclel Jesús como max tyo sajt, max tyo lets majlel ti panchan.

Chol: I T’an Dios

³⁹ (Jini ja' jiñʌch jini Espíritu mu' bʌ caj i yʌq'uentelob jini mu' bʌ i ñopob, come maxto anic tsa' aq'uentiyob Ch'ujul bʌ Espíritu, come maxto anic tsa' aq'uenti i ñuclel Jesús.)

Juan 7:39 Iomraidhean Croise

Mateo 16:14

Tsi' jac'ʌyob: —Cha'tiquil uxtiquil mi' yʌlob cha'añ jatet Juan tsa' bʌ i yʌc'ʌ ch'ʌmja', yam bʌ mi' yʌlob cha'añ jatetʌch jiñi Elías, yam bʌ mi' yʌlob cha'añ jatetʌch jiñi Jeremías, yam bʌ mi' yʌlob cha'añ jatet juntiquil x'alt'añ.

Mateo 21:11

Jiñi wiñicob x'ixicob tsi' yʌlʌyob: —Jiñʌch Jesús jiñi x'alt'añ ch'oyol bʌ ti Nazaret am bʌ ti Galilea.

Lucas 24:49

Awilan, mi caj c chocbeñetla tilel chuqui su'bebiletla i cha'añ c Tat mu' bʌ caj i yʌq'ueñetla. Cʌlenla wʌ' ti Jerusalén jinto mi la' wʌq'uentel la' p'ʌtʌlel ch'oyol bʌ ti chañ, che'en.

Lucas 3:16

Juan tsi' su'beyob ti pejtelelob: —Joñon ti isujm mi cʌq'ueñetla ch'ʌmja', pero tal jiñi ñumen p'ʌtʌl bʌ bajche' joñon. Mach ñucoñic cha'añ mic ticben i ch'ajñal i warach. Jiñʌch mu' bʌ caj i yʌq'ueñetla la' ch'ʌm Ch'ujul bʌ Espíritu yic'ot c'ajc.

Lucas 7:16

Ti pejtelelob tsa' cajiyob ti bʌq'uen, tsi' tsictesayob i ñuclel Dios, tsi' yʌlʌyob: “Tsa'ix tili ñuc bʌ x'alt'añ ba'añonla, Dios tsa'ix i jula'ta i cha'año' bʌ”.

Juan 1:21

Tsi' c'ajtibeyob: —¿Majquiyet, che' jiñi? ¿Jatet ba Elías? Juan tsi' yʌlʌ: —Mach joñoñic. Tsi' cha' c'ajtibeyob: —¿Jatet ba jiñi x'alt'añ? Juan tsi' su'beyob: —Mach joñoñic.

Juan 1:25

Tsi' c'ajtibeyob: —¿Chucoch ma' wʌc' ch'ʌmja' che' jiñi, mi mach Cristojet, mi mach Elíaset, mi mach x'alt'añet?

Juan 1:33

Mach cʌmbilic c cha'añ ti ñaxan, pero jiñi tsa' bʌ i chocoyon tilel cha'añ mi cʌc' ch'ʌmja' tsi' su'beyon: “Jiñi mu' bʌ a q'uel che' mi' ju'bel tilel jiñi Espíritu, mu' bʌ i cʌytʌl ti' tojlel; jiñʌch mu' bʌ i yʌq'ueñetla la' ch'ʌm jiñi Ch'ujul bʌ Espíritu”, che'en.

Juan 12:16

Jiñi xcʌnt'añob i cha'añ ma'añic tsi' ch'ʌmbeyob isujm ti ñaxan chuqui woli yujtel, pero ti wi'il che' bʌ tsa' aq'uenti i ñuclel Jesús, tsi' ña'tayob chuqui tac ts'ijbubil ti' tojlel Jesús yic'ot chuqui tac tsa' tumbenti ti pañimil.

Juan 12:23

Jesús tsi' jac'beyob: —Tsa'ix c'oti i yorajlel cha'añ mi caj i yʌq'uentel i ñuclel i Yalobil Wiñic.

Juan 14:13

Pejtelel chuqui tac mi la' c'ajtiben c Tat tij c'aba', mi caj c mel cha'añ mi' tsictiyel i ñuclel c Tat ti Yalobil.

Juan 14:26

Jiñi la' waj Pi'leya, jiñʌch Ch'ujul bʌ Espíritu, mu' bʌ caj i chocbeñetla tilel c Tat ti j c'aba', jiñi mi caj i cʌntesañetla pejtelel chuqui tac añ, mi caj i yʌq'ueñetla la' cha' ña'tan pejtelel chuqui tsa' c su'beyetla.

Juan 16:14

Mi caj i pʌs c ñuclel, come mi caj i lu' ch'ʌm ti' wenta che' jiñi mi caj i yʌq'ueñetla la' cʌn.

Juan 16:7

Pero Joñon mic su'beñetla ti' isujm: Ñumen uts'at cha'añetla mi tsa' majliyon; come mi ma'añic mic majlel, mach talic la' waj Pi'leya ba'añetla; pero mi tsa' majliyon mi caj c chocbeñetla tilel.

