Juan 6:27 - Jiñi Tsiji' bʌ Wen T'añ cha'añ Estudio

²⁷ Cha'lenla e'tel, mach cha'añic jiñi we'elʌl mu' bʌ i jilel, cha'lenla e'tel cha'añ jiñi we'elʌl mu' bʌ i jalijel cha'añ mi la' taj la' cuxtʌlel mach bʌ añic mi' jilel, i Yalobil Wiñic mi caj i yʌq'ueñetla jiñi we'elʌl, come Dios lac Tat tsa'ix i yʌq'ueyon c p'ʌtʌlel cha'añ ili e'tel.

Chol de Tumbalá Bible

²⁷ Mach mi la' cha'len e'tel cha'an jini we'elʌl mu' bʌ i jilel. Cha'lenla e'tel cha'an jini we'elʌl mu' bʌ i jalijel cha'an mi la' taj la' cuxtʌlel mach bʌ anic mi' jilel. I Yalobil Winic mi caj i yʌq'ueñetla jini we'elʌl, come Dios c Tat tsa'ix i yʌq'ueyon c p'ʌtʌlel cha'an ili e'tel. Che' tsi' yʌlʌ Jesús.

Jiñi Tsiji' bʌ Wen T'añ cha'añ Estudio

²⁷ Cha'lenla e'tel, mach cha'añic jiñi we'elʌl mu' bʌ i jilel, cha'lenla e'tel cha'añ jiñi we'elʌl mu' bʌ i jalijel cha'añ mi la' taj la' cuxtʌlel mach bʌ añic mi' jilel, i Yalobil Wiñic mi caj i yʌq'ueñetla jiñi we'elʌl, come Dios lac Tat tsa'ix i yʌq'ueyon c p'ʌtʌlel cha'añ ili e'tel.

Chol Tila

²⁷ Mach yom mi jin jach mi la' cha'len toñel cha'an la' tyaj waj mu' jach bʌ i jilel. Pero yom mi la' cha'len wersa je'el cha'an la' tyaje' mu' bʌ i jalijel mu' bʌ i yʌq'ueñetla la' cuxtyʌlel mach'ʌ yujil jilel. Jiñʌch jini waj mu' bʌ cʌq'ueñetla Joñon i Pi'ʌlon bʌ Quixtyañujob como Dios c Tyat tsa'ix i yʌc'on tic wenta cha'an cʌq'ueñob i cuxtyʌlel mach'ʌ yujil jilel, che'en.

Chol: I T’an Dios

²⁷ Mach mi la' cha'len e'tel cha'an jini we'elʌl mu' bʌ i jilel. Cha'lenla e'tel cha'an jini we'elʌl mu' bʌ i jalijel cha'an mi la' taj la' cuxtʌlel mach bʌ anic mi' jilel. I Yalobil Winic mi caj i yʌq'ueñetla jini we'elʌl, come Dios c Tat tsa'ix i yʌq'ueyon c p'ʌtʌlel cha'an ili e'tel. Che' tsi' yʌlʌ Jesús.

Juan 6:27 Iomraidhean Croise

Mateo 17:5

Che' woli to ti t'añ, tsi' mosoyob wen sʌsʌc bʌ tocal; tsa' loq'ui t'añ ti tocal, tsi' yʌlʌ: Jiñʌch Calobil mu' bʌ j c'uxbin, tijicña c pusic'al mij q'uel; u'bibenla i t'añ, che'en.

Mateo 25:46

Jiñi cha'añ ili jontolo' bʌ mi caj i majlelob ti tojmulil mach bʌ añic mi' jilel, jiñi tojo' bʌ mi caj i tajob i cuxtʌlel mach bʌ añic mi' jilel, che'en Jesús.

Mateo 3:17

Awilan, tsa' loq'ui tilel t'añ ti panchan, tsi' yʌlʌ: “Jiñʌch Calobil mu' bʌ j c'uxbin, mu' bʌ i yʌq'ueñon c tijicñʌyel”, che'en.

