Juan 3:18 - Jiñi Tsiji' bʌ Wen T'añ cha'añ Estudio

¹⁸ Jiñi mu' bʌ i ñop ma'añic mi' yochel ti tojmulil pero jiñi mach bʌ añic mi' ñop, ochemix ti tojmulil, come ma'añic tsi' ñopbe i c'aba' jiñi cojach bʌ i Yalobil Dios.

Chol de Tumbalá Bible

¹⁸ Jini mu' bʌ i ñop ma'anic mi' yochel ti tojmulil. Jini mach bʌ anic mi' ñop, ochemix ti tojmulil, come ma'anic tsi' ñopbe i c'aba' jini cojach bʌ i Yalobil Dios.

Jiñi Tsiji' bʌ Wen T'añ cha'añ Estudio

¹⁸ Jiñi mu' bʌ i ñop ma'añic mi' yochel ti tojmulil pero jiñi mach bʌ añic mi' ñop, ochemix ti tojmulil, come ma'añic tsi' ñopbe i c'aba' jiñi cojach bʌ i Yalobil Dios.

Chol Tila

¹⁸ Jini mu' bʌ i ch'ujbin cha'an ajcotyaya i cha'an i Yalobil Dios mach'an mi yochel ti xot'mulil. Jini mach bʌ ba'an mi' ch'ujbin wʌ alʌlix mi quej i xot' i mul como mach'an ti' ch'ujbi jini cojach bʌ Yalobil Dios.

Chol: I T’an Dios

¹⁸ Jini mu' bʌ i ñop ma'anic mi' yochel ti tojmulil. Jini mach bʌ anic mi' ñop, ochemix ti tojmulil, come ma'anic tsi' ñopbe i c'aba' jini cojach bʌ i Yalobil Dios.

Juan 3:18 Iomraidhean Croise

Marcos 16:16

Jiñi mu' bʌ i ñop mu' bʌ i ch'ʌm ja' mi caj i coltʌntel. Jiñi mach bʌ añic mi' ñop mi caj i yʌjq'uel ti tojmulil.

Juan 1:12

Pejtelel tsa' bʌ i ch'ʌmʌyob ti' wenta, tsa' bʌ i ñopbeyob i c'aba', tsa' aq'uentiyob i p'ʌtʌlel cha'añ mi' yochelob ti' yalobilob Dios.

Juan 1:18

Ma'añic majqui wis q'uelbil i cha'añ Dios; jiñi jach cojach bʌ i Yalobil, am bʌ ti' t'ejl i Tat, jiñi tsi' yʌc'ʌ ti cʌjñel i Tat.

Juan 20:31

Pero iliyi tsa' ts'ijbunti cha'añ mi la' ñop Cristojʌch jiñi Jesús, i Yalobilʌch Dios, cha'añ che' mi la' ñop, mi la' wʌq'uentel la' cuxtʌlel ti' c'aba'.

Juan 3:16

Come che'i tsi' wen c'uxbi Dios jiñi año' bʌ ti pañimil, tsi' yʌc'ʌ cojach bʌ i Yalobil; majqui jach mi' ñop i Yalobil, ma'añic mi' sajtel; mi' taj i cuxtʌlel mach bʌ añic mi' jilel.

Juan 3:36

Jiñi mu' bʌ i ñop i Yalobil Dios, añ i cha'añ i cuxtʌlel mach bʌ añic mi' jilel; jiñi mach bʌ añic mi' ñop i Yalobil Dios mach mejlic i yʌq'uentel i cuxtʌlel, mi' yajñel ti' mich'ajel Dios.

Juan 5:24

Isujm, isujm mic su'beñetla: Jiñi mu' bʌ i yu'bin c t'añ, mu' bʌ i ñop jiñi tsa' bʌ i chocoyon tilel, añix i cuxtʌlel mach bʌ añic mi' jilel, ma'añic mi yʌjq'uel ti tojmulil, tsa'ix i mʌlbe chʌmel, aq'uebilix i cuxtʌlel.

Juan 6:40

Come jiñi yom bʌ c Tat tsa' bʌ i chocoyon tilel jiñʌch cha'añ pejtelel mu' bʌ i q'uel i Yalobil Dios, yic'ot mu' bʌ i ñopob mi' tajob i cuxtʌlel mach bʌ añic mi' jilel; joñon mi caj c techob ch'ojyel ti jiñi cojix bʌ q'uiñ, —che'en Jesús.

Juan 6:47

Isujm, isujm mic su'beñetla, jiñi mu' bʌ i ñopon, añix i cuxtʌlel mach bʌ añic mi' jilel.

Romanos 5:1

Dios mi' q'uelonla ti toj cha'añ tsa' lac ñopo, añix i ñʌch'tʌlel lac pusic'al yic'ot Dios cha'añ ti' caj tsa' lac ñopo lac Yum Jesucristo.

Romanos 8:1

Jiñi cha'añ ma'añix tojmulil ti' tojlelob jiñi año' bʌ ti Cristo Jesús, [jiñi mach bʌ añix mi' chʌn jac'beñob i tsuculel i pusic'al, pero mi' jac'beñob jiñi Espíritu,]

Romanos 8:34

¿Majqui mi' mejlel i yʌc'onla ti tojmulil? Come Cristo tsa' chʌmi cha'añonla; tsa' tejchi ch'ojyel ja'el ba'añ chʌmeño' bʌ; che' ja'el añ ti' ñoj Dios ba' woli' c'ajtiben Dios laj coltʌntel.

Hebreos 12:25

Tsajiletla ame la' ñusan lac Yum woli bʌ ti t'añ, come jiñi israelob tsa' bʌ i ñusʌbeyob i t'añ Moisés i wiñic Dios wʌ' ti pañimil tsi' wersa tojoyob i mul, ñumen mi caj lac toj joñonla mi woli lac ñusan Dios mu' bʌ i tic'onla ya' ti panchan.

Hebreos 2:3

¿Bajche' mi mejlel lac puts'el joñonla mi woli lac ñusan jiñi ñuc bʌ laj coltʌntel? Lac Yum tsi' teche i su'b laj coltʌntel, jiñi tsa' bʌ i yu'bibeyob i t'añ, tsa'ix i cha' su'beyonla ja'el cha'añ isujmʌch,

Hebreos 3:19

Tsiquil che' jiñi, ma'añic tsa' mejliyob ti ochel, come ma'añic tsi' ñopoyob.

1 Juan 3:23

Jiñʌch i mandar: Yom mi lac ñopben i c'aba' Jesucristo i Yalobil Dios yic'ot yom mi laj c'uxbin lac bʌ ti lac pejtelel, che' bajche' tsi' yʌq'ueyonla mandar.

1 Juan 4:9

Tsi' pʌsbeyonla i c'uxbiya Dios che' bʌ tsi' choco tilel ti pañimil cojach bʌ i Yalobil cha'añ mi lac taj laj cuxtʌlel ti Jesús.

1 Juan 5:10

Majqui jach mi' ñop i Yalobil Dios yujil ti' pusic'al isujmʌch ili t'añ; jiñi mach bʌ añic mi' ñop Dios tsa'ix i cuyu ti xlot, come ma'añic tsi' ñopo jiñi t'añ tsa' bʌ i yʌlʌ Dios cha'añ mi laj cʌmben i Yalobil.

1 Juan 5:12

Jiñi ochem bʌ ti' Yalobil Dios, añ i cuxtʌlel, jiñi mach bʌ añic i cha'añ i Yalobil Dios, ma'añic i cuxtʌlel.