Juan 4:14 - Jiñi Tsiji' bʌ Wen T'añ cha'añ Estudio

¹⁴ pero majqui jach mi' jap ja' mu' bʌ cʌq'uen, ma'añix mi caj i chʌn tiquin i ti', come jiñi ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'añ mi' yʌq'ueñ i cuxtʌlel mach bʌ añic mi' jilel.

Chol de Tumbalá Bible

¹⁴ Majqui jach mi' jap ja' mu' bʌ cʌq'uen, ma'anix mi caj i chʌn tiquin i ti', come jini ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'an mi' yʌq'uen i cuxtʌlel mach bʌ anic mi' jilel. Che' tsi' yʌlʌ Jesús.

Jiñi Tsiji' bʌ Wen T'añ cha'añ Estudio

¹⁴ pero majqui jach mi' jap ja' mu' bʌ cʌq'uen, ma'añix mi caj i chʌn tiquin i ti', come jiñi ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'añ mi' yʌq'ueñ i cuxtʌlel mach bʌ añic mi' jilel.

Chol Tila

¹⁴ Pero jini mu' bʌ i jape' jini ja' mu' bʌ cʌq'ueñob ma'ix ba' bʌ ora mi quejel i cha' tyʌquin i ti' yubil. Como jini ja' mu' bʌ cʌq'uen mi yajñel che' bajche' i loq'uib ja' ti' pusic'al cha'an bele' ora cha'an mi yʌq'uentyel i cuxtyʌlel mach'ʌ yujil jilel, che'en.

Chol: I T’an Dios

¹⁴ Majqui jach mi' jap ja' mu' bʌ cʌq'uen, ma'anix mi caj i chʌn tiquin i ti', come jini ja' mu' bʌ cʌq'uen mi' caj ti ajñel ti' pusic'al che' bajche' bulux ja' cha'an mi' yʌq'uen i cuxtʌlel mach bʌ anic mi' jilel. Che' tsi' yʌlʌ Jesús.

Juan 4:14 Iomraidhean Croise

Mateo 25:46

Jiñi cha'añ ili jontolo' bʌ mi caj i majlelob ti tojmulil mach bʌ añic mi' jilel, jiñi tojo' bʌ mi caj i tajob i cuxtʌlel mach bʌ añic mi' jilel, che'en Jesús.

Mateo 5:6

Tijicñayob jiñi año' bʌ i wi'ñal yic'ot i tiquinti' cha'añ chuqui toj, come mi caj i bujt'esʌntelob i pusic'al.

Juan 10:10

Mi' tilel xujch', cha'añ mi' xujch'in, cha'añ mi' tsʌnsan yic'ot cha'añ mi jisan; pero joñon tsa' tiliyon cha'añ mi' tajob i cuxtʌlel, cha'añ oñ mi' tajob pejtelel chuqui wen.

Juan 11:26

Pejtelel cuxulo' bʌ, mu' bʌ i ñopoñob, ma'añic mi' chʌmelob ti pejtelel ora. ¿Mu' ba a ñop jiñi? Che'en Jesús.

Juan 4:10

Jesús tsi' jac'be: —Tsa'ic a cʌñʌ a majtañ ch'oyol bʌ ti Dios, tsa'ic a cʌñʌ jiñi woli' bʌ i c'ajtibeñet ja', tic'ʌl che' jiñi tsa'ix a c'ajtibeyon ja' cha'añ mi cʌq'ueñet cuxul bʌ ja', —che'en.

Juan 4:11

Jiñi x'ixic tsi' su'be: —C Yum ma'añic a lucho' ja', tam i ch'eñal ja'. ¿Baqui ma' taj jiñi cuxul bʌ ja'? —Che'en.

Juan 4:13

Jesús tsi' jac'be: —Majqui jach mi' jap jiñi ja' mi caj i cha' tiquin i ti',

Juan 4:36

Jiñi mu' bʌ i cha'len c'ajbal mi' taj i tojol yic'ot mi' tempan i chobejtʌbal cha'añ i cuxtʌlel mach bʌ añic mi' jilel. Cha'añ junlajal tijicña mi' yu'bin jiñi mu' bʌ i cha'len pac' yic'ot jiñi mu' bʌ i cha'len c'ajbal.

