Juan 5:39 - Jiñi Tsiji' bʌ Wen T'añ cha'añ Estudio

³⁹ Jatetla woli la' wen q'uel i Ts'ijbujel Dios, come mi la' ña'tan cha'añ ya'ʌch mi la' taj la' cuxtʌlel mach bʌ añic mi' jilel; isujm jiñi i Ts'ijbujel Dios jiñʌch mu' bʌ i yʌc'on ti cʌjñel.

Chol de Tumbalá Bible

³⁹ Cabʌl woli la' lon q'uel i Ts'ijbujel Dios, come ya' mi la' ña'tan la' taj la' cuxtʌlel mach bʌ anic mi' jilel. Pero wen q'uelela come jiñʌch mu' bʌ i yʌc'on ti cʌjñel.

Jiñi Tsiji' bʌ Wen T'añ cha'añ Estudio

³⁹ Jatetla woli la' wen q'uel i Ts'ijbujel Dios, come mi la' ña'tan cha'añ ya'ʌch mi la' taj la' cuxtʌlel mach bʌ añic mi' jilel; isujm jiñi i Ts'ijbujel Dios jiñʌch mu' bʌ i yʌc'on ti cʌjñel.

Chol Tila

³⁹ Jatyetla mi la' wen q'uele' jini Ts'ijbubil bʌ i T'an Dios cha'an la' wom la' tyaj la' cuxtyʌlel mach'ʌ yujil jilel. Pero jiñʌch jini Ts'ijbubil bʌ i T'an Dios mi yʌc'on ti cʌjñel.

Chol: I T’an Dios

³⁹ Cabʌl woli la' lon q'uel i Ts'ijbujel Dios, come ya' mi la' ña'tan la' taj la' cuxtʌlel mach bʌ anic mi' jilel. Pero wen q'uelela come jiñʌch mu' bʌ i yʌc'on ti cʌjñel.

Juan 5:39 Iomraidhean Croise

Mateo 22:29

Jiñi cha'añ Jesús tsi' jac'beyob: —Ca'bʌl la' sajtemal, come mach cʌñʌlic la' cha'añ i Ts'ijbujel yic'ot i p'ʌtʌlel Dios.

Marcos 10:3

Jesús tsi' jac'beyob, tsi' yʌlʌ: —¿Chuqui tsi' su'beyetla Moisés ti mandar? —Che'en.

Marcos 12:10

¿Mach ba añic tsa' la' q'uele jiñi t'añ ti' ts'ijbujel Dios: “Jiñi xajlel tsa' bʌ i chocoyob xmel otot, tsa' otsʌnti ti ñaxan bʌ i xujc otot.

Lucas 16:29

Abraham tsi' su'be: “Añ i cha'añob i juñ Moisés yic'ot x'alt'añob, la' i yu'bibeñob i t'añ”, che'en.

Lucas 16:31

Pero Abraham tsi' su'be: “Mi ma'añic mi' jac'beñob i t'añ Moisés yic'ot x'alt'añob, mach muq'uic i ñopob ja'el anquese mi' ch'ojyel loq'uel juntiquil ba'añ chʌmeño' bʌ”.

Lucas 24:25

Jiñi cha'añ Jesús tsi' su'beyob: —Tontojetla, jal mi la' ñop ti la' pusic'al pejtelel chuqui tsi' yʌlʌyob x'alt'añob.

Lucas 24:27

Jesús tsa' caji i su'beñob isujmlel pejtelel i Ts'ijbujel Dios ba' tsa' tajle ti t'añ c'ʌlʌl ti' juñ Moisés c'ʌlʌl ti' juñ pejtelel x'alt'añob.

Lucas 24:44

Ti wi'il Jesús tsi' su'beyob: —Jiñʌch tsa' bʌ c su'beyetla che' añon to quic'otetla: Cha'añ wersa mi' ts'ʌctiyel pejtelel chuqui tac ts'ijbubil cha'añon ti' mandar Moisés yic'ot ti' juñ x'alt'añob yic'ot ti Salmo tac, —che'en.

Juan 1:45

Felipe tsi' taja Natanael, tsi' su'be: —Tsa'ix c taja lojon jiñi ts'ijbubil bʌ i cha'añ Moisés ti jiñi mandar, yic'ot ti' ts'ijbujel x'alt'añob; jiñʌch Jesús i yalobil bʌ José, ch'oyol bʌ ti Nazaret, —che'en.

