Juan 7:30 - Jiñi Tsiji' bʌ Wen T'añ cha'añ Estudio

³⁰ Jiñi cha'añ tsi' ña'ta i chucob Jesús, ma'añic majqui tsi' chucu come maxto c'otemic i yorajlel.

Chol de Tumbalá Bible

³⁰ Jini cha'an tsi' ña'tayob i ñup' Jesús. Ma'anic majch tsi' chucu come maxto c'otemic i yorajlel.

Jiñi Tsiji' bʌ Wen T'añ cha'añ Estudio

³⁰ Jiñi cha'añ tsi' ña'ta i chucob Jesús, ma'añic majch tsi' chucu come maxto c'otemic i yorajlel.

Chol Tila

³⁰ Che' jini, yom i chucob Jesús cha'an i cʌchob. Pero mach'an ti' chucuyob como max tyo ts'ʌctyay yorojlel cha'an mi quejel i chucob.

Chol: I T’an Dios

³⁰ Jini cha'an tsi' ña'tayob i ñup' Jesús. Ma'anic majch tsi' chucu come maxto c'otemic i yorajlel.

Juan 7:30 Iomraidhean Croise

Mateo 12:14

Che' jiñi tsa' loq'uiyob jiñi fariseojob, tsi' tempayob i bʌ cha'añ mi' ña'tañob bajche' yom mi' tsʌnsañob Jesús.

Mateo 21:46

Che' bʌ woli' ña'tañob bajche' mi mejlel i chucob Jesús, tsi' bʌc'ñayob wiñicob x'ixicob come woli' yʌlob x'alt'añʌch.

Marcos 11:18

Che' bʌ tsi' yu'biyob jiñi xts'ijbayajob yic'ot jiñi ñuc bʌ motomajob, tsi' sajcayob bajche' mi mejlel i tsʌnsañob come tsi' bʌc'ñayob Jesús. Come tsa' toj ñuc-ayob i pusic'al pejtelel wiñicob x'ixicob cha'añ i cʌntesʌbal.

Lucas 20:19

Ti jim bʌ ora, jiñi ñuc bʌ motomajob yic'ot xts'ijbayajob tsa' caji i ña'tañob bajche' mi mejlel i chucob Jesús, come tsi' ch'ʌmbeyob isujm cha'añ tsi' cha'le t'añ ti lajiya ti' contrajob, pero tsi' bʌc'ñayob wiñicob.

Lucas 22:53

Che' ya'añon quic'otetla jujump'ejl q'uiñ ti Templo ma'añic tsa' la' chucuyon. Wʌle la' cha'añʌch ili ora. I yorajlelix mi' pʌstʌl i p'ʌtʌlel ic'ch'ipan bʌ pañimil.

Juan 10:31

Jiñi cha'añ jiñi judíojob tsi' cha' lotoyob xajlel cha'añ mi' julob.

Juan 10:39

Jiñi judíojob tsi' cha' ñopo i chucob, pero tsa' puts'i loq'uel ti' tojlelob.

Juan 11:57

Jiñi ñuc bʌ motomajob yic'ot fariseojob tsi' yʌc'ʌyob mandar cha'añ mi' añ majqui yujil baqui añ Jesús, yom mi' su'bentelob, come yom i chucob.

Juan 7:19

¿Mach ba añic tsi' yʌq'ueyetla mandar Moisés? Pero ma'añic mi la' jac' mi juntiquileticla. ¿Chucoch la' wom la' tsʌnsañon?

Juan 7:32

Jiñi fariseojob tsi' yu'biyob jiñi t'añ tsa' bʌ i yʌlʌyob wiñicob x'ixicob, jiñi cha'añ jiñi ñuc bʌ motomajob yic'ot fariseojob tsi' chocoyob tilel i wiñicob cha'añ mi' chucob Jesús.

Juan 7:6

Jiñi cha'añ Jesús tsi' su'beyob: —Maxto c'otemic i yorajlel cha'añ mic majlel, pero jatetla mi la' mel bajche' jach la' wom.

Juan 7:8

Cucula jatetla ti' jiñi q'uiñijel; joñon maxto añic mic letsel majlel come maxto i yorajlelic, —che'en Jesús.

Juan 8:20

Ili t'añ tsi' yʌlʌ Jesús ya' ba' mi' yotsañob i yofrenda, tsi' cha'le cʌntesa ti Templo; ma'añic majqui tsi' chucu come maxto c'otemic i yorajlel.

Juan 8:37

Cujil i p'olbaletla Abraham, pero woli la' ña'tan la' tsʌnsañon come ma'añic mi' yochel c t'añ ti la' pusic'al.

Juan 8:59

Jiñi cha'añ tsi' lotoyob xajlel cha'añ mi' julob pero Jesús tsi' mʌcʌ i bʌ, tsa' loq'ui ti Templo, che' bʌ tsa' ñumi ti ojlil ba'añob, tsa' majli.

Juan 9:4

Wersa mic melben i ye'tel jiñi tsa' bʌ i chocoyon tilel che' q'uiñil to, come tal ac'ʌlel che' ma'añic majqui mi mejlel i cha'len e'tel.