Juan 6:27

Cha'lenla e'tel, mach cha'añic jiñi we'elʌl mu' bʌ i jilel, cha'lenla e'tel cha'añ jiñi we'elʌl mu' bʌ i jalijel cha'añ mi la' taj la' cuxtʌlel mach bʌ añic mi' jilel, i Yalobil Wiñic mi caj i yʌq'ueñetla jiñi we'elʌl, come Dios lac Tat tsa'ix i yʌq'ueyon c p'ʌtʌlel cha'añ ili e'tel.

Juan 6:35

Jesús tsi' su'beyob: —Joñon jiñi waj mu' bʌ i yʌq'ueñetla la' cuxtʌlel, jiñi mu' bʌ i tsajcañon ma'añic ba' ora mi caj i yu'bin wi'ñal, jiñi mu' bʌ i ñopon ma'añic ba' ora mi caj i tiquin i ti'.

Juan 6:58

Jiñʌch jiñi Waj tsa' bʌ ju'bi tilel ti panchan, mach che'ic bajche' jiñi maná tsa' bʌ i c'uxuyob la' ñojte'elob anquese tsi' c'uxuyob tsa' chʌmiyob, jiñi mu' bʌ i c'uxob jiñi Waj mu' bʌ cʌq'ueñob, chʌn cuxul mi' yajñelob ti pejtelel ora, che'en.

Juan 7:37

Che' ti' yujtibal jiñi ñuc bʌ q'uiñijel, Jesús tsa' wa'le, c'am tsi' cha'le t'añ, tsi' yʌlʌ: —Mi añ majqui añ i tiquinti', la' tilic ba'añon, la' i jap ja'.

Romanos 5:21

Come che' bajche' jiñi mulil tsi' cha'le i yumʌntel ti chʌmel, che'ʌch ja'el mi' mel i yumʌntel i yutslel i pusic'al Dios cha'añ tsa' aq'uentiyonla toj bʌ lac pusic'al, cha'añ cuxul mi lac cajñel ti pejtelel ora ti lac Yum Jesucristo.

Romanos 6:23

Come i tojol jiñi mulil, jiñʌch chʌmel, pero lac majtañ mu' bʌ i yʌq'ueñonla Dios jiñʌch laj cuxtʌlel mach bʌ añic mi' jilel ti lac Yum Cristo Jesús.

2 Corintios 1:22

jiñʌch tsa' bʌ yotsʌbeyonla lac sellojlel ba' mi' tsictiyel cha'añ i cha'añoñʌchla yic'ot tsi' yʌq'ueyonla jiñi Espíritu ti lac pusic'al.

Efesios 4:30

Mach la' wʌq'uen i ch'ijiyemlel i pusic'al jiñi Ch'ujul bʌ Espíritu tsa' bʌ la' taja ti Dios, come jiñʌch la' sellojlel ti jiñi tal to bʌ q'uiñ che' mi caj la' coltʌntel.

1 Pedro 1:22

Tsa'ix la' sʌc-esa la' pusic'al ti' jac'ol isujmlel, jiñi cha'añ mi la' c'uxbin la' wermañujob ti isujm. Wen c'uxbin la' bʌ ti jump'ejl la' pusic'al.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.

Apocalipsis 7:16

Ma'añix mi caj i chʌn u'biñob wi'ñal mi tiquinti'. Jiñi q'uiñ ma'añix mi caj i pulob. Ma'añix mi caj i yu'biñob ticwal,

Apocalipsis 7:17

come jiñi Tʌñʌme' am bʌ ti' tojel i buchlib Dios mi caj i cʌntañob. Mi caj i pʌsbeñob majlel cuxul tac bʌ ja'. Dios mi caj i sujcubeñob pejtelel i ya'lel i wut”, che'en.