Juan 5:32

Añ yam bʌ mu' bʌ i yʌc'on ti cʌjñel; cujil isujm i t'añ jiñi mu' bʌ i yʌc'on ti cʌjñel.

Juan 5:36

Pero añ c cha'añ ñumen ñuc bʌ mu' bʌ i yʌc'on ti cʌjñel che' bajche' Juan; jiñʌch que'tel tsa' bʌ i yʌq'ueyon c Tat cha'añ mic mel ti ts'ʌcʌl. Jiñi c melbal, mi' yʌc'on ti cʌjñel cha'añ mi la' ña'tan tsi' chocoyon tilel c Tat.

Juan 5:40

Pero mach la' womic tilel ba'añon cha'añ mi la' taj la' cuxtʌlel.

Juan 5:46

Tsa'ic la' ñopo Moisés, tsa' la' ñopoyon ja'el, come tsi' tajayon ti t'añ ti' ts'ijbujel.

Juan 7:52

Jiñi fariseojob tsi' jac'beyob yic'ot tsi' c'ajtibeyob: —¿Jatet ch'oyolet ba ti Galilea ja'el? Wen q'uele jiñi ts'ijbubil bʌ, mi caj a taj cha'añ ma'añic mi juntiquilic x'alt'añ loq'uem bʌ ti Galilea.

Hechos 13:27

come jiñi chumulo' bʌ ti Jerusalén yic'ot i yumob ma'añic tsi' cʌñʌyob Jesús, ma'añic tsi' ch'ʌmbeyob isujm i t'añ jiñi x'alt'añob mu' bʌ i q'uelob ti jujump'ejl i q'uiñilel c'aj-o, tsi' ts'ʌctesʌbeyob i t'añ x'alt'añob che' bʌ tsi' yʌc'ʌyob ti chʌmel Jesús.

Hechos 17:11

Jiñi año' bʌ ti Berea ñumen weñob bajche' jiñi año' bʌ ti Tesalónica come ti jump'ejl jach i pusic'al tsi' jac'ʌyob jiñi t'añ. Ti jujump'ejl q'uiñ tsi' wen q'ueleyob i Ts'ijbujel Dios cha'añ mi' ña'tañob mi isujm chuqui tsa' su'bentiyob.

Hechos 26:27

Rey Agripa, ¿mu' ba a ñopben i t'añ jiñi x'alt'añob? Cujil cha'añ muc'ʌch a ñop, che'en Pablo.

Romanos 1:2

jiñʌch jiñi tsa' bʌ i wʌn su'bu Dios ti' tojlel x'alt'añob ti Ch'ujul bʌ i Ts'ijbujel.

Romanos 3:2

Ca'bʌl, come jiñobʌch tsa' bʌ aq'uentiyob i t'añ Dios ti ñaxan.

Colosenses 3:16

Wen ñopola i t'añ Cristo cha'añ mi' yʌc' i wut ti la' pusic'al, cʌntesan la' bʌ, toj-esan la' bʌ yic'ot wen bʌ la' ña'tʌbal. C'ʌyinla lac Yum ti salmo tac, yic'ot himno tac, yic'ot c'ay ti' yutslel la' pusic'al. Su'benla wocolix i yʌlʌ Dios.

Hebreos 11:16

Pero tsi' pijtayob jiñi ñumen wen bʌ i lumal am bʌ ti panchan; jiñi cha'añ ma'añic mi' cha'len quisin Dios che' mi' Diosiñob, come tsa'ix i melbeyob i tejclum.

Hebreos 11:35

Añ me'ba' x'ixicob tsa' bʌ cha' ch'ojyi chʌmeñ bʌ i pi'ʌlob; yaño' bʌ tsa' p'ump'un tic'lʌntiyob, ma'añic tsi' c'ajtiyob i colel, come yomob i taj jiñi ñumen uts'at bʌ mu' bʌ caj i yʌq'ueñtelob ba' ora mi' cha' ch'ojyelob jiñi chʌmeño' bʌ.

Apocalipsis 19:10

Tsa' c pʌcchoco c bʌ ti' tojel i yoc cha'añ mic ch'ujutesan jiñi ángel, pero tsi' su'beyon: “Q'uele, mach che'ic yom ma' cha'len. I wiñicon Dios lajal bajche'et yic'ot a wermañujob mu' bʌ i jac'beñob i t'añ Jesús. ¡Ch'ujutesan Dios!” (Come jiñi Espíritu tsa' bʌ i pejcayonla ti Jesús mi' ñijcañonla ti subt'añ).