Juan 3:3 - Jiñi Tsiji' bʌ Wen T'añ cha'añ Estudio

³ Jesús tsi' jac'be Nicodemo: —Isujm, isujm mic su'beñet, jiñi mach bʌ añic mi' cha' ilan pañimil, mach mejlic i q'uel i yumʌntel Dios, —che'en.

Chol de Tumbalá Bible

³ Jesús tsi' jac'be Nicodemo: Isujm, isujm mic subeñet, jini mach bʌ anic mi' cha' ilan pañimil, mach mejlic i q'uel i yumʌntel Dios, che'en.

Jiñi Tsiji' bʌ Wen T'añ cha'añ Estudio

³ Jesús tsi' jac'be Nicodemo: —Isujm, isujm mic su'beñet, jiñi mach bʌ añic mi' cha' ilan pañimil, mach mejlic i q'uel i yumʌntel Dios.

Chol Tila

³ Jesús ti' sube Nicodemo: Melel mic subeñet, jini mach bʌ ba'an mi' cha' ch'oc an mach ch'ujbi i yumin Dios.

Chol: I T’an Dios

³ Jesús tsi' jac'be Nicodemo: Isujm, isujm mic subeñet, jini mach bʌ anic mi' cha' ilan pañimil, mach mejlic i q'uel i yumʌntel Dios, che'en.

Juan 3:3 Iomraidhean Croise

Mateo 16:17

Jiñi cha'añ Jesús tsi' jac'ʌ: —Tijicña a pusic'al Simón, i yalobilet bʌ Jonás, come mach tilemic ti wiñicob año' bʌ i bʌc'tal yic'ot i ch'ich'el a ña'tʌbal, cojach jiñi c Tat am bʌ ti panchan tsi' pʌsbeyet.

Mateo 19:24

Mic cha' su'beñetla, mach wen wocolic mi' ñumel camello ti' wut acuxan, pero ñumen wocol mi' yochel ti' yumʌntel Dios jiñi wen chumul bʌ wiñic, —che'en Jesús.

Mateo 21:31

¿Majqui ti' cha'ticlelob tsi' mero mele che' bajche' yom i tat? Tsi' yʌlʌyob: —Jiñi ñaxan bʌ. Jesús tsi' su'beyob: —Isujm mic su'beñetla, jiñi xch'ʌm tojoñelob yic'ot jiñi ts'i'lel x'ixicob ñaxan mi caj i majlelob ti la' tojlel ti' yumʌntel Dios.

Mateo 5:18

come isujm mic su'beñetla, mach mejlic ti yajpel loq'uel mi jump'ejlic letra mi jump'ejlic punto ti jiñi mandar c'ʌlʌl ti' jilibal pañimil yic'ot panchan, jinto mi' laj ts'ʌctiyel pejtelel isujmlel.

Marcos 10:14

Che' bʌ tsi' q'uele Jesús tsa' mich'a, tsi' su'beyob: —La' tilicob alobob ba'añon, mach mi la' tic'ob, come i cha'añob i yumʌntel Dios.

Marcos 9:47

Mi woli' yʌsañet ti mulil a wut, loc'san, uts'at che' ma' wochel ti' yumʌntel Dios yic'ot jump'ejl jach a wut, mach uts'atic che' cha'p'ejl a wut ma' chojquel ochel ti tojmulil,

Juan 1:13

Tsi' cha' ilayob pañimil, mach ti bʌc'talic mi ti' ch'ich'elic, mi cha'añic che' yom i tat i ña', mi cha'añic che' yom wiñic, cha'añʌch che' yom Dios

Juan 1:5

I sʌclel pañimil mi' pʌs i bʌ ti ic'ch'ipan bʌ pañimil. Jiñi ic'ch'ipan bʌ pañimil ma'añic tsa' mejli i yʌpben i sʌclel.

Juan 1:51

Jesús tsi' cha' su'be: —Isujm, isujm mic su'beñetla, mi caj la' q'uel che' jajmeñix panchan, mi caj la' q'uel i yÁngel Dios che' mi' letselob majlel yic'ot che' mi' ju'belob tilel ti' tojlel i Yalobil Wiñic. Tsi' pʌntesa ja' ti vino Tsi' c'oq'uesʌbe i yalobil juntiquil yumʌl Tsi' c'oq'uesa jiñi mach bʌ weñic i yoc Tsi' we'sa bajc'ʌl wiñicob x'ixicob Tsi' cha'le xʌmbal ti' pam ja' Tsi' cambe i wut juntiquil xpots' Tsi' teche ch'ojyel Lázaro (Q'uele ja'el 20.30-31)

Juan 12:40

“Lac Yum tsi' yotsayob ti xpots' yic'ot tsi' tsʌts-esʌbeyob i pusic'al, cha'añ ma'añic mi' c'otelob i wut, cha'añ ma'añic mi' ch'ʌmbeñob isujm ti' pusic'al, cha'añ ma'añic mi' sutq'uiñob i bʌ, yic'ot cha'añ ma'añic mi j c'oq'uesañob”.