Mateo 6:19

Mach mi la' tempan la' chu'bʌañ ti pañimil ba' mi' jisan i chʌñil, ba' mi' cajel ti ta', ba' mi' yochelob xujch' i xujch'iñob loq'uel,

Mateo 8:20

Jesús tsi' su'be: —Añ i yotot wax, añ i c'u' te'lemut, pero i Yalobil Wiñic ma'añic ba' mi' mejlel i c'aj i yoj, —che'en.

Marcos 1:11

Tsa' loq'ui tilel t'añ ti panchan tsa' bʌ i yʌlʌ: Jatet Calobilet, mu' bʌ j c'uxbin, ti' a tojlel mi' cu'bin j tijicñʌyel, che'en.

Marcos 9:7

Che' jiñi tsa' tili tocal, tsi' mosoyob, tsa' tili t'añ ti tocal, tsi' yʌlʌ: Jiñʌch Calobil, c'ux bʌ mi cu'bin, ñʌch'tanla, che'en.

Lucas 3:22

tsa' ju'bi tilel jiñi Ch'ujul bʌ Espíritu ba'añ Jesús, che' yilal che' bajche' x'ujcuts. Tsa' tili t'añ ch'oyol bʌ ti panchan. Tsi' su'bu: “Jatet Calobil mu' bʌ j c'uxbin. Ti a tojlel mi cu'bin c tijicñʌyel”, che'en.

Lucas 9:35

Tsa' loq'ui t'añ ti jiñi tocal, tsi' yʌlʌ: “Jiñʌch c'uxbibil bʌ Calobil. U'bibenla i t'añ”, che'en.

Juan 10:28

Mi cʌq'ueñob i cuxtʌlel mach bʌ añic mi' jilel, ma'añic mi caj i jilelob ti pejtelel ora, ma'añic majqui mi caj i chilbeñon tij c'ʌb.

Juan 11:42

Cujil ma' chʌn u'bibeñon c t'añ, tsa' cʌlʌ jiñi t'añ cha'añ mi' yu'biñob jiñi año' bʌ tic joytʌlel, cha'añ mi' ñopob, jatet tsa' chocoyon tilel, —che'en Jesús.

Juan 14:6

Jesús tsi' su'be: —Joñon i bijlelon, isujmlelon, i cuxtʌlelon, ma'añic majqui mi' c'otel ba'añ c Tat, jiñi jach am bʌ tic wenta.

Juan 15:24

Che' machic jax tsa' c mele ñuc tac bʌ que'tel mach bʌ añic majqui melbil i cha'añ ti ñaxan, che' jiñi ma'añobic i mul; pero wʌle tsa'ix i q'ueleyob, mi' ts'a'leñoñob temel quic'ot c Tat.

Juan 17:2

Come tsa' wʌq'ue i p'ʌtʌlel a Walobil ti' tojlel pejtelel wiñicob x'ixicob, cha'añ mi cʌq'ueñob i cuxtʌlel mach bʌ añic mi' jilel ti pejtelelob jiñi tsa' bʌ a wʌq'ueyon.

Juan 3:15

cha'añ ma'añic mi' sajtel majqui jach mi' ñop. Mi' taj i cuxtʌlel mach bʌ añic mi' jilel.

Juan 3:33

Jiñi mu' bʌ i ñopben i t'añ mi' su'b isujmʌch Dios.

Juan 6:40

Come jiñi yom bʌ c Tat tsa' bʌ i chocoyon tilel jiñʌch cha'añ pejtelel mu' bʌ i q'uel i Yalobil Dios, yic'ot mu' bʌ i ñopob mi' tajob i cuxtʌlel mach bʌ añic mi' jilel; joñon mi caj c techob ch'ojyel ti jiñi cojix bʌ q'uiñ, —che'en Jesús.

Juan 6:47

Isujm, isujm mic su'beñetla, jiñi mu' bʌ i ñopon, añix i cuxtʌlel mach bʌ añic mi' jilel.

Juan 6:51

Joñoñʌch jiñi cuxul bʌ Waj tsa' bʌ ju'bi tilel ti panchan, mi añ majqui mi' c'ux ili Waj, chʌn cuxul ti pejtelel ora; jiñi Waj mu' bʌ cʌc' jiñʌch c bʌc'tal, mu' bʌ cʌc' cha'añ i cuxtʌlel jiñi año' bʌ ti pañimil.

Juan 6:53

Jesús tsi' su'beyob: —Isujm, isujm mic su'beñetla, mi ma'añic mi la' c'uxben i bʌc'tal i Yalobil Wiñic, mi ma'añic mi la' japben i ch'ich'el, ma'añic la' cuxtʌlel.

Juan 6:54

Jiñi mu' bʌ i c'ux c bʌc'tal, mu' bʌ i jap c ch'ich'el, añix i cuxtʌlel mach bʌ añic mi' jilel; joñon mi caj c tech ch'ojyel ti jiñi cojix bʌ q'uiñ.

Juan 6:58

Jiñʌch jiñi Waj tsa' bʌ ju'bi tilel ti panchan, mach che'ic bajche' jiñi maná tsa' bʌ i c'uxuyob la' ñojte'elob anquese tsi' c'uxuyob tsa' chʌmiyob, jiñi mu' bʌ i c'uxob jiñi Waj mu' bʌ cʌq'ueñob, chʌn cuxul mi' yajñelob ti pejtelel ora, che'en.

Juan 6:62

¿Chuqui mi caj la' wʌl, che' jiñi, mi tsa' la' q'uele i Yalobil Wiñic che' mi' letsel majlel ya' ba' tsa' chumle ti ñaxan?

Juan 6:68

Simón Pedro tsi' jac'ʌ: —C Yum, ¿am ba yam bʌ mu' bʌ mejlel tsajcan lojon majlel? Come jatet jach ma' su'b jiñi t'añ cha'añ mic taj lojon j cuxtʌlel mach bʌ añic mi' jilel.

Juan 8:18

Joñon mic bajñel su'b c bʌ; che' ja'el c Tat tsa' bʌ i chocoyon tilel mi' yʌc'on ti cʌjñel, —che'en.

Hechos 10:38

Dios tsi' yajca Jesús jiñi loq'uem bʌ ti Nazaret cha'añ mi yʌq'ueñ Ch'ujul bʌ Espíritu yic'ot i p'ʌtʌlel. Baqui jach tsa' ñumi tsi' mele chuqui uts'at tac, tsi' lajmesa pejtelel jiñi tic'lʌbilo' bʌ i cha'añ xi'ba, come añ Dios yic'ot.

Hechos 2:22

Israelob, u'binla jiñi t'añ: Dios tsi' pʌsbeyetla cha'añ uts'at jiñi Jesús ch'oyol bʌ ti Nazaret, come Dios tsi' c'ʌñʌ cha'añ mi' pʌs jiñi ñuc bʌ i melbal yic'ot jiñi bʌbʌq'uen tac bʌ i yejtal i p'ʌtʌlel ti la' tojlel che' bajche' la' wujil.

Romanos 4:11

Ti wi'il tsa' tsepbenti i pʌchʌlel Abraham cha'añ i yejtal yic'ot i sellojlel toj bʌ i pusic'al tsa' bʌ aq'uenti cha'añ tsi' ñopo Dios che' maxto tsepbilic i pʌchʌlel, cha'añ mi' yochel ti' tat pejtelelob mu' bʌ i ñopob Dios che' mach tsepbilobic i pʌchʌlel, cha'añ che' jiñi mi' q'uejlelob ti toj ja'el cha'añ tsi' ñopoyob.

Romanos 6:23

Come i tojol jiñi mulil, jiñʌch chʌmel, pero lac majtañ mu' bʌ i yʌq'ueñonla Dios jiñʌch laj cuxtʌlel mach bʌ añic mi' jilel ti lac Yum Cristo Jesús.

1 Corintios 6:13

Uts'at we'elʌl cha'añ lac ñʌc'. Jiñi lac ñʌc' i yajñibʌch we'elʌl, pero Dios mi caj i jisan lac ñʌc' yic'ot we'elʌl. Jiñi lac bʌc'tal mach cha'añic ts'i'lel, i cha'añʌch lac Yum. Lac Yum mi caj i coltañ lac bʌc'tal.