Juan 17:1

Che' bʌ tsa' ujti ti t'añ Jesús, tsi' letsa i wut ti panchan, tsi' yʌlʌ: —C Tat, i yorajlelix wʌle. Pʌsʌ i ñuclel a Walobil, cha'añ mi' pʌs a ñuclel a Walobil ja'el.

Juan 17:5

Wʌle, c Tat, pʌsʌ c ñuclel che' bajche' añ c cha'añ quic'otet che' maxto añic pañimil.

Juan 20:22

Che' bʌ tsa' ujti i su'b jiñi t'añ, tsi' wujtayob, tsi' su'beyob: —Ch'ʌmʌla jiñi Ch'ujul bʌ Espíritu.

Juan 6:14

Jiñi wiñicob tsa' bʌ i q'ueleyob i yejtal i p'ʌtʌlel tsa' bʌ i pʌsʌ Jesús, tsi' yʌlʌyob: “Ili wiñic jiñʌch isujm bʌ x'alt'añ mu' bʌ i tilel ti pañimil”.

Juan 7:12

Ca'bʌl tsi' cha'leyob wulwul t'añ wiñicob x'ixicob cha'añ Jesús, lamital tsi' yʌlʌyob: Uts'at i pusic'al, yaño' bʌ tsi' yʌlʌyob: Mach uts'atic, come woli' soc wiñicob x'ixicob.

Juan 8:54

Jesús tsi' jac'beyob: —Mi tsa' c bajñel su'bu c bʌ ti ñuc, ma'añic c ñuclel; c Tat mi' tsictesan c ñuclel, jiñi mu' bʌ la lon pejcan ti la' Dios.

Hechos 19:2

Tsi' c'ajtibeyob: —¿Tsa' ba aq'uentiyetla Ch'ujul bʌ Espíritu che' bʌ tsa' la' ñopo? Tsi' jac'ʌyob: —Ma'añic, maxto añic tsa' cu'bi lojon mi añ Ch'ujul bʌ Espíritu.

Hechos 2:17

“Dios mi' yʌl: Ti jiñi cojix bʌ q'uiñ tac, mi caj cʌq'ueñob quEspíritu pejtelel wiñicob x'ixicob, jiñi ch'itoñ yic'ot xch'oc bʌ la' walobilob mi caj i cha'leñob alt'añ; jiñi ch'itoñ wiñicob mi caj i q'uelob chuqui mi' pʌsbentelob ti espíritu, jiñi ñoxobix bʌ mi' cajelob ti ñajal.

Hechos 2:33

Tsa'ix aq'uenti i ñuclel Jesús ti' ñoj Dios, tsa' ts'ʌctiyi i t'añ i Tat tsa' bʌ i su'be Jesús cha'añ mi caj i yʌc' Ch'ujul bʌ Espíritu. Tsa'ix i choco tilel jiñʌch jiñi woli bʌ la' q'uel yic'ot jiñi woli bʌ la' wu'bin.

Hechos 2:38

Pedro tsi' su'beyob: —Cʌyʌx la' mul, ch'ʌmʌxla ja' ti jujuntiquiletla ti' c'aba' Jesucristo, cha'añ mi' ñusʌntel la' mul; che' jiñi mi caj la' wʌq'uentel Ch'ujul bʌ Espíritu ti la' majtañ.

Hechos 2:4

Tsa' laj bujt'iyob ti Ch'ujul bʌ Espíritu, tsa' cajiyob ti t'añ ti yan tac bʌ t'añ che' bajche' tsi' yʌq'ueyob t'añ jiñi Espíritu.

Hechos 3:13

I Dios Abraham, Isaac, Jacob yic'ot lac ñojte'elob, tsa'ix i tsictesa i ñuclel i Yalobil, jiñʌch Jesús. Jatetla tsa'ix la' wʌc'ʌ ti' c'ʌb i contra, tsa' la' ts'a'le ti' tojlel Pilato che' bʌ tsi' ña'ta i yʌc' ti colel.

Hechos 4:31

Che' bʌ tsa' ujti i pejcañob Dios, tsa' ñijcʌyi jiñi otot ba' tempʌbilob. Ti pejtelelob tsa' bujt'iyob ti Ch'ujul bʌ Espíritu, ti jim bʌ ora tsi' chʌn su'buyob i t'añ Dios ti' ch'ejlelob i pusic'al.

Romanos 8:9

Pero jatetla mach chʌn añetixla ti' p'ʌtʌlel la' tsucul pusic'al, añetla ti' wenta Espíritu mi woli' yajñel i yEspíritu Dios ti la' pusic'al. Jiñi mach bʌ añic i cha'añ i yEspíritu Cristo, mach i cha'añic Dios.

2 Corintios 3:8

¿Mach ba ñumen ñuquic i ye'tel jiñi Espíritu?

Efesios 4:30

Mach la' wʌq'uen i ch'ijiyemlel i pusic'al jiñi Ch'ujul bʌ Espíritu tsa' bʌ la' taja ti Dios, come jiñʌch la' sellojlel ti jiñi tal to bʌ q'uiñ che' mi caj la' coltʌntel.