Juan 6:46 - Jiñi Tsiji' bʌ Wen T'añ cha'añ Estudio

⁴⁶ Ma'añic majqui tsi' q'uele c Tat mi juntiquilic, jiñi jach jiñi tsa' bʌ tili ti Dios; jiñi tsa'ix i q'uele lac Tat.

Chol de Tumbalá Bible

⁴⁶ Ma'anic majch tsi' q'uele c Tat mi juntiquilic, jini jach jini ch'oyol bʌ ti Dios. Jini tsa'ix i q'uele c Tat.

Jiñi Tsiji' bʌ Wen T'añ cha'añ Estudio

⁴⁶ Ma'añic majch tsi' q'uele c Tat mi juntiquilic, jiñi jach jiñi tsa' bʌ tili ti Dios; jiñi tsa'ix i q'uele lac Tat.

Chol Tila

⁴⁶ Ma' majch ti yilʌ c Tyat. Joñon jach tsa' bʌ quilʌ como yʌ'ʌch tyʌlemon ti Dios.

Chol: I T’an Dios

⁴⁶ Ma'anic majch tsi' q'uele c Tat mi juntiquilic, jini jach jini ch'oyol bʌ ti Dios. Jini tsa'ix i q'uele c Tat.

Juan 6:46 Iomraidhean Croise

Mateo 11:27

Pejtelel chuqui tac añ, aq'uebilon i cha'añ c Tat. Ma'añic majqui mi' cʌñon, cojach c Tat, che' ja'el ma'añic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Lucas 10:22

Pejtelel chuqui tac añ, aq'uebilon i cha'añ c Tat, ma'añic majqui mi' cʌñon cojach c Tat, che' ja'el, ma'añic majqui mi' cʌn c Tat cojach joñon come i Yalobilon, mi' cʌñob c Tat ja'el majqui jach mi cʌq'uen i cʌn”.

Juan 1:18

Ma'añic majqui wis q'uelbil i cha'añ Dios; jiñi jach cojach bʌ i Yalobil, am bʌ ti' t'ejl i Tat, jiñi tsi' yʌc'ʌ ti cʌjñel i Tat.

Juan 14:7

Che' muq'uic la' cʌñon, mi' mejlel la' cʌn c Tat ja'el, wʌle cʌñʌlix la' cha'añ come tsa'ix la' q'uele, che'en.

Juan 15:24

Che' machic jax tsa' c mele ñuc tac bʌ que'tel mach bʌ añic majqui melbil i cha'añ ti ñaxan, che' jiñi ma'añobic i mul; pero wʌle tsa'ix i q'ueleyob, mi' ts'a'leñoñob temel quic'ot c Tat.

Juan 5:37

C Tat ja'el tsa' bʌ i chocoyon tilel tsa'ix i yʌc'ʌyon ti cʌjñel, jatetla ma'añic ba' ora tsa' la' wis u'bibe i t'añ, ma'añic ba' tsa' la' q'uele bajche' yilal Dios.

Juan 7:29

Pero joñon mij cʌn come ya' ch'oyolon ya' ba'añ, jiñi tsi' chocoyon tilel, che'en.

Juan 8:19

Tsi' c'ajtibeyob: —¿Baqui añ a Tat? —Che'en. Jesús tsi' jac'beyob: —Ma'añic mi la' cʌñon, ma'añic mi la' cʌn c Tat ja'el; tsa'ic la' cʌñʌyon, tsa' la' cʌñʌ c Tat ja'el.

Juan 8:55

Pero jatetla mach cʌmbilic la' cha'añ; joñon mij cʌn, mi tsa' c su'beyetla mach cʌñʌyic Dios, che'ic jiñi xloton che' bajche'etla, pero joñon cʌmbil c cha'añ, yic'ot mic jac'ben i t'añ.

Colosenses 1:15

Cristo i yejtalʌch Dios mach bʌ mejlic laj q'uel, jiñʌch jiñi am bʌ ti ñaxan ti pejtelel i melbal Dios.

1 Timoteo 6:16

jiñi cojach bʌ mach bʌ añic mi' chʌmel, jiñi chumul bʌ ti' sʌclel ba' mach mejlic lac lʌc'tesan lac bʌ, jiñi mach bʌ q'uelbilic i cha'añ wiñicob mi juntiquilic, mach bʌ mejlic laj q'uel ja'el. La' q'uejlic ti ñuc, la' yumʌntic ti pejtelel ora. Amén.

1 Juan 4:12

Maxto añic mi' juntiquil tsa' bʌ i q'uele Dios, che' woli laj c'uxbin lac bʌ, Dios mi' yajñel ti joñonla, che' jiñi wolix i ts'ʌctiyel majlel i c'uxbiya ti lac pusic'al.