Juan 6:61 - Jiñi Tsiji' bʌ Wen T'añ cha'añ Estudio

⁶¹ Yujil Jesús ti' bajñelil woliyob ti wulwul t'añ xcʌnt'añob i cha'añ, cha'añ i cʌntesa, tsi' su'beyob: —¿Mu' ba i tic'lañetla ili c t'añ?

Chol de Tumbalá Bible

⁶¹ Yujil Jesús ti' bajñelil woliyob ti wulwul t'an xcʌnt'añob i cha'an cha'an i cʌntesa. Tsi' c'ajtibeyob: ¿Tile bixel jax ba la' pusic'al cha'an c t'an?

Jiñi Tsiji' bʌ Wen T'añ cha'añ Estudio

⁶¹ Yujil Jesús ti' bajñelil woliyob ti wulwul t'añ xcʌnt'añob i cha'añ, cha'añ i cʌntesa, tsi' su'beyob: —¿Mu' ba i tic'lañetla ili c t'añ?

Chol Tila

⁶¹ Yujil isujm Jesús cha'an chʌncolob ti t'an ti caj jini tsa' bʌ i yʌlʌ. Ti' c'ajtibeyob: ¿Tyoj bʌc'ñʌjelet ba la cha'an ti caj ili c t'an?

Chol: I T’an Dios

⁶¹ Yujil Jesús ti' bajñelil woliyob ti wulwul t'an xcʌnt'añob i cha'an cha'an i cʌntesa. Tsi' c'ajtibeyob: ¿Tile bixel jax ba la' pusic'al cha'an c t'an?

Juan 6:61 Iomraidhean Croise

Mateo 11:6

Tijicña jiñi mach bʌ añic mi lon tejchel tilebixel bʌ i pusic'al cha'añ c melbal, —che'en Jesús.

Mateo 17:27

Pero cha'añ ma'añic mi lac techbeñob i mich'ajel, cucu ti mar, choco ochel luquijib, jiñi ñaxan bʌ chʌy mu' bʌ a chuc, ch'ʌmʌ, che' ma' cawben i yej ya'i mi caj a taj jump'ejl estatero. Ch'ʌmʌ majlel, aq'ueñob, cha'añon yic'ot a cha'añ.

Juan 16:19

Jesús tsi' ña'ta chuqui yom i c'ajtibeñob, tsi' su'beyob: —¿Mu' ba la' c'ajtiben la' bʌ chuqui isujmlel c t'añ tsa' bʌ cʌlʌ: “Ila ti jumuc' ma'añic mi caj la' q'uelon, ti yam bʌ jumuc' mi caj la' cha' q'uelon”?

Juan 21:17

Jesús tsi' cha' c'ajtibe ti' yuxyajlel: —Simón, i yalobilet bʌ Jonás, ¿mu' ba a c'uxbiñon? Pedro tsa' caji i mel i pusic'al come tsi' c'ajtibe ti yuxyajlel: “¿Mu' ba a c'uxbiñon?” Tsi' jac'be: —C Yum, jatet laj awujil; awujil mij c'uxbiñet. Jesús tsi' su'be: —Aq'uen i buc'bal c tʌñʌme'.

Juan 6:64

Pero añ lamitaletla ma'añic mi la' ñop. Come yujil Jesús c'ʌlʌl ti' cajibal majquiyob jiñi mach bʌ añic mi' ñopob yic'ot majqui jiñi mu' bʌ caj i yʌc' ti' c'ʌb i contra.

Hebreos 4:13

Ma'añic chuqui melbil i cha'añ Dios mucul bʌ ti' wut, laj tsiquil ti' wut pejtelel chuqui tac añ; wersa mi caj lac mel lac bʌ ti' tojlel jiñi mu' bʌ i laj q'uel lac melbal.

Apocalipsis 2:23

Mi caj c tsʌnsan i yalobilob Jezabel, pejtelel xñopt'añob baqui jach mi' tempañob i bʌ mi caj i ña'tañob joñoñʌch mu' bʌ c wen q'uelbeñob i pusic'al yic'ot i ña'tʌbal, ti jujuntiquiletla mi caj cʌq'ueñetla la' tojol che' bajche' añ la' melbal.