1 Corintios 9:2

I tajol yaño' bʌ mi' yʌlob mach apóstoloñic, pero ti la' tojlel jiñʌchi come jatetla i sellojlel que'tel ti lac Yum.

2 Corintios 4:18

Come ma'añic mi lac xuc'chocon lac pusic'al ti chuqui tac mi laj q'uel ti pañimil, pero mi lac xuc'chocon ti jiñi mach bʌ tsiquilic am bʌ ti panchan, come jiñi tsiquil tac bʌ ñumel jach woli, jiñi mach bʌ tsiquilic ma'añic mi' jilel ti pejtelel ora.

Gálatas 5:6

come ti Cristo Jesús ma'añic chuqui mi' cha'len mi tsepbil lac pʌchʌlel, o mi mach tsepbilic lac pʌchʌlel, pero ca'bʌl i c'ʌjñibal che' ñopolix lac cha'añ jiñi wen t'añ mu' bʌ i yʌq'ueñonla laj c'uxbin lac bʌ.

Filipenses 2:13

come Dios woli' mel i ye'tel ti la' pusic'al cha'añ mi la' mulan yic'ot cha'añ mi la' mel chuqui yom Dios.

Colosenses 1:29

Jiñi cha'añ wersa mic cha'len e'tel, pejtelel c p'ʌtʌlel tilem ti Cristo, woli bʌ ti e'tel tic tojlel.

Colosenses 2:22

che' bajche' i tilel mi' cha'leñob cʌntesa yic'ot tic'oñel i cha'año' bʌ pañimil, pejtelel chuqui tac tic'bil mi' jilel i c'ʌjñibal.

Colosenses 3:2

Chʌn ña'tanla chuqui añ ti chañ, mach jiñic am bʌ ti pañimil.

1 Tesalonicenses 1:3

ti' tojlel Dios lac Tat woli c chʌn ña'tan lojon bajche' tsa' la' ñopo Dios, yic'ot bajche' woli la' c'uxbin, yic'ot bajche' woli la' pijtan lac Yum Jesucristo, wen tsiquil la' xuc'tʌlel ti la' melbal, come woli la' wen melben i ye'tel cha'añ c'ux mi la' wu'bin.

2 Timoteo 2:19

Pero tsʌts wa'chocobilonla ti Dios. Tsi' yʌq'ueyonla lac sellojlel ba' ts'ijbubil: “Lac Yum mi' cʌn i cha'año' bʌ”. Jiñi cha'añ la' i cʌy i jontolil jujuntiquil mu' bʌ i pejcʌben i c'aba' Cristo.

Hebreos 12:16

Tsajiletla ame añic majqui mi' taj i yixic, ame añic majqui mi' ts'a'len jiñi uts'at tac bʌ i cha'añ Dios che' bajche' Esaú, tsi' choño i yʌscunlel cha'añ mi' poj taj i bʌl i ñʌc'.

Hebreos 4:11

La' lac cha'len wersa cha'añ mi laj c'aj la co, ame añic majqui mi' yajlel ti mulil che' bajche' la' tatob tsa' bʌ i ñusʌbeyob i t'añ.

Santiago 1:11

Che' wen ticʌw q'uiñ mi' tiquesan jam, mi' p'ajtel i ñich pimel, mi' jilel i t'ojlʌwel. Che'ʌch ja'el mi caj i chʌmel jiñi rico bʌ wiñic, quepel mi' cʌy i ye'tel.

1 Pedro 1:24

Come ts'ijbubil: “Pejtelel wiñicob x'ixicob lajalob bajche' pimel. Pejtelel i ñuclel wiñicob x'ixicob lajalʌch bajche' i ñich pimel. Mi' tiquin pimel, mi' yajlel ju'bel i ñich,

2 Pedro 1:17

Ya' añon lojon ba' ora Dios tsi' yʌq'ue i ñuclel i Yalobil. Tsa' yʌjñi i wut ti' ñuclel Dios i Tat. Tsa' cu'bibe i t'añ Dios loq'uem bʌ ti' yumʌntel ti panchan che' bʌ tsi' yʌlʌ: “Jiñʌch c'uxbibil bʌ Calobil, tijicña mij q'uel”, che'en.