Juan 3:4

Nicodemo tsi' c'ajtibe: —¿Bajche' mi mejlel i cha' ilan pañimil wiñic che' ñoxix? ¿Mejl ba i cha' ochel ti' ñʌc' i ña' cha'añ mi' cha' ilan pañimil? —Che'en.

2 Corintios 4:4

Satanás, jiñʌch i dios jiñi jontolo' bʌ ti pañimil, tsa'ix i mʌcbeyob i ña'tʌbal jiñi mach bʌ añic mi' ñopob Cristo, ame i q'uelob i sʌclel jiñi wen t'añ ba' tsiquil i ñuclel Cristo i yejtal bʌ Dios.

2 Corintios 5:17

Jiñi cha'añ majqui jach añ ti Cristo tsijib melbilix. Tsa'ix jili jiñi tsucul tac bʌ. Awilan tsijib melbil ti' pejtelel.

Gálatas 6:15

come ti Cristo Jesús ma'añic chuqui mi' cha'len mi tsepbil lac pʌchʌlel o mi mach tsepbilic lac pʌchʌlel, pero jiñi ñumen ñuc bʌ jiñʌch che' melbiloñixla ti tsijib.

Efesios 2:1

Dios tsi' yʌq'ueyetla la' cuxtʌlel che' chʌmeñetla ti la' jontolil yic'ot ti la' mul,

Tito 3:5

tsi' coltayonla, mach cha'añic toj lac melbal pero cha'añ ti' p'untaya tsi' coltayonla, tsi' pocoyonla cha'añ mi la cʌq'uentel tsiji' bʌ laj cuxtʌlel, tsi' cha' meleyonla ti' p'ʌtʌlel Ch'ujul bʌ Espíritu,

Santiago 3:17

Pero jiñi wen bʌ lac ña'tʌbal ch'oyol bʌ ti chañ ñaxan mi' pʌs i bʌ ti' sʌclel lac pusic'al yic'ot i yutslel lac t'añ, mi' yʌc' ti bujt'el lac pusic'al ti p'untaya cha'añ mi lac mel pejtelel chuqui wen ti pejtelel lac pusic'al, mach yujilic lo'loya.

1 Pedro 1:3

La' sujbic i ñuclel Dios i Tat lac Yum Jesucristo, come ca'bʌl tsi' p'untayonla che' bʌ tsi' yʌq'ueyonla lac cha' ilan pañimil cha'añ jiñi cuxul bʌ lac pijtaya, cha'añ tsa' cha' tejchi ch'ojyel Jesucristo ba'añ chʌmeño' bʌ.

1 Juan 2:29

La' wujil tojʌch Cristo, la' wujil ja'el tsa'ix i yilayob pañimil ti Dios pejtelel mu' bʌ i melob chuqui toj.

1 Juan 3:9

Jiñi tsa'ix bʌ i yila pañimil ti Dios ma'añix mi' chʌn cha'len mulil, come woli' yajñel i yEspíritu Dios ti' pusic'al; mach mejlic i chʌn cha'len mulil, come tsa'ix i yila pañimil ti Dios.

1 Juan 5:1

Pejtelel jiñi mu' bʌ i ñop Cristojʌch jiñi Jesús, tsa'ix i yila pañimil ti Dios, majqui jach mi' c'uxbin lac Tat tsa' bʌ i yʌq'ueyonla lac cha' ilan pañimil mi' c'uxbin ja'el i yalobilob.

1 Juan 5:18

La cujil ma'añic mi' chʌn cha'len mulil jiñi tsa'ix bʌ i yila pañimil ti Dios. Jiñi xi'ba mach mejlix i chʌn tic'lan, come i Yalobil Dios mi' cʌntan.

1 Juan 5:4

Come jiñi tsa' bʌ i yila pañimil ti Dios, mi' t'uchtan i cha'añ bʌ pañimil. Jiñʌch i t'uchtʌntel pañimil che' mi lac ñop Dios.

Apocalipsis 3:14

Ts'ijbuben jiñi xcʌntaya i cha'añ xñopt'añob mu' bʌ i tempañob i bʌ ya' ti Laodicea: “Awilan; jiñi lac Yum, jiñi xuc'ul bʌ Testigo, jiñi ñaxan bʌ mu' bʌ i cha'len yumʌl ti' tojlel pejtelel i melbal Dios, jiñʌch mu' bʌ i yʌl ili t